لآ مُـسـتَحيـﮯلَ فيـﮯ آلحُب♥

البارت الثاني

ابدي سلامي قبل كلامي 🤗
بدون حجي زايد خل ادخل بالرواية.......
************************************
                لآ مـسـتحيـﮯل فيـﮯ آلحب

مراد.  اعرفكم نفسي اسمي (مراد) عمري 30 سنة طولي 190سم وعيوني خضر ممزوجة بخيوط عسلية  ، اني من اصول عراقية بس عايش مع عائلتي بأمريكا
طبعا بسبب ظروف الي داتصير بالعراق من حرب وموت وقتل وضلم واستغلال قرر والدي انو يترك هذا البلد ويسافر لأمريكا مو بس هو اغلب عائلتي سافرت يعني اغلب عمامي وخوالي هناك تجنسنا بأمريكا طبعن بذاك الوقت كان عمري 10 سنوات

عشت طفولتي هادئ وبنفس الوقت مرح ابتسامتي ماكانت تفارق شفايفي على طول مبتسم بس بعد ان كبرت ودرست وتخرجت صارت هواي ضروف وياي ادت الى تحولي من شخصية هادئة الى شخصية عنيفة وغامضة وهذا السبب راح تعرفو بعدين،
ها نسيت اكلكم اني حامل شهادة الهندسة المعمارية وحاليا جاي ادير كروب مكون من مجموعة شركات عملاقة  تحت اسم (  ..... Group Al)

خلي اعرفكم على عائلتي

والدي: الدكتور (سليم) 
والدتي:( صفاء)
اختي:  (جانا)(انولدت بأمريكا وحاليا عمرها 17سنة طالبة)
بالاضافة الى اخي التوأم (عماد) كان اقرب الناس الية حتى اقرب من امي وابوي عشنا سوة ودرسنا سوة وتخرجنا سوة لكن شاء القدر ان افقد هذا الشخص وهناك من كان السبب وهذا الشي بالنسبة الي طبعا ماراح يمر مرور الكرام

༺༺༺༺༺༺༺༺༺༺༺༺༺༻༻༻༻༻༻༻༻༻༻༻༻༻༻༻
نرجع للعرآق......

خديجة.  رجعت للبيت ضايجة ومتعصبة وعيوني منتفخة بسبب اخر الاحداث الي صارت بيني وبين ضرغام
دخلت واني احجي وي نفسي مثل المخابيل:مستحييييل  مستحيل اسامحة والله ما اسامحة واذا صدك اجة فد يوووووم وسامحتة اطلع اني هبشة وعوبة وطايحة حض همين بعد

بهلحضة دخل علية اخوية ريان شافني بهاي الحالة تحولت ملامح وجها الهادئة الى ذعر (طبعن اذا اني شكلي وحالتي يبجن الصخر) 

ريان: خوخة هاي شبيج شنو شصاير ليش هيج شكلج

خديجة بأرتباك:  ها لا لا ريان مابية شي

ريان بعصبية وهو بدون العصبية عصبي:  شنو مابيج شي احجي خل اسمع احد محاجيج احد متعرضلج احجييييي

خديجة.  يمة والله ارتبكت اعرف ريان ماراح يفوت هذا الشي الا يعرف بس اني ماريد اكلة ماريد تصير مشاكل بينة وبين ضرغام انوب اثنيهم اعصاب وهيج حطينة البانزين يم النار  حاولت اتلافا الموضوع

خديجة:  لا حبيبي ريان مو هيج الحجي بس يعني يعني اني ءء اا

ريان:  خدييييجة بدووون جذب اعرفج من تعتعتين وتمسلتين بيعني ويعني انتي داتجذبين علية

خديجة بأنفعال وتمثيل :  يووووو عابتلك مشكلتي انك فاهمني بكل احوالي اووووف لك هاي شبيك خيي ماكو شي ليش متصدك كلما بالامر انو اليوم كان عندي امتحان بمادة دكتور كرار وصديقتي بصفي صار عدها ضرف وخطية مكدرت تقرة  فأني غشيتلها ولكفنا  الدكتور الغثيث اخذ الورقة وطردنا  متشوفني ليش رجعت من وكت لان استحي اباوع بوجه الطلاب هذا كل الي صار وخلصت انتهت وعاشت عيشة سعيدة ها حضرتك صدكت !!!