"Akala ko, Sigurado na ako"
Akala ko, sigurado na ako sa 'ting dalawa
Akala ko kaya ko na,
Pero nang ika'y muling makita
Nagbalik lahat ng ala-ala
Malungkot at masaya
Lahat ng iyon, binigyan ko ng halaga
Pero kitang-kita ko sa 'yong mga mata,
Na lahat ng yun ay wala nang kwenta.
Tuwing nakikita kitang kasama mo siya
Naaalala ko kung pa'no mo rin ako napasaya
Iniisip na hindi bale at ako ang una mong napatawa
Kaso nga lang at hindi na ako umabot sa pangalawa
Mga ngiti mo na dati ay saakin lang nakareserba
Ngayon ay paborito na rin ng iba
Mga mata na agad kong minahal ng una kong makita
Heto ngayon at may tinititigan ng iba
Pagmamahal mo na dati ay sa akin lang pinapadama
Pero ngayon ay pagmamay-ari na niya.
Akala ko, aabot tayo sa walang hanggan
Ngunit hindi pa man tayo nakakarating sa kasalukuyan
Lahat ng pinagsamahan natin, naiwan na agad sa nakaraan
Sana sa susunod na tula, hindi na muling magsisimula sa akala ko,
Hinihiling na sisimulan na ng salitang sigurado na ako.
