الحلقة 15 من #رجال_لاتعرف_الحب بقلمي #الكاتبة_شهناز_الخزعلي #Jaymin
زينب/
رجعت للبيت شفتهم كلهم صافنين.....وجهم يضرب الوان
سلمى تباوع عليه ....خير شكو شبيهم هاليوم ؟
باوعت على أمي ...كلت؟
_خير ماما شكو شصار ؟
بابا باوعلي وابتسم ... كال"
بابا"بنيتي.
زينب:نعم
بابا:الولد ورفضته....
زينب:ليش بابا ....ليش اقصد شنو السبب؟
حامد :ادري بيج بنيتي ماتردين تكملين بالمشروع مال زواج ودراستج اهم.
زينب ضل يصير على وجهها علامة استفهام ....سكتت
اخلاص قطعت هالصفنه وكالت"
اخلاص: اي بنيتي احنا رحنا سالنا على علي وعلي طلع مايفيد انتي بنت ناس وهو عنده غير منحني ان شاء الله خيرها بغيرها ويسعدج ياحلوة ...
زينب /تساؤلات بداخلي الف سؤال ليش؟
عفتهم ورحت للغرفه....بدلت غيرت ملابسي باوعت ل تينه ساكته مقهورة شكلها.... ضحكت لعبت بخدودها
_ ولج ولج احبج بنتي انتي مو بس اختي شكو ماكو شو خانسه ..؟
تينه: بابا.... بابا يصيح عليه خل اروح.
بدلت كملت لكيت سلمى وبنتها اجت يمي ذبت سجى على الكاع ...
سلمى:شبيج مقهورة.....شكو
زينب:مابيه شي
زينب خاله هو شكو ايش صار؟ بابا يعرف بمصحلتي واحنا رفعناه مو هوه
سلمى:لا حبيبتي مو انتو رفضتوه...هو الي طار
زينب :شقصدج يعني ...
سلمى:انتي بالتحديد الناس ترفضج مو انتي ترفضين ماشي حبيبتي....وانتي مايفيدج غير علاء
زينب:شوفي خاله الناس ترفض بس الي ماعندها شرف...موصح ؟ والي ماعندها ضمير ....
سلمى:شقصدج ي بنت انصاف ؟جاي تبسمرين....هين يازينب...
زينب/شلت روحي وطبيتها شجابها يمنا هاي....الله واكبر عليها شكد ماعندها قلب.....وعلاء شنو ؟منو هذا حتى التفت اله ...؟
اني الي ما اعارض ابوية بشي ...ولا ارفع عيني بعينه نكسر خاطري كافي اهانه ....أبوية جان ديرب شاي وامي اخلاص كاعدة بصفه تسولف ...
جنت مكسورة خاطر ...شيصير خل يصير مايهمني بعد لازم انطق لازم اشتكي من سلمى وسوالفها الي ماتنتهي وحقدها المدفون ...
سلمى/بثيت السم بداخل زينب واخذت سجى وطلعت كعدت بالحديقة ...بنتي تلعب واني مادة رجلي بالكاع افكر ....طلع ميلاد يمشي على كيفه ...طفل عمره تقريب ٥سنوات ....اي...هذا الطل تسحب كلش على كيف يمشي مثل البايك بوكه ...ماشافني كاعدة ...دخل لسيارة ابوه وفتح الباب وكعد مدري شيسوي...ويلي مو فرخ شيطان ايباه ....
أنت تقرأ
رجال لاتعرف الحب(مكتمله)
Chick-Litهي فاتنه ...هو رجل بلا رحمة،اي؟عاصفة جمعت الخريف والربيع معا ؟ أجتماعية،حقيقية،واقعية بقلمي #الكاتبة_شهناز_الخزعلي Jaymin
