في غرفتي ..
وعلى فراشي ..
كنت أسأل نفسي ؟!
ما أسباب النجاح في الحياة ؟
فوجدت الجواب داخل الغرفة
- السقف يقول : الطموح عالياً
- الشباك يقول : تأمل الغد
- الساعة تقول : الوقت ثمين
- المرايا تقول : أبدا بنفسك
- الباب يقول : أدفع بقوة
- أما الأرض فقد قالت :
ضع أمنياتك في السجود ، فإن الله
لن يردك خائباً .. 💔😔
ود:حسيت الدنيا ادور بيه
شايفين المريض وحياته بين الموت والموت ماكو مفر
اباوع بعيون الناس التفوت من يمي اريد اكلهم ترا ود ضاعت
ود تيتمت هل مره صدك حسيت باليتيم
ياناس بس جدي بس هو عندي مالي غيره
والله مطالبه شي غالي بعمري
ولا باوعت بحسد ع الناس
والله محجيت ع احد فديوم
والله مجرحت احد بحياتي
والله بعمري مفكرة بروحي
اللهي مطالبه شي بعمري وانت شاهد
هسه أريدها منك عوفلي جدي اللهي
وين اروح؟
منو يسأل عليه بعد اذا اتاخرت
منو يخابرني ويكلي بنيتي وينج
جدو لتعوفني مالي غيرك
اوعدك اعوف كلشي واكابلك بس لا تروح
جدو بيك نسدد فراغ الاب والام متفقنه هيج
كتلي ماعوفج كتلي ابقه وياج المن عفتني
المن وصيت عليه مكتلهم ترا تموت بدوني
خيمتي وبيتي
رجليه خدرن وانفاسي صارت ثكيله المن احجي منو يسمع الصوت البداخلي جدي راح .....
بوفاة بابا محسيت مثل محسيت بغيابك اي حسيت بغيابك من هسه لا جدو لا مكدر شنو شفت من قوه بيه
حتى تعوفني وحدي بهيج وقت
راح تنام وتعرف بنتك بالضياع
اريد اطلع اريد الحك بجدي اخاف ياخذو قبل لا اشوفه
دموعي ميخلني اشوف دربي تهسترت الناس تباوع عليه عبالك مخبله كدامهم لا مو مخبله اني تيتمت ياناس
وكفت تكسي معرف شكوله يسالني ع العنوان شكله
وين بيتي
اكول بيتي راح مني
ابوس ايدك عمو اطلع كله كبل بسرعه فدوه اروحلك
الرجال:صار بويه صار
ود: شيوصلني طير كون اصير واوصل يمك يابو سوالف حلو يابو الايد الترفه والله جدي ايده ترفه وحنين والله حنين مشفت بحنيته ولكم يخاف عليه أكثر من عمتي ولكم شلون راح اتحمل فراكه
الجاي ماله طعم لو ما اسوي اله
جان يكلي من ايدج احبه بس من ايدي المن اسوي الجاي بعد جدو حبيبي اصبر لحد ما اوصل لتعوفني جدو
هيلة:جنت مقرره خلص صفحه وانطوة من حياتي صحيح جنت معجبه بي اوف مشكله مشاعري صعب تضهر حتى اني شخصيا مجنت اعرف بروحي احب الدكتور نفسيه ي حبيته بعمري مشفت غير الحنيه منه
بس مرات يتحول اذا شافني قصرت بواجبي لو بدراستي لهذا سميته دكتور نفسيه
والله من كمت من الفراش حسيت روحي دايخه ففف شنو هاي اكرها حالتي من اضوج اصير جني وحده مطلقه
فتت للمطبخ خليت الجاي ع النار ابويه ما يفتح عيونه الصبح اذا مو ع ريحت الجاي غسلة ايدي ورحت لباب غرفته
أنت تقرأ
غضب المختار
Tiểu Thuyết Chung(للكاتبة سُكينة الشمريه) رجل يقع في الحب ويتزوج ولكن في منتصف الطريق يجد نفسه وحيدا مع ابنه الصغير وبسبب الخذلان لا يثق بالحب ولا بالنساء وفي يوما ما وفي بيت احد اصدقائه يجد الحب مرة أخرى ليقع في شباك حواء وبسبب حبها وايمانها به اصبح قلب الضابط الغ...
