الجنة ليست لها

الجزء الثالث عشر

منى
خابرتني امي ترعش
هبطتني
هاا يمة خيرج
كالت يمة لحكيلي مصيبه

حته رمش عيني وكف ماتحرك كد ما جسمي جمد
خوفه الصارت بيه من التلفون بس الله يعلم بيهة
اخاف من كلمة مصيبه

كالت علاوي ابن اخوج سواله مكسورة
ضرب فطومه جلاقه يمة وخلا الدمايه تجري

اااف احس الدنيه ضاقت بعيني استغفر الله يا ربي واحد منين ما منين يتلكاها

كتلهة
على كيفج يمة حاجيني وفهميني
يعني دم دم لو شنو بالضبط

اكلج دم دم ما لحكنا هسة مرت جاسم غسلتلها وبدلت الهة ومنعرف شنسوي

زين وعلاوي

يمة سكتي هذا الاخر ابو موته لحكنه علي
كوة خلصناه من ايدة
كل جلاق يضربه ولا الثاني
راد يموت الولد مدري شلون سحبناه من جوة ابوه
وهسة طلع هاج راح البيت جدة

يمة اهدي انتي بس وسمعيني لازم تاخذيها للدكتورة
احتمال مو مثل ما ابالنة
احتمال الرحم نزف اثر الضربه
احتمال المثانه
منو يمج هسة خل تاخذها حالاً للدكتورة لو تنتضرين الباجر اجي واخذها

لا لا هسة خلي مرت جاسم تروح
هوة اخوج كال الهة اخذيها للدكتورة اجيك وضعها
بس كلت اكوللكم خاف يصير شي بالطفله يمة هذي امانه
غير اصير سالفه للشمات عالبو ما حافضتو عليهم
حتى الكل يصير عدة علم

اي مو على اساس امهم تحافظ عليهم اذا بقو عدها
اكولج يمة احنه والناس شنو يرحم اهلج عوفينه منهم
المهم
بشريني من ترجع من الدكتورة وحتى اذا صار شي عليها
هم الحل موجود

شنو الحل

محد غير علاوي ياخذها

( علي ابن جاسم )

اكره شي بالحياة اسمة فاطمة
هاي البنيه تسببلي توتر جنت زغير واضوج لان عمي عبدالله ما يرحمنه من ناذيهة هسة كامو كبار زغار صارو حرس الهة
صح ميرضون عليهة من تغلط
بس محد يكدرها وكحة
واني موتي وسمي فاطمة
بلا وعي مني ضربتهة جلاق
فشلتني كدام ولد عمي وعمتي

نزل الدم على رجليهة واني حسيت الحرارة صعدت الراسي وعرفت ورا هاي عملتي اكو عقاب والعقاب كلش جبير
بعدني ما كايل يا الله اريد الزم الباب مال الدرب وفلت البيت جدي
وايد انحطت على ركبتي وسمع ابويه يحجي بس مو حجي طبيعي لاااااااا
صوتة كان يوحي بعقاب ما متوقعه بتاتاً

كال بس الموت يخلصك مني وفعلاً
ما خلصوني من جوة ايده اله اني جنازة
يعني اعرف اني عملتي جبيرة بس متوصل لدرجة يخلص عليه
او يمكن ما محسب احساب عملتي وابعادها

ههههههه ويمكن كان العقاب الاكبر من كالو اذا طلع بيها شي
علاوي ياخذها من تكبر
واني ماحسيت اله رجليه طايرة بيه طيور
مهزوم البيت جدي
حسبالك الخلاص هناك الگاه
ظليت لليل مهزوم منهم
امي جتي عليه بعد ما رجعت من الدكتورة
لان ابويه كال الهة حالاً تاخذيهة
منتضر حلكها شوكت ينطق
ماحجت شي كدام بيت جدي
لان اني هم ما حجيت الهم شي
خاف هم يستلموني واني مهزوم من الملامة والكتله
كالت الي يالله يمة علي امشي
واني اباوع العينهة ادور الاطمأنان
شفت نضرتها مرتاحة  ماعرف ليش حسيت العقاب انتهة
طلعت وياها واني امشي واخاف اسال شصار هناك
وصلنه بيت جدي
ابويه طالع
جدي كاعد بالهول لابس مناظرة ويقرة جريدته المعتادة
بيبي كاعدة يمة عينهة عالاخبار بالتلفزيون وحسوني كاعد ومخلي مكعبات كباله مبين جديده جدي جايبه اله
اشوف الوضع طبيعي
لعد  فطيم وينهة
امي سلمت وفاتت صعدت فوك الغرفتنة
زين اني جوعان حته غدة ما متغدي وبيت جدي من الخوف حته ماتعشيت عدهم
انتبه جدي عليه واكف
صاحلي تعال علاوي يمي جدي
اجيت كعدت يمة بيبي هم اندارت وسألت خوما متاذي بيبي
كتلها لا زين
جدي حجة وكالي
علاوي جدي هاي بت عمك فطومه يتيمة والطفله باهشة جدي
لازم تكون صبور وتكون واعي التصرفاتك وياها
انته لازم تعلمها
ومن تغلط تفهمها غلطها
انته مجاي اشوفنا كلنه عينه عليها
الطفله تريد الي يعلمها ويستوعبها
تشوفني مرات افقد صبري وياها
لكن ارجع شويه وراضيها
صح افقد بس من ارجع الوعيي اذكر ماعدها ام الي توجها وتخاف منها
تشوفها مستقويه وصلفه
لان جاي تحمي نفسها بهاي الصورة
تشوف نفسها وحيدة اني عاذرها جدي لان البنت وعت ابوهة توفه وامها تاركتهم مو احنه هم نصير عليها
هية صح تحتاج القوة بالتعامل حته نكدر نحكمها من صلافتها
بس مو معناه نأذيها
انته تعرف عملتك اليوم شجان صار
تعتبر للبنيه كارثه جدي يمكن انته فاهم قصدي او ما فاهم بس الي صار
كان دمر مستقبلها من ناحية الزواج
لكن الله سترهة والحمد لله عدت سلامات