يوميات المجانين ال7

خطه

يوم جديد ف بيت الزواحف السبعه
يصرخ جونغكوك:الحقووووناااي
نامجون:فيه اي يلااا
جونغكوك:شوجا مش بتحرك
جيمين:لولولولوييييييي
جين:بتغرط على اي ي ابن الجزمه(وطار الشبشب ف خلقته)
(دخلو غرفة شوجا ليروه لا يتحرك ليصرخ جيهوب)
جيهوب:شوجاااااااااااااااااع
شوجا:في اي ي ابن الهبله؟
نامجون:الواد كوك الحمار خضنا عليك افتكرناك مت
شوجا:مت اي؟ انا بعمل ميديتيشن
جيهوب:بتعمل اي يخويا؟
شوجا:ميديتيشن
جونغكوك:ايوا ودا بيتحط فين يعني؟
شوجا:ف طيييييبة قلبك
جيمين:كل دا وطلع نافيكيشن؟
شوجا:اطلع برا يلاا
جونغكوك:بقولك ي هيونج.. مشوفتش الواد تاي؟
جين:فكرتني صحيح.. انا متعود اصبح عليه بالقفا كل يوم والنهارده مشوفتوش. وانا بقول ايدي بتاكلني ليه؟
شوجا:لا مشوفتوش و.....
قبل ان يكمل حديثه يدق احد باب المنزل وكانه مخابرات)
نامجون:خير ي مدام مين حضرتك؟
سهير:انا سهير.. مش دا بيت السبعه المعاتيه؟
شوجا:دا ع اساس انه اسم شهره؟ بقولك اي.. خدي كرشك دا واطلعي برا
سهير برقه وهدوء:نعم يادلعااادي؟انا جايه اخد حقي ومش همشي غير لما اخده
جين:حق مين يولية انتي؟
سهير:الواد اللي ف بطني دا يبقا ابن اخوكو تاي
جيهوب:ابن مين يحجه... انتي حطالي مخده ريش
على كرشك وجايه تلفقي تهمة للواد؟
جيمين:اتكلي على الله كدا وانتي  شبه البلونه
جونغكوك:بلونة اي؟ دي شبه البطيخه
سهير:بص بقا يروح امك انت وهو اخوكو تاي معايا وياتدوني فلوس ياهقتلو
شوجا:اصلا مين قالك انه اخونا؟ احنا لاقيينه على باب جامع اساسا وربيناه شفقة
سهير:طلع يلا منك له اللي تحت البلاطه
(وتخرج مطوه من جيب البنطلون)
جونغكوك:بلاطة مين يماااا... احنا اصلا بننزل نشحت بعد الضهر.. داحنا علينا 10000 جنيه كهربا
سهير:ومشغلين كهربا ليه ودا موجود؟ (تشير الى يونجي)
شوجا:حد قالك اني لمبة ليد؟
سهير:بتقول حاجه يعنيا؟
شوجا:بقول منوره ي ست الكل
جيمين:بصي ي مدام.....
سهير:انسه لو سمحت
جيهوب:انسة مين داانتي اكبر من امي
سهير:بتقول اي يروح امك؟
جين:قصده يقول انسه ازاي دا شكلك صغير اوي.. تصدقي كنت فاكر عندك 10 سنين
سهير:الواد دا كلامه حلوه اوي هتجوزو
جين:استني هديكي الفلوس.. انا معايا 20
نامجون:عشرين جنيه اي ي هيونج اللي هترجع بيها تاي دي؟
جين:لا ماهي مش عشرين جنيه
جيمين:اومال اي؟ عشرين قرش؟
جيهوب:قرش اي؟ دا ميجبش باكو لبان
جين:لا معايا عشرين الف
جونغكوك:خخخخخخخ
سهير:اي دا؟
جونغكوك:لا مؤاخذه كان فيه حاجه ف زوري
(وينظر نظرة لجين وكأنه يقول....وربي لاانفخك)
اعطى جين النقود لسهير
سهير ترفع هاتفها قائله:ايوا طلعوه من التلاجه وارموه برا
كلهم:تلاجه؟!!
وبعد ربع ساعه عاد تاي
تاي:وحشتوني اوي ي اخواتي.. انا اتعذبت من غيركو
جونغكوك:عملو فيك اي ي صاحبي
تاي:كانو بيطفو سجاير ف فخادي يخويا
جين:هي حصلت فخادك؟ وريني
تاي:اوريك اي ي هيونج ميصحش
جونغكوك:انت جبت منين عشرين الف ي هيونج ها؟
جين:انا بقالي 20 سنه بحوش فيهم .. هو انا زيك بضيع فلوسي ع الموز باللبن ي بقره؟
(وبعد اسبوع)
دخل جين غرفة تاي ليرى ايفون 11 برو ماكس وهدوم جديده
جين:تاي الكااااااااااااالب
تاي:فيه اي ي هيونج
جين:انت سرقت حد ياض؟
تاي:وربنا ماحصل يسطا
جين:اومال جبت الحاجات دي منين
(يرن هاتف تاي)
نامجون:رد يلا.. شكلك سارق الموبايل
تاي:لا مش هرد
شوجا:هترد ولا؟(قالها ممسكا بالحزام) ومتنساش السبيكر ها؟
تاي فتح المكالمه
سهير:بتنفضلي يلااا؟ بقا بعد ماساعدتك وقلبت من اخواتك الفلوس عايز تلهفها لوحدك؟
جين:اتشاهد على روحك
تاي:اهدى بس وحياة امك
جين:هات فلوسي يلااا
تاي:صرفتها
جين:طب تعالالي بقا
(في مشهد رائع تاي مفرشح على الارض فوقه جين اللي نازل بالشباشب على قفاه وشوجا ممسك
الحزام ويضرب توتة تاي بينما ينهي جونغكوك الامر بقيامه بحركة اندر تيكر على تاي الذي اصبح مفروشا ف الارض كالسمكه البوري المفعوصه)
النهايه