(ဒီနေ့ကား သူတက္ကသိုလ်စတက်ရသော နေ့ပါပင်။ သူ၊ ဘိုလေး၊ ဝဏ္ဏ၊ ခွန်သာနှင့် တေဇာတို့ ငါးယောက်လုံး ၀ါသနာတူသည်မို့ ခုလည်း တူတူကျောင်းတက်ကြရပြန်ပါပြီ။ ကျောင်းရှေ့တွင် ခေတ္တရပ်လိုက်ရင်း ကျောင်းတော်ကြီးကို သူကြည့်လိုက်မိသည်။ ထိုသို့ ကြည့်လိုက်မိ တော့ ဂုဏ်ယူဝင့်ကြွားသောစိတ်၊ အားတက် တက်ကြွသောစိတ်တို့က ဝင်ရောက်လာတော့သည်။ ဒီကျောင်းမှ ကျောင်းသားဟောင်းကြီး တစ်ယောက်ပြောခဲ့ဖူးသလိုပင် ကျောင်းတော်ကြီး၏ ပင်မအဆောက်အဦ ကြီးကား အေသင်မြို့ အက်ခရိုပိုလပ် တောင်ကုန်းပေါ်မှ ဂရိလက်ရာ ပါသီနွန်အဆောက်အဦကဲ့သို့ပင် လက်ရာပြေပြစ်လွန်းလှသည်။ ဒီကျောင်းတော်ကြီး ကား နှစ်ပေါင်းများစွာ တိတ်ဆိတ်လျက်ရှိသော ရန်ကုန်နည်းပညာတက္ကသိုလ် ပင်ဖြစ်ပါသည်။ ကျောင်းတော်ကြီးကား လာရောက်သော ကျောင်းသူ ကျောင်းသား အပေါင်းကို နွေးထွေးစွာကြိုဆို ကြိုဆိုနေ သယောင်၊ ရှစ်ပါးသော လောကဓံကို ကြံ့ကြံ့ ခံနိုင်အောင် သင်ပေးနေသယောင်ရှိနေလေသည်။ အတွေးများနဲ့ မိန့်မိန့်ကြီးရပ်နေမိသောသူ တစ်စုံ တစ်ယောက်၏ ဝင်တိုက်မှုကြောင့် ဖင်ထိုင်ရက်လဲသွားရသည်။ သူ့လိုပင် သူ့ကိုဝင်တိုက်သော ကောင်မလေးလည်း လဲသွားသည်ကိုလည်း သူသိလိုက်ပါသည်။ ထို့ကြောင့် သူမတ်တပ်ထရပ်လိုက် ရင်းက ကောင်မလေးကို ထူဖို့ပြင်လိုက်တော့........
အား....ကျွတ်..ကျွတ်....။ ရှင် ဘယ်နာသွားလဲဟင်။
ကျွန်တော်က ဘာမှမဖြစ်ပါဘူး။ မင်းရော ထနိုင်ရဲ့လား။ ဘယ်နှယ့် လူတစ်ယောက်လုံးကို ဝင်တိုက်ရတယ်လို့ဗျာ။
(ထိုသို့ အချီအချပြောနေသော်လည်း ကောင်မလေး သူ့မျက်နှာကို သေချာမမြင်သလို သူလည်း ကောင်မလေး မျက်နှာကို သေချာမတွေ့သေးပါ။ ကောင်မလေးကို ထူပေးလိုက်သည့် အခါတွင်တော့.............)
ဟင်....ဟိုနေ့က...
စော....စော..ဟုတ်ပါတယ်နော်။
ဟုတ်...ဒါနဲ့ အစ်ကိုက..ဘယ်လို...
(စောမေးသည်ကို သူမဖြေသေးဘဲ........)
စောက အခုမှကျောင်းစတက်မှာလား
ဟုတ်ကဲ့အစ်ကို...စောက ပထမနှစ်ပါ။ ဒါနဲ့အစ်ကိုက
YOU ARE READING
ရွှေမင်းသားရဲ့ ဖူးစာဖက်
Romanceမင်းမျိုးမင်းနွယ်ဖြစ်ပြီး ဩဇာကြီးလွန်းသော အသိုင်းအဝိုင်းမှ နောင်မင်းမာန်နှင့် ညီမင်းမာန်ဟူသော အမွှာ ညီအစ်ကို နှစ်ယောက် အနွယ်တော်ဖြစ်ပြီး ချမ်းသာကာ ဂုဏ်မောက်သော ယွန်းထိပ်ထား အနွယ်တော်ဖြစ်သော်လည်း ဂုဏ်မမောက်ဘဲ သာမန်လူကဲ့သို့သာ နေလေ့ရှိသော စောထိပ်ထားဦး...
