Lost in translation

Blue

"all I know is we said, "Hello"
And your eyes look like comin' home
All I know is a simple name
And everything has changed"
ပုံဆွဲလို့နောက်ဆုံးပိုင်းအဆုံးသတ်ခါနီး ရေအရင်ချိုးလိုက်မယ်ဆိုပြီး ခုံပေါ်ကထလိုက်တော့မှ ဖုန်းကမြည်လာတဲ့ ringtone သံရယ်။ တိတိကျကျပြောရရင် ဒီနေ့မှ အသစ်ပြောင်းထားတဲ့ Ringtone သံ။ ဒီသီချင်း စနားထောင်ဖြစ်ကတည်းက တွေးထားတာ falling in love ဖြစ်သွားတဲ့ တစ်နေ့တော့ ဒီသီချင်းကို Ringtone အဖြစ်ထားမယ်ဆိုပြီးတော့။ သီချင်းသံကို နားထောင်နေရင်း အတွေးကမ္ဘာထဲရောက်နေတော့ ဖုန်းနားမရောက်ခင် ဖုန်းက ကျသွားရော။ အဲ့မှာ ဒုတိယတစ်ခေါက်ထပ်ခေါ်ရော။ အဲ့ဒါဆိုရင်တော့ သေချာပါပြီ Lee Haru ဘဲနေမယ်လို့တွေးမိပြီး ဖုန်းကိုကြည့်လိုက်တာ အထင်နဲ့အမြင်နဲ့ကွက်တိဘဲ။

"အေးပြော"

"နင်ပန်းချီထိုင်ဆွဲနေတာ၅ နာရီလောက်ရှိရောပေါ့ အခုထိ ခုံပေါ်ကမထသေးဘူးလား"

"Lee Haru ကငါ့အကြောင်းသိလှချည်လားဟ အခုဘဲ ရေချိုးဖို့ထမလို့ စိတ်လန်းသွားအောင် ပန်းချီက နည်းနည်း လက်စသပ်စရာဘဲ ကျန်တော့လို့၊ ပန်းချီဆွဲနေတယ်ဆိုတာရော ဘယ်လိုသိတုန်း??"

"မနက်က ငါတို့ကိုတောင် မတွေ့ဘဲ အရေးတကြီးပြန်သွားတယ်ဆိုကတည်းက Kim Jennie တို့ ပုံဆွဲစရာတစ်ခုခု ပေါ်လာတာဖြစ်မယ်လို့တွေးမိသားဘဲ နင့်မှာ ငါတို့ထက်အရေးကြီးတာ ဒါဘဲရှိတာကို။ အဲ့ဒါကြောင့်လဲ နင်ပြန်သွားပြီး ၅ နာရီလောက်ကြာမှ ဖုန်းခေါ်လိုက်တာ နင်အနှောက်အယှက်ဖြစ်မှာစိုးလို့"

"နင့်အတွေးက အရင်တုန်းကလိုဆို အပြည့်မှန်မှာ။ အခုက တစ်ပိုင်းဘဲမှန်တယ်"

"ပုံဆွဲနေတာက မှန်တယ်ဆိုတော့...."

"ဘဝရဲ့ အရေးကြီးတဲ့ နောက်ထပ်အစိတ်ပိုင်းတစ်ခုကို ရှာတွေ့သွားတာ ပုံဆွဲတာရယ် နင်တို့ရယ်အပြင်"
Jennie Kim ကတော့ပြုံးပြုံးကြီး ပြန်ဖြေနေပေမယ့် Haru ကတော့ မရောက်ချင်တဲ့ ဘဝရဲ့ အဆိုးဆုံးနေရက်တွေက ဒီနေ့ကနေ စပြီးရောက်လာတော့မှာကိုတွေးမိပြီး မျက်နှာက ချက်ချင်းပျက်သွားတော့တာ။

"အဲ့အစိတ်အပိုင်းက ဘာလဲဆိုတာတော့ ငါတို့ကိုပြောပြမှာမလား"
တကယ်တော့ မသိချင်တဲ့ မကြားချင်တဲ့ အကြောင်းရာတွေပါ Jennie Kim ။