"ဆာကူရာတွေတောင် ပွင့်နေပြီဘဲ "
ဆောင်းတွင်း၏ လေပြေလေးသည် အေးမြခြင်းနှင့်အတူ ဆာကူရာပန်း၏ မွှေးရနံ့များအား သယ်ဆောင်လာ၏။ ဆာကူရာပန်းများ လှိုင်လှိုင်ပွင့်နေသော သစ်ပင်အိုကြီးအောက်၌ ကောင်လေးတစ်ယောက်သည် ညိုးငယ်စွာနဲ့ရပ်နေခဲ့သည်။ လူပျို လူအို နှင့်ကလေးတွေအကုန်ပျော်ရွှင်နေကြသည့်အချိန်အခါမှာ ကောင်လေးရင်ထဲ၌မည်သည်များခံစားနေရ၍ မပျော်နိုင်တာပါလိမ့် ။
စေတန်ဟိန်း လေပူတစ်ချက်မှုတ်ထုပ်လိုက်ပြီး သစ်ပင်အိုကြီးအား ငေးကြည့်နေမိသည်။ စကားလုံးတစ်လုံးမျှ ထွက်ကျမလာပေမဲ့ ရင်ဘတ်ထဲ၌ ဝမ်းနည်းမှုတွေအပြည့်နှင့်ပင်။ စေတန်တနေ့လုံး သစ်ပင်ရှေ့၌ ရပ်နေခဲ့သည်မှာ ဘေးမှလူများ သူ့အား ထူးဆန်းစွာ လှည့်ကြည့် လှည့်ကြည့် ဖြင့် ကြည့်နေကြသော်လည်း လောကကြီးအား မျက်ကွယ်ပြုကာ ရပ်မြဲအတိုင်းရပ်နေခဲ့၏။ ဆောင်းတွင်း၏သဘောသဘာဝအရ တိုလျသည့် နေ့တာကြောင့် ညနေဆည်းဆာယံမှာ မြန်ဆန်စွာရောက်ရှိလာခဲ့ပြီ ။
"မောင်ထားသွားတာ တစ်နှစ်ကျော်ခဲ့ပြီနော် "
အသံကအက်ကွဲပြီး ဝမ်းနည်းရိပ်တွေစိုးမိုးနေသည်။
ဤနေရာတွင် အပြုံးချိုချိုလေးဖြင့် ပြုံးပြဖူးခဲ့သော ပြန်မလာနိုင်တော့သည့် ကောင်ငယ်လေးအား စေတန်လွမ်းနေခဲ့သည်။ လှပပြီး လွတ်လပ်စွာ ပွင့်ဖူးနေကြသည့် ဆာကူရာပန်းလေးများသည် ဆာကူရာတွေအား မြတ်နိုးလွန်းသည့် မောင်နဲ့ စတင်တွေ့ဆုံခဲ့သည့် အချိန်အား သတိရစေခဲ့သည်။
လွန်ခဲ့သည့် နှစ်နှစ်ကျော် သံုးနှစ်ခန့်၌......
အလုပ်ဖြင့်သာ အချိန်ကုန်ခဲ့ပြီး အလုပ်နှင့်အိမ်မှလွဲ၍ တခြားနေရာများသို့ သွားရောက်လည်ပတ်လေ့မရှိသည့် စေတန်သည် ဤနေ့တွင် ဆာကူရာပန်းပင်ကြီးရှိရာသို့ သွားရောက်ခဲ့သည်။ ဝါသနာအရ စိတ်အပန်းဖြေသည့်အနေဖြင့် ပန်းချီဆွဲရန်ပြင်ဆင်ခဲ့သည်။ မွေးရက်မြေနှင့် ဝေးကွာနေသည်မှာ ကြာနေပြီဖြစ်သောကြောင့် တစ်ခါတစ်ရံမွေးရပ်မြေအား လွမ်းဆွတ်မိ၍ ပြန်ချင်ခဲ့မိသည်။ သို့သော် စိတ်ကူးတိုင်းတော့ဖြစ်မလာပေ။
YOU ARE READING
ကြွေလွင့်ခဲ့သော နှလုံးသားငယ်
Short Story"ဆာကူရာပန်းလေးတွေကို မြင်တိုင်း ဆာကူရာတွေကိုနှစ်သက်တဲ့ မောင့်ကိုသတိရတယ် ၊ ဂိမာန်နွေရောက်ရင် လွတ်လပ်ပျော်မြူးနေတဲ့ မောင့်ကိုသတိရတယ် ၊ ဝသန် မိုးစက်လေးတွေကိုမြင်ရင် ကြွေလွင့်သွားတဲ့ မောင့်ကိုသတိရတယ် " "ဆာကူရာပန္းေလးေတြကို ျမင္တိုင္း ဆာကူရာေတြကိုႏွစ္သက္...