لم يكن ذنبي

البارت الخامس والخمسون

البارت الخامس والخمسون

لم يكن ذنبي

للكاتبة حوراء الموسوي

مساء الورد والياسمين 🌹

#هـواي هنه
ومن اسولفهـن #احيـر
وحـده منهن
اخذو اخر خيط #بيه
وبالعشـگ گالو فطيـر
ومـو #فطيـر
#گلبـي صافــي
وهاي وادم تعشگ الخيط #الگصير

،، #ايييي_والرب_مانعرف👇🏻💔

مــا نعــرف ذنبنــه خاطـر نتـــوب
ولا ندري بحچينه يخشن الگلوب

ثاني يوم داومت بعدني دامشي بممر الكلية
وجان اشوف أقبح واقذر وجهه اكرهه بحياتي

تخيلوا رجعت بيه لذاكرة لقبل ٥ سنوات!

تجددت الأمي دمي يغلي بعروقي

صرنا وجه بوجه

عدي ابن ام حكيم! طالب مسائي!! وبنفس الكلية!!

فتح عيونه على وسعهن من شافني

درت وجهي دارجع للبيت قررت ابطل ولا عدي يخزيني كدام جامعة باكملها

اجه يمشي حيل ورايه

عدي : حنين اوكفي حنين بس اسمعيني

اني امشي سريع اريد اجر سيارة حتى ارجع

اخر شي لزمني من جتفي نترت ايده منه

حنين : وخر ايدك القذره لا ألم عليك امة لا اله الا الله لا عبالك حنين ام ١٣ سنة كبرت وكلشي تغير مستعده أشهر نفسي واشهرك ابتعد عني احسلك

شفايفي ترجف بل جسمي كله مدري منين اجتني القوة وحجيت هيج

رفع ايده بوجهي

عدي : حنين تره لا جاي اهدد ولا استغلج بس اسمعيني تره اني قنعني مهند واجيت ويا هسه معليه بيج واعتبري لا شفتج ولا شفتيني انتي بطريق واني بطريق واذا سمعتي حرف طالع مني تدرين هنا اكو شكاوي الطلبه تكدرين تشتكين يفصلوني بنفس الدقيقة

اني جاي اخذ شهادة علمود ترقية واصلا لو ادري بيج تداومين هنا فلا اوصل يكفي الندم الياكل بيه يوميه سالفتج تأكل وتشرب وياي والله مااعرف شسوي واوفي حقج وتسامحيني

حنين : سوالف المسكنه مو يمي اعرف طينتك القذره تفوو عليك وعلى مهند وعلى الكو... د الوياكم سلبتو أغلى شي من عندي

نزلت دمعه مكدرت اسيطر عليها

خليت خصمكم رب العالمين وضربت الله اقوى من ضربت البشر وراح يجيك الدور

مااسامحك اليوم الدين هناك النا وقفه يم رب رحيم مراح يضيع حقي مو مثل الدنيا واسطات وتمشون بحيل صدر هناك تختلف الله عادل وحبقى مستمره بلدعاء لحين اشوفكم واحد بعد الاخر لافكم التراب حسبي الله ونعم الوكيل بيك وبكل واحد اذاني تفلت بلكاع