Hate The Game (COMPLETED)

Chapter 16

Chapter 16

"May sakit ka ba?" tanong ni Mommy sa akin.

"Ha? Wala naman po," sagot ko.

"Okay..." she said, naka-tingin sa akin na medyo naka-kunot ang noo. Kumuha pa ako ng isang serving ng kanin dahil magtataka na talaga si Mommy kapag kaunti lang iyong kinain ko dahil usually talaga ay kain kargador ako.

After naming magbreakfast, bumalik na ako sa kwarto at naligo at nagpa-ganda para mas lalong magka-gusto sa akin si Samuel. Nagsuot ako ng cut-off shorts, white shirt na naka-tuck-in, at saka white na sandals. Gusto ko sanang magdress kaya lang ay mahangin at baka makita niya pa ang panty ko—masyado pang maaga para doon. Nagwisik din ako ng pabango. Pagbaba ko ay nakita ko si Mommy na naka-upo sa couch.

"May lakad kayo nila Don?" she asked.

"Yup," I said, nodding, dahil nasabihan ko na sila Don na may pupuntahan ako. Alam na nila 'yan dahil ginagawa rin naman nila akong dahilan kapag may kababalaghan silang ginagawa.

Dinala ko iyong sasakyan at nagdrive papunta sa resort. Pagbaba ko roon ay nakita ko si Samuel na naka-upo doon sa may couch sa malapit sa reception. Nakita ko na patingin-tingin sa kanya iyong bantay. I mean, gets ko naman—walang ganyan ka-gwapo dito sa lugar namin. Pagbigyan na.

"Good morning," bati ko at agad na napa-tingin siya sa akin. "Hinihintay mo ako?"

He nodded. "Sabay tayong magbe-breakfast, 'di ba?"

I nodded. "Sus, ayaw mo lang akong paakyatin sa kwarto mo, e," sabi ko sa kanya kasi nung papunta ako rito, tinanong ko siya kung pupuntahan ko na lang ba siya sa kwarto niya dahil baka hindi pa siya gising kasi 8AM pa lang? Pero sabi niya ay sa baba na lang daw kami magkita.

Tinawanan niya ako. "Nililigawan pa lang kita, 'di ba?"

"Wow, so kapag tayo na, pwede na akong umakyat sa kwarto?"

He laughed again. "We'll get there eventually," sabi niya at iyong malandi kong imagination ay kung saan-saan na napunta. Lord, gabayan mo po ako dahil jusko... Ang aking masasamang balak kay Samuel...

Dahil marami namang resto sa harap ng beach ay naglakad kami para maghanap ng kakainan. We settled sa isang resto na nagseserve ng ever favorite namin na silog meals. Umorder ako ng tocilog kahit busog pa ako at si Samuel naman ay tapsilog, extra-rice, at brewed coffee.

"Saan tayo magpeperya?" he asked while we were waiting for our order.

I shrugged. "Walang fiesta ngayon, e."

"So, hindi muna?"

"Mall na lang—nood tayong movie and share ng popcorn," sabi ko sa kanya.

He nodded. "Paano kapag hindi natin gusto 'yung movie?" he asked and I shrugged. To be honest, I highly doubted if manonood pa ako ng movie. I just wanted to experience everything I didn't experience when I was younger dahil laging sinasabi sa akin na kailangan magfocus ako sa acads. I wondered if naisip ba ng magulang ko na hindi naman ako katalinuhan at baka hindi ako masaya sa pressure na nakukuha ko.

Dumating na iyong breakfast namin at saka sabay kaming kumain. Pinanood ko lang siya habang pinupunasan niya ng tissue iyong utensils tapos ay iniabot sa akin.

"Thank you," I said.

"You're welcome," he replied with a smile.

Ganito ba maging girlfriend niya? Grabe, parang baby naman ako?! I mean, yes, please, thank you very much?!

Kumain na kami ng breakfast namin. Dahan-dahan lang akong kumain dahil busog pa ako sa kinain ko sa bahay. After nun ay naglakad kami papunta sa sasakyan.