اشرقت الشمس معلنه بدايه يوم جديد علي كلا من ضحى ونادر ف من الان وصاعدا ستكتب اولي سطور قصه حبهما ...
نادر : صبااح الخير يا فارفورتي.
ضحى بصوت منخفض : صباح النور يا نادر.
نادر بأبتسامه : يا سلام لو الواحد كل يوم يصحي ع الوش ده يا ناااس ده انا ابقي شفت الجنه ونعيمها.
ضحى بمضض : ليه بتقفلني من اليوم بدري بدري.
نادر : اقفلك ايه بس انتي لو تشوفي منظرك مش هتقولي كده قاعد يا ناس مع طبق زبادي بالفراوله..
ضحى بخجل : احم وانت كمان...
نادر بضحك : شبه ابه ها ها القمر توم كروز رز بلبن قولي قولي متنكسفيش....
ضحى : شبه الغوريلا وشعرك منكوش..
نادر بأبتسامه : الله يسامحك يا ستي غوريلا مش لاقيه غيرها تشبهيني بيها بس شوفي بقا مهما عملتي برضو مبزعلش منك ... بس انتي نمتي امبارح علي طول مش قلتلك صوتي كلو شجن وكان جاي بقا لحظه روقان يا سلااام ولا عبحليم ف زمانه...
صحى : بصراحه الاغنيه كانت حلوة اوي عجبتني كلماتها جدا ... طيب احنا هنوصل القريه ازاي..
نادر : امممم فكره بصي احنا ننزل نتمشي شويه ويمكن نلاقي اي مواصله..
ضحى : طيب بس انا عاوزة اغسل وشي واخد شاور...
نادر وهو يرفع حاجبه : شاور !! ده ف بيتكو هناك انما هنا الشاور بالرمله قومي قومي يا ستي تغسلي وشك ايه اما انتي كده ومش غسلاه لو اتغسل هتطلعي اشعاعات هتمشي تنوري ف الشارع...
ضحى بضحك : هههههههه .. بس كده هبقي معفنه طيب..
نادر : طب انا اعمل ايه دلوقتي يااربي خلاص وعد مني هجبلك ازازه ميا واحنا ماشيين.
ضحى بابتسامة : ما بلاااش..
نادر : بلاش الميا !!...
ضحى بمزاح : لا بلاش الوعد احسن انت يعنننييي ...
نادر : يا بنتي حرام عليكي والله يا ضحى كنت هنفذ وعدي ثقي فيا بقا...
ضحى بتوتر : آآآآ.. انا اسفه يا نادر..
نادر : لا يا فارفورتي متتأسفيش انا اللي لازم اتأسف عشان سبتك كتير منغير ما اكلمك ولا اعرفك اني موجود سامحيني يا فارفورتي..
ضحى بابتسامه : مسامحاك يا نادر..
نادر وهو يمد يده بإزازه الماء : حيث كده بقا امسكي يا ستي.
