✨📸𝙏𝙃𝙀 𝙁𝙄𝙍𝙎𝙏 𝙋𝙄𝘾𝙏𝙐𝙍𝙀 📸✨

15

"هل كان التخلي عني سهلا لهذا الحد"

استيقظ الأكبر ولم يجد غيث بجانبه نهض ولم يترك مكان في البيت الا وبحث في عنه ولكن لم يجده اخذ يتصل بيه ولكن لم يلقى اي رد من الاصغر..

دخل البيت ورمى بنفسه على على سريره دخلت عليه امه لتره وجهه شاحب و حزين
حنان: ابني شو فيك ؟
غيث: ولاشي ماما تعبان شوي بس، محتاجه شي ؟
حنان: لا حبيبي ارجع نام اذا بدك انا راح روح سوي فطور
غيث: ماما
حنان: اي حبيبي
غيث: عادي نام بحضنك شوي ؟
لتتقدم حنان وعلى وجهها الابتسامه، ونام غيث بحضنها
حنان: تخانقت انت وأسامة يعني؟
غيث: ماما انا وأسامة كنا نحب بعض
حنان: بعرف حبيبي، ابني أسامة كتير بحبك لاتزعل منو
غيث: كيف عرفتي ؟!
حنان: من أسامة، لمن كنا هنيك كنت متاكده انو أسامة بيحبك كتير بس ماكنت بعرف انو انت كمان بتحبو هلقد
غيث: بس هو مابيحبني مثل حبي
حنان: غيث انت لو تعرف أسامة شو سوا عشانـ..
ليقطعها دخول ايلا
ايلا: غيث أسامة علباب بدو ياك
غيث: قوليلو مالو هون
دخل أسامة الغرفة: غيث ليش ماعم ترد وليش رحت هيك بدون ماتحكيلي خفت عليك فكرت صاير معك شي
غيث: شو بدك؟
ايلا اخذت حنان وطلعو من الغرفة وسكرو الباب
أسامة: غيث ماتجنني ليش عم تحكي معي بهاي الطريقة
غيث: أسامة اطلع لبرا مابدي شوفك
قرب أسامة: ليش غلطت بشي؟ شو الي تغير من البارحة لليوم فيك تحكيلي عشان افهم بلكي بقدر اصلحو
غيث: مافيك تسوي شي اطلع يلا
أسامة مسك ايده: غيث ماتعمل هيك، ماتتركني
غيث: هلا صرت تحس كيف يعني انسان بتحبو يروح بدون سبب اخذت انتقامي منك فيك تطلع من الغرفة
أسامة انصدم وضل واقف دقايق يطلع بغيث بصمت وبعدها طلع من الغرفه
غيث: بكرهك غيث بكرهك ليش بتحبو لساتك ليش قلبك لسا عم يدق مشانو ليش عم تبكي لانك جرحتو ماهو جرحك وماسال عنك حتى... هو اصلا عم يمثل مابيحبك

فتح الباب وطلع لبرا لتلحقه ايلا
ايلا: أسامة.. أساااامة لتشوف أسامة قاعد على درج
ايلا: أسامة شو فيك ليش هيك وجهك اصفر ؟
أسامة تنهد وحكا: غيث
ايلا: شو فيو غيث
أسامة: تركني، وهالمره جد تركني، شفت بعيونو شي اول مره بشوفو اول مره بطلع فيني وكانو مابحبني وكارهني، شو سويت عشان يعمل معي هيك ويبطل يحبني
ايلا: أسامة اعطي غيث شويه وقت واشرحلو الي صار وليش ماقدرت ترجع واكيد راح يسامحك بعد مايعرف الحقيقه
أسامة: ايلاااا مو حكيتلك بتنسي الي صار وماتجيبي سيرتو جنب غيث، غيث ماراح يعرف الي صار أبداً
ايلا: أسامة لو انت ماحكيت انا راح احكي
أسامة: ايلااا جد لو بتحكي لغيث اي شي من الي صار هيك بتكوني نهيتي صداقتنا
ايلا: بس
أسامة: مافي بس، ماراح تجيبي هي السيره لغيث ابدا واحكي لخالتو هلحكي كمان غيث ماراح يعرف اوك ؟
ايلا: اوك وانت هلى شو راح تسوي لكن، بدك تتخلى عنو يعني ؟
أسامة: مابعرف، اكيد ماراح اتخلى عنو، راح شوف هلى لازم روح
ايلا: أسامة دير بالك على حالك
أسامة: تمام يلا ادخلي لجوا بيكون غيث زعلان ضلي معو ماشي
ايلا: بتعرف لو عندي حبيب زيك كان تعلقت فيو اربع وعشرين ساعة "وفتحت ايدها" يارب انا بقدر النعمه مو زي اخوي الغبي جيبلي واحد زيه يحبني ويخاف علي ويهتم فيني
أسامة: هي هي ماتحكي عنو غبي
ايلا: هلى من كل كلامي ركزت على هاي
ليضحك أسامة: اي لانو كلامك فاضي يلا ادخلي
ايلا: تسلملي هلضحكه حكيت عشان اضحكك بس والا مابدي حدا يوجعلي راسي يلا سلام