ابتسامتها
وجها
نضرتها
حنانها
زعلان في داخلي
على نفسي او عليها
افتقد وجودها
راحت ورجعت
ماردتها
بس من شفتها نسيت نفسي وراضيتها
اذكر من لزمت ايدي وسحبتني من مرت عمي
مو اني رحت الها
گلبي خاني وغدرني وركض الاحضانها
راحت ماشفتها هواي
مازعلان لان بقيت عد بيبيتي وجدي
لان عدهم الامان والحنان
غابت عني
اجة عمي فاضل ورادني
كال حسين تجي عدي
ماكدر افارك جدي
ماحجيت سكتت وهمة فهمو كلامي رفض
ورجعت غابت
غاب الوجه والملامح
فقدت شي اسمة الاحساس
عدهة بس حسيته
ورجعت مرة ثانية
مارحت اتوسلت بيبي بيه روح امك تريدك
مارحت
ماريد اعيش الاحساس ورجع افقدة
ماكدر أتأمل كل مرة هاليله انام سوة بحضنها وكعد الصبح الكاها ماكو
ازغير وهادئ وساكت
لكن افهم
جدي كلي اذا ماتروح اتشوف امك الله يذبك بالنار
خضعت خوف
خاف احترك من صدك
ورحنه اني وفطومه
اخذتنا مرة عمي مثل كل مرة
وصلنا هناك شافتني خالتي
بوستني وبوست فطومة
صاحت عليها وطلعت
اجت حضنت فاطمه وباستها
كلبي دك دك دك دك
وفجاة
ماحسيت
راح ذاك الشعور وختفه
حسيت بغربه
تبوس بيه وتكلي مشتاقه الك ولك
ماكدرت ولا تحملت
شعور الغربه
باجر ترجع تختفي
طكيتها ركض طالع منهم
اسمعها صاحت وراي
حسين حسين حسين
ركضت ركضت
اندل الطريق
وصلت الفرع
ذاك بيتنه
ذاك بابنه
وذاكمة اهلي
رهف
كلنه توسلنة بي يروح الامه وهوة رافض ما يقبل
اغريناه بالمشترة والحلويات
وهوة رافض
هددة جدة اذا ميروح الله يذبه بالنار وقبل يروح خايف من العقاب
اخذته مرت جاسم وراحت الهة
وصلته ورجعت حجتلنه جرتة من عبايتها رافض يروح الهة
بعدنه كاعدين نحجي
ودخل علينه حسوني يلهث
باين راجع ركض النة
ما صار خمس دقايق من راح يمها
جدة فتح ايدي ثنينهن
هوة جيت بحضنه
وابويه قفل ايدي ثنينهن علي وهوة يكله
يابعد جدك يا بعد جدك
سجلناه مدرسه
ابويه اخذة وقدمله
معاملتهم كملت والحمد لله
طبعاً بعد تعب وجهد من ابويه
وثنينهم تنازلو من حصتهم بالراتب للجهال
امي وابويه
وابويه الوصي هوة يستلم ويصرف عليهم بس بقت حصتها لازم هية من تحضر تستلم
واجت جية ثالثه بس هالمرة
ماقبلو بيت خالي يستقبلوها
لان جناينهم ما قابلات وحته مرت خالي كايله اخاف على ولدي من المشاكل
ههههههههه امي قبلت تستقبلها وتبقه عدنه
اخلاص
سمعت منتهى جايه وراح تبقه عد اهلي واني تخبلت
وحته خواتي منى وسلمى وهديل ورهف ما راضيات ويحجن على امي
شلون تستقبليها بعد كل الي صار هم هانتكم هم غالطه على ابويه
هم بايكة حق جهالها وحقكم
واصلاً هية مو امان
لكن امي موقفها واحد
ضيفه عدي ماكدر اطردها
أنت تقرأ
الجنة ليست لها
Romanceالجنه تحت اقدام الامهات وضعها الله سبحانه جزاء للتي تستحقها فهل يا ترى ستكونين ممن يستحقونها فأن كان لكي فيها نصيب فنصيبي منكِ سيطردكِ منها قريباً بقلم قمر الزمان 💋💋
