المدح ذا عشانها تشبهني يعني الواحد لا شافها يتذكرني بس مدري وش بضبط تشبهني فيه
اتصلت علي تهذري والله مدري شتقول بس اسلك واذا ضحكت ضحكت معها مدري شسالفه اخر شيء زعلت وعاد رحت قلت لا تزعلين خلاص بطلع معك يوم وعاد تحمست وليتني ماقلته مالي خلق المهم ذكرتني بعد كم يوم قالت هاه؟ متى وصورت لي انها جاهزه قلت اي عمي صدقيني لو عرف اني باخذس مايبي قالت لا معليك قلت له وهو منشغل قال روحي ياروح ابوك وعاد جتني ضحكه البلشه بس عاد يالله الطلعه معها حلوه بس البلا فيني انا قمت تجهزت وطلعت
ويعني الاخت ماعلمتني اني بمرها وببيت جدي! لانها تجهزت وراحت تجلس هناك بذبحها وقتها!!! مابي امرهم قلت لها ارجعي بيتكم واجيك قالت انا بجيك قلت تم وجتني هي واخوها ومعهم جدتي؟ لا مو منجدها المشكله هي فاهمه كل شيء طالعتهم بصمت وهو يخشون مع البوابه ونزلت هي وجدتي وركبوا معي اففف لفيت وعطيت رولا نظره قالت جدتي سلام يايهودي ماتسلم قلت انتِ اللي جايتني فأنتِ المفروض تبدين السلام وتناقرت معي طول الطريق وعاد الوقت طويل يوم وصلنا قريب تيرا قالت جدتي جايبني عند الدشير! تضحك الصراحه وهي قد راحت اماكن ادشر من كذا مع اني ما اشوف الدشره اللي تقولها المهم بعد كلام اتفقنا على مكان والملعونه الصغيره اللي الطلعه لها كانت ع الصامت يارب الصبر بس ونزلنا وانا مو مشتهي قالت رولا الا بطلب لك ع ذوقي قلت طيب وجدتي قالت وانا ماتطلبين لي قالت تم بطلب لك وطلبت لنا
وقامت تصور وجدتي صورت صوره تصدعع كذا خايسه لي انا ورولا جالسين وكاتبه "فهد ورولا😜" القاها من الايموجي اللي ماله دخل يعني شدخل ولا اساساً شدخل تكتبين يعني القروب كله عيالس وابوهم اكيد بيعرفونا والقروب الثاني الاحفاد اللي ينعدون ابفهم شجوها ذي
رجعتها هي وجدتها بيتهم ورديت بيتي وجلست اكتب كتاب تقريباً كتبت ٣٠٨ صفحه للحين! كلام منوع هبد واجد بس كله يعني مشاعر احاسيس وتعبير يعني
المهم هو مافي شيء مهم عشان اقول المهم ههه
هذا هودي جابه لي خويي يقول هبه ومدري ايش وطلعني معه وحلبني حلب بالتصوير
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
