قيد من حجر

البارت التاسع عشر

شعلان /

دخلت للبيت بعد معانات الطريق والازدحامات،،وكلي امل اشمر نفسي ع فراشي واغط بنوم عمييق،،اعوض بيه ليلتي المتعبه والسهر! !

شفت امي وابويه كاعدين بالصاله
-السلام عليكم

-هلاا هلااا بوليدي شمعه بيتي، ،فدووه الطولك الحلوو

رد ابويه بعد ماصفن ابوجهي احسه ايدور ع شي ومالاكيه

-وعليكم السلام ابني،،اشلونك ??الشغل اشلونه وياك

-الحمد لله ټمـٱمـ ياابه انت اشلونك

-ههههه والله وكت،،صرت ماشوفك بس بالمناسبات

-شسوي يابه،،والله الشغل ماخذ كل وقتي،،ومن ارجع للبيت ارجع متفلش،بس اريد انام

-الله ايساعدك ويكويك!!

-تسلم يالغالي ويساعدك رَبّــيٌ

اشرلي اكعد بصفه،،اتقربت واول ماانتجيت خله ايده ع جتفي ...

-هاا ياابه اشوكت اتفرحنه بيك،،صرت رجال ومسؤول وكونت نفسك وراتب وعندك بعد اشناقصك ??غير اتجيبلك مَـرّھٌ اتداريك تره امك كبرت وتعبت

-ههههه شهالحجي ياابه تره امي بعدها شباب، ،لايغرك تتشكه م̷ـــِْن المفاصل والظهر،،اتسوي هيج ع مود تتعزز عليك، ،دلع يعني اتريد اتشوف معزتها عندك

-عوفك م̷ـــِْن هالسوالف،،تره امك هيه الي كالتلي اتريد اتزوجك وتفرح بيك،،يااابني، ،انريد انشوف اولادك احنه ماعدنه غيرك،،انكوم ونكعد نفكر بيك، ،ريحنه وخلينه نتطمن عليك وانشوف احفادنه

-ياياابه شلك بيها،،ههههه واتصيرون جد وجده تره مو حلـِۈۋ‏وھّ

-لامالك علاقه، ،اناا حاب اشيل اولادك ع صدري

-النتيجه ??احس اكو شي، ،كول ياابه اسمعك

-اي مو شفت عمك بالسوك واتمشينه ع الكهوه، ،وحجايه مِڼـّي وحجايه مناا،،وصراحه تدري اشكد معجب اببناته واخلاقهن،،وبنات عمك احسن م̷ـــِْن الغربه الي مانعرفعن شنوو ماشنوو،،فاتفقت ويااه انروح نخطب منه بعد جم يوم اشرايك! !?

-شنو يابه،،اشلون اتقرر هالشي عني

-مو احنه متفقين م̷ـــِْن جنتو اصغار،،يابه لاتفشلني تره عيب م̷ـــِْن شيبات عمك لاتنسه هوه اكبر مِڼـّي ومن حاجاني خجلت صراحه ارده،،وبعدين ماكو ابو ايقدم بنته ويخطبلها الا أإأذأإأ اتأكد انو الولد يستاهل

-اي ومنو هاي الي مفروض اروح اخطبها ??

-ليش هوه عمك جم بنيه عنده، ،هنه اثنين

-لا ياابه اربعه، ،عمي عنده اربعه،،. لــــو نـًسّْيـت هوه مربي بنات اخوكم اليتامه

-وهذن ماينعدن بناته! !