الجنة ليست لها

الجزء التاسع

رهف
اخلاص ليش ما كتيلي ليش متحجين الامي

شحجي رهف من كل عقلج سمعه تصير عليها واني اني خايفه من تاليها والله لو تروح الاهلها هواي احسن النة

رهف
وهذا ميستحي على نفسة ميكول عيب جيرانه وهذي عرضهم

ضحكت باستهزاء اخلاص وكالت
واذا عرضنا هوة عارض نفسة شيسوي
شتتوقعين منه يسوي مثلاً
الصراحة حتى شاكة مشاكل مرته وياه من ورا هاي السالفة
اكول ليش امة تتشكة دائماً من طلايبه ويه مرتة كدامنا بس احنه ما افتهمنا

رهف
ونتي شلون عرفتي

اخلاص
مثل طريقتج من عرفتي
صعدت اسد الباب مال السطح تعرفين امج توهوس خاف الباب مفتوح ويطفر حرامي وشفتها واكفه تأشرلة

رهف
اني هم شفتها تأشرله بس اني ثوله رأساً صحت عليها ما انتظرت شيكولون وشيحجون

اخلاص
وج اشوفها ذبحت نفسها على موبايل
تذكرين من كالت جمعت شكم فلس مدري اشتري جهاز موبايل وحنه ظلينه صافنين شسوي بي
قابل تخابر الگبور بي
استغفر الله من ذنبها عاد تخابرة لا ما اعرف والله

رهف
اخلاص اني هسة افتر راسي يعني هذا جوارينه ساكن السطوح
ويطير طيور ومزوج ومرته تصير بت عمة
يعني هية من سوت خل نكول علاقه وياه شتتوقع منه مثلاً يعوف مرته الاجلها

اخلاص
هوة شنو الي خل نكول يعني مثلاً تخمنين
لج بابا من جاي تاشرله غير معناه اكو علاقه بينهم

رهف
وج والله نصدمت من شفتها شعجبها بي لا خلقه لا اخلاق
الي عدها رجال مثل عبدالله بشخصيته ودلاله هم يعجبها تباوع على واحد مهتلف مثل هذا

اخلاص
النفس الطايح حظها كلشي تتقبل

رهف
وهسة شحنسوي اني اجيت عليج عود كلت  احجيلج حته نتصرف لكيتج تدرين وساكتة

اخلاص
رهف حسين وفاطمة شنو ذنبهم اذا صاحت الصيحة عليها
امهم وتطلع مثل هيج سمعه واني ادري اذا درو اهلج مراح يسكتون
لتنسين شراح يبدعون الناس علينه بالحجي
على ابو طلعو سمعه عليها حته يطردوها من البيت وياخذون جهالها

اخلاص انتي  كولي لو شايفها محمد لو جاسم جان شصاار

جاسم يذبحها وما يتردد ولا دقيقه لذلك سكتت

رهف
اعذريني اخلاص وبريني الذمة صراحة كلت تضوجين منها لان كالت على خطيبج حلو كلت تغارين علي وضايجة منها
مادريت السالفه اكبر من هيج
اكول ذاك اليوم كدامها تكولين عبدالله مات وخلص
كلت هاي شبيها اخلاص متراعي مشاعر امي كاعدة وكاعد تكول مات وخلص

اخلاص
لج والله مات وخلص عبدالله
اصلاً الله حبه ومات موته بشرف وشهادة اقلها مظلوم
ولا يموت من وراها