كنان (للكاتبه ساره ابراهيم)

البارت التاني

فتح كنان ويوسف الكاميرات بعد كلام شروق وهنا كانت الصدمه
يوسف بأستحقار .معقول يكون وسخ لدرجه دى
كنان .توقع من واحد زباله زاى ده اي حاجه
اهم حاجه أن يبعد عن فرح ويطلقها
يوسف بحزن عند ذكر اسمها .هتعمل اي دلوقت
كنان بخبث .الصبر حلو
يوسف بمرح لكي يتخطي المو .وبعدين انت بتبص لي 50الف وسايب الملاين الي معاك ده انت نتن صحيح
كنان بجديه .لو ما بصتش علي الألف الواحد عمرى ماكونت هيبقا معايا ملاين ده اولا ثانيا مش أنا الي اتغفل
يوسف بجديه.الفيديو ده لو قدمنا بيه بلاغ في القسم هيروح في داهيه
كنان بوعيد .اتقل قولتلك الصبر حلو
هز يوسف رأسو بنعم ثم أردف.طيب يلا بينا احسن أنا خلاص فصلت عايز اريح حبه
كنان بموافقه.تمام يلا

بعد فتره وصلو البيت وقف كنان أمام باب شقتهم وهو ينظر ل يوسف
كنان .يوسف يلا تعالي اتغدا معانا
يوسف بحزن.لا أنا كدا تمام اتكلمنا في الموضوع ده كتير ممكن تريحني
كنان بعصبيه .يعني البيت الي انت اتربيت في مابقتش تدخلوا من اكتر من سنه في اي يايوسف كل ده عشان فرح
يوسف.كنان لو سمحت بلاش السيره دى أنا كل الحكايه عايز ابقا لوحدى
كنان بأصرار.لا هتدخل معايا وده اخر كلام أن مدخلتش بلذوق هدخلك غصب
يوسف بضيق .في اي ياكنان وغصب اي الي تدخلني بيه هو أنا مراتك يلا ولا اي
ليغمز له كنان بضحك.وانا مراتي هتبقا قمر كدا يلا
يوسف بصدمه.نعم ياخويا انت بتعاكسني ولا أنا مش مرتاحلك وعمال تقولي تعال وادخل وهدخلك غصب ناقص تقولي ماما عيانه تعالا بص عليها وانا بقا اصدق وادخل وملقيش امك جوه وتغتصبني
كنان بزهول .چو انت بتتفرج علي افلام ابيض واسود كتير
يوسف ببرأه .لا والله لي بتقول كدا
كنان .الصبر يارب ......يلا ياحبيبي ده حتي نورا عامله مكرونه بشاميل الي انت بتحبها
يوسف بجديه .كنان صدقني مش هقدر ..مش هقدر اشوفها بعد ماسبتني وراحت لحد تاني ..مش هعرف ارفع عيني في عينها مش عارف ده كسوف من الي انا عملتو ولا غيره عليها انها بقت ميلك لغيري أنا ممكن اقتلها لو شوفتها واتخيلتها مع الزفت ده
كنان وهو يربط علي كتف صديقو.محدش عارف بكرا في اي ما يمكن ده الاحسن ليكم وبعدين حاول تتخطي ضعفك ده مش هتفضل علطول كدا
تنهد يوسف وقال .حاضر
كنان وهو يجر يوسف من دراعو داخل الشقه دون سماع لاي اعتراض .تعالي بقا تعبت امي
نورا عندما سمعت صوت يوسف فرحت جدا فهو بعد اكتر من سنه يدخل هذا البيت  الي رابتو فيه مع اطفالها كانت مفتقداه وكأنه ابنها  شدت يوسف لحضنها وقالت بدموع اخيرا ياحبيب قلبي جيت تعالي ثم ذهبت وهي تمسك دراعو وتجلسو علي كرسي السفره وتضع الطعام أمامو
نورا بحب.كل ياقلب امك
يوسف كالعاده يحاول يخفي حزنو بضحكتو الكذابه
.ده الواحد لو يعرف انو هيدلع كدا كان غاب من زمان
نورا بزعيق .ابقا اعملها كدا وانا اموتك بلشبشب الي شكلو وحشك ياكلب
ليضحك كنان من قلبو .شفت اخرت الدلع وحشه ازاى
لينظر لهم بغضب مصتنع.اي الناس القافوشه دى ياربي
خرجت من المطبخ  همسه وهي تحط باقي الطعام علي السفره .عندك حق ناس قفوشه جدااا أنا خلاص زهقت منهم
يوسف بمرح .عندك حق يا همس ياختي ده حتي الواحد بقا مش عارف الا
قطع كلامو خروج فرح من غرفتها وهي تبتسم لهم برقه ثم نظرت إلي يوسف الذي كانت عيناه لا تنزل من عليها
قالت بحرج واضح.اذيك يايوسف
يوسف وهو يهمل كلامها ولا يعيرها انتباه .عامله اي ياهمس في مذكرتك
همس بتوتر من الموقف . أو هو الحمدالله ادعيلي اطلع دكتوره لحسن أنا لو محصلش كدا هموت نفسي
يوسف بسخريه.والله انتي لو بقيتي دكتوره وانا هموت ومافيش قدامي غيرك مستحيل اسلمك نفسي يابت
همس بغضب طفولي .سامع ياكنان بيقول اي مش واثق في اختك
لينقل كنان بصره من علي  فرح التي قعدت بحزن وكسره من معاملت يوسف ونظر لهمس بضحك.والله عندو حق أنا كمان اخاف
قهقهت نورا .الظاهر انك هتبقي دكتوره لنفسك بس محدش مأمنك علي حياتو
همس بزعل مصتنع.ماشي يا جماعه شكرا وافتكرو الكلام ده لما تتحيلو عليا اكشف عليكم وانا مرداش ثم كملت اكل ولا كأن حصل حاجه لحظه من الصمت كانت تتقابل فيها عين يوسف مع فرح نفسها تقوم تترمي في حضنو وتقولو ماتسبنيش  وهو ود لو يقوم يخلع شعر رأسها يمكن هذا يطفئ نار قلبو
قطع هذا الصمت كنان وهو يسؤل فرح.مالك ياقلبي
فرح بتعب .مافيش دايخه شويه
فرح مكملتش الكلمه ووقعت من الكرسي علي الارض فقدت الواعي اسرع يوسف إليها وهو يحمالها قبل كنان دخلها غرفتها الجميع بيحاول يفوق فرح بكل الطرق بس رافضه تفتح عينيها نزل يوسف بسرعه للدكتور القريب من البيت بعد فتره قصيره كان يدخل معاها البيت
نورا بدموع .الله يخليك يادكتور احمد شوفها البت مابتنطقش من ساعه ما وقعت من طولها
الدكتور وهو يدخل غرفه فرح .متخافيش يام كنان انشاء الله الخير
ثم نظر ليوسف وهو يدخل معاه .خليك هنا
يوسف برفض قاطع .أنا هدخل يعني هدخل يلا اكشف عليها
هز الدكتور راسو بنعم .وبداء في الكشف
الدكتور بجديه.ممكن ياحجه ترفعي هدومها
يوسف بغضب وغيره واضحه .لي انشاء الله لو كشفت وهي لبسه اي الي هيحصل
الدكتور بزهول .ازاى يعني يااستاذ يوسف لازم اكشف بطنها
نورا بخوف وهي ترفع لفرح هدومها .مش وقتو يايوسف خليه يطمنا عليها
سكت يوسف وكل ما الدكتور يحرك ايدو علي بطنها يبقا عايز يقتلو وأقسم انها ما هتكون غير لي من بعد هذا اليوم ثم تذكر طه وقال في نفسو مش مسمحلك ترجعي تاني يافرح
خلص الدكتور وخرج هو ويوسف وأم كنان  من الغرفه كان كنان وهمس ينتظرو في الخارج جري علي الدكتور .اي يادكتور مالها
الدكتور .اطمنو هي عندها انميا حاده وده واضح من ملامح وشها جداا
يوسف بغضب .وانت اي الي خلاك تركز مع ملامح وشها انت دكتور ولا كوافير
الدكتور بزهول من تصرفات يوسف .عشان واضح مش ركزت
قطعهم كنان .المهم يادكتور احمد مالها
دكتور احمد وهو ينظر ليوسف باستغراب .لازم تاخد الفيتامينات الي كتبتها واهم حاجه العلاج الي كتبتو لاول 3شهور ده مهم جدا
همس باستغراب.يعني اي علاج 3شهور ده يعني كورس علاج
الدكتور بنفي .لا ده عشان حامل لازم تاخد اول 3شهو العلاج ده
كانت الصدمه تحتل وجههم وما لبسو حتي فاقو علي صوت يوسف وهو يمسك الدكتور من لاياقه القميص .قول الي انت قولتو كدا تاني ....قول يلا عشان اقطع لسانك
الدكتور بخوف فهو يعلم يوسف وكنان كويس عند غاضبهم .هو أنا قولت حاجه عيب يااستاذ يوسف مش مدام فرح متجوزه يبقا طبيعي تبقا حامل
يوسف بغضب.الحمل ده ينزل دلوقتي فاااااااهم
كنان بضيق . يوسف سيب الدكتور
يوسف بعصبيه كبيره .مش هاسيبو قولت الحمل ده هينزل
الدكتور بجديه .حضرتك حرام دى روح وانا شغال قانوني مقدرش اعمل كدا
كنان لحق يوسف قبل ما يقتل الدكتور .شكرا يادكتور احمد تعبناك ومتزعلش من يوسف هو مضايق حبه النهارده
دكتور احمد بمحبه .ولا يهمك عن اذنكم والف مبروك
جري دكتور احمد بسرعه كبيره لما شاف يوسف جاي عليه بغضب
يوسف بصوت عالي .الله يبارك فيك عقبالك
كنان بعصبيه .اي الي انت بتهببو ده
يوسف بعصبيه اكتر .انت تخرس خالص انت السبب في الي حصل ده
كنان بزهول .انا السبب ازاى انها تبقا حامل
يوسف.انت الي وفقتها علي الجواز من الاول
تنهد كنان .يوسف أنا اسف اني غصبت عليك تدخل هنا اتفضل علي شقتك
يوسف بسخريه وهو يجلس علي كرسي
ده عند امك أنا مش هتحرك من هنا غير وبطنها فاضيه
نورا بخوف وتوتر .يابني ازاى الي بتقولو ده عايز تقتل روح
يوسف .الروح دى تبقا من الزفت الي هي اخترتو ومستحيل تفضل حامل فيه مستحيل
كنان بعصبيه .وانت مالك متعصب كدا في اي
يوسف بأصرار.في انها هتطلق وهتبقا مراتي أنا وانا مراتي لازم اول حمل ليها يبقا مني أنا
كنان ضحك بصوت عالي ليستغرب يوسف .في اي
كنان بيحاول يتماسك الضحك .يعني اول حمل لازم يبقا منك والحمل الي بعدو من اي حد عادى
ضربو يوسف في كتفه بغضب ابو شكلك عيل رزل
كنان بضحك .لا بجد حقنا نفهم ازاى يعني ياجدع
لتتغير ملامح يوسف من الغضب للضحك الهستيري
سقفت نورا كف علي كف وهي تقول .انتو مجانين من شويه كونتو هتموتو الراجل ودلوقتي بتضحكو
همس .أنا ريحه اذاكر

في مكان آخر
كانت تجلس هي وولدتها واختها بأنهيار علي ولدها الي مات من ساعات وياريت كدا وبس لا ده كمان حل عليهم ظلم اعمامها
ملك بصراخ هستيري .يعني اي الي انت بتقولو ده ياعمي ده لو اصلا كونت عمي
جلال بغضب .اتلمي مافيش حرمه تعالي صوتها علي راجل مابالك لما يكون الراجل ده عمك
ملك بعصبيه .وانت راجل اصلا
نزلت صفعه قويه علي خد ملك وهنا اتحسرت علي نفسها وعرفت للتو انها خسرت ولدها وسندها في الحياه ملك المهدى الي الناس بتتكلم عن دلعها ومعزتها في قلب ابوها هي واختها والي عمرها ما اضربت حتي من والدها دلوقتي بتضرب من عمها وعشان ترضه هي وولدتها بظلمو
رقيه بعياط.البنت معملتش حاجه عشان تضرب انت الي معندكش ضمير عايز تاخد حق عيال اخوك وكمان بتقول لنوافق يامش هيدفن هان عليك اخوك
عاصم اخو جلال الكبير .ايوه هان علينا اخونا ادام انتي هتحسبيها كدا ومتعرفيش أننا بنعمل لمصلحتك
انتي وبناتك
ليكمل جلال بخبث.ايوه طبعا لمصلحتكم اول ما ندفن المرحوم شوفي كام واحد هيبقا عايز يجوزهم ومش عشانهم عشان فلوس ابوهم
مي بحزن .انت ازاى قادر تتكلم عن فلوس واخوك ميت فوق ازاى جايلك قلب
ليكمل عاصم .اسمعيني يابنتي أنا عامل عليكم وده تعب اخويا ولازم اعمل كدا وابوكم فوق و ورق التنازل اهو تختارو اي
رقيه بعصبيه ودموع .أنا مش هسكت أنا هكلم البوليس
ليكون الرد رصاصه في الهواء تهديد لها
وقفت رقيه متجمده مكانها
جلال بضيق .هاتمضو ولا المرحوم مايدفنش
راقيه بصوت مهزوز خوفا علي بناتها .هنمضي
مر وقت كتير من المجادله بين راقيه وبناتها وفي الاخر قرارو يسمعو كلامها عشان والدهم
وتمت مراسم الدفن

في صباح اليوم التاني

فرح علي سريرها حطه أيدها علي بطنها مش عارفه تفرح ولا تحزن بس كل الي هي عارفه انها لازم تستحمل ارف جوزها عشان خاطر الي في بطنها
دخل عليها كنان .حبيبت اخوها عامله اي
ردت بحزن.تمام
احتضانها كنان .ومالك زعلانه لي كدا
فرح بعياط .مش قادره اكمل ياكنان وخايفه أطلق اظلم ابني
كنان بحب .حبيبتي لازم تعرفي أن اي حاجه بتحصلنا بيبقا ربنا كتبهالنا واكيد بتبقا خير ل
قطع كلامو دخول ولدتو وهي بتبكي وبتبص لفرح بخوف من ردت فعلها
ليسرع كنان .مالك ياماما فيكي اي
مدت أيدها بورقه .طه بعت ورقه الطلاق

خلص البارت لو لقيت تفاعل هنزل بارت تاني بكرا بأذن الله ❤️❤️❤️🖤