ماهر...... كعدنه اني وفهد تناقشنه بأمور الشغل وغيرهه من الملفات والمجرمين اوووو هوسه متنفهم دوخه والله ....يلا حبيبي اني رايح تعبت صارت الساعه ١٢ ونص باجر ورانه دوام كوم ارتاح واني راح اروح للبيت
فهد.....دضل بات يمي شبيك صاير نفسيه
ماهر..... وداعتك تعبان ومالي خلك احس لدنيه طالعه من عيني
فهد....الله يصبرك يا خويه والله من اشوفك هيج مهموم اني اتعب من يمي
ماهر .....اووف الحمدلله تعال ويايه حته انطيك غراض سلار
فهد.....يلا كوم ....طلعنه ماهر انطاني غراضهه جنطه جبيره اخذتهه ووصاني بيهه وراح
طبيت جوه صحتلهه انطيتهه غراضهه شالت الجنطه جان تقلت من ايدهه شكد فاهيه 😂اخذتهه منهه وصعدتهه
سمسمه..... صاحلي فهد انطاني الجنطه شلتهه وكعت فوكاها من كد ما ثكيله ادرري شحاطيلي بيهه بس يمكن من الكتب المهم عاديي صرت مضحكه كدام فهد خرب ضحك عليه اخذهه وهوه صعدهه تي شبيك ماخذتهه من البدايه الا تفشلني 😂😂المهم صعدت نفشتهه مخليلي ملابس وكتب وغراض عبالك زعلانه😂😂اخذت كتبي رتبتهن وكعدت سويتلي جدول للمواد لان بعد ٣ ايام نبلش امتحانات نصف السنه والخوف يقره١٠٠٠٠↗️↗️خليت كتبي صارت الساعه ب ١ونص كلت خل انام من وكت حته اكعد الصبح اقره احب قرايه الصبح عطشت نزلت اشرب مي طبعاا صفا دجاجه بس خلت راسهه ع المخده غفت واني اسافر التركيه واتزوج واعيش حياتي الا اكدر انام ابني مستقبلي😂😂😂 عطشت نزلت تريد اشرب مي لكيت البيت اضلم كلهم نايمين اخذت كلاص ترسته مي من البراد وشربت ردت اطلع من المطبخ الطخت بواحد ردت اصرخ بس سد حلكي
سمسه ......اممم ممم
فهد..... اشش اشش اني اني اهدي لتخافين راح اوخر ايدي نصي صوتج
سمسه ....هزيت راسي وخر ايده يمه كلبي متت خوف احس كلبي يريد يطلع مابيه اوكف بعد حضني فهد وكلي اهدي شبيج هالكد خفتي .
سمسمه..... غير انته موتتني خوف شدتسوي هنا
فهد...ههههههه يعني ابيتي شسوي مثلا وجاي للمطبخ غير اريد مي
سمسمه...... هاا اي بس مو جفلتني
فهد..... اسف عيني ست سمسم بعد ماشرب مي الا اخذ اذنج
سمسم.... شبي هذا شكد نفسيه اووي ...عفته وصعدت
فهد...... جنت بغرفتي عطشت كمت مالكيت مي بالثلاجه خلصان نزلت اريد اشرب سمعت طكطه بالمطبخ عرفت وحده من البنات ماردت اجفلهه كلت بالحالتين راح تجفل بس خاف تعيط وتفضحنه ...فتت للمطبخ بالباب الطخت بيه سديت حلكهه رأسا وصار الفوك👆👆👆👆👆
سمسم.....صعدت نمت احس بعدهه الخوفه بكلبي المهم غفيت بعد معاناة من محاوله النوم ماعرف ليش بس ما انام بسرعه ...كعدت الصبح الساعه ب٩ نزلت جوه لكيت ام فهد كاعده ...صباح الخير خاله
ام فهد.. صباح النور حبيبتي اسويلج ريوك
سمسم .... لا خاله تسلمين ما احب اتريك
ام فهد .....يا ليش يوم هوه غذاء الدماغ الريوك
سمسم..... خاله والله ماحبه مابي شي طيب كل تشياء الريوك مطيبه
ام فهد..... ههههههههه براحتج بنتي
سمسم...... غسلت وصعدت اقره اخذت كتبي خطيه صفا نايمه ماردت ازعجهه طلعت بره نزلت ع خاله
....خاله وين اقره اريد اقره
ام فهد ....حبيبتي اقري بغرفه فهد لان الصوبه عطلانه مال الصاله وباره اخاف عليج لتتمرضين فهد بالدوام اقري بغرفته
سمسم .....تمام ...رجعت صعدت فتت للغرفه واو تخبل اعشق هيج غرفه صدك غرفه احلامي طبعا اني من عشاق اللون الاسود الغرفه اثاثهه كله اسود ورصاصي الغرفه فخمه كلش حته البردات اسود تجنن سرير نفرين عبالك مال عريس😂😂 طبعا كعدت عبالكم اقرره لا بابه لا كعدت استكشف بالغرفه اخذتلي فره بيهه فتحت الكناتير شفت الحمام فتحت البلكون وبعد ما خلصتهه كلهه وارتاحيت رزلت نغسي ع المرايه وكعدت اقره😂😂ضليت اقره صارت الساعه تقريبا ب١ اجتي صفا كالتي يلا امشي نتغده نزلنهه اني وياها كعدنه ع الغده نتشاقه اني وياهه وخاله تضحك علينه كملت اكل غسلت المواعين وي صفا وخطيه خاله كلبت الدنيا شبعتني رزايل كوه غسلتهن وياها
ورجعت صعدك اقره راجعت القريته واحس بعد ماشوف من النعاس لان صارت ب٣ العصر واني كاعده من ال٩ غفيت بصف الكتب بالكاع شبيج شكد ثوله مو اكو جربايه يمج عادي موجديده عليه
اشوفكم الغرفه هيج جان تصميمهه تقريبا
أنت تقرأ
عشق الضابط فهد
Mistério / Suspenseطفله والديها يفارقون الحياة تعيش عند اخاها وفجأه تصبح حياتها في خطر يعشقها منقذها قصه جريئه وممتعه جدا واقعيه
