هديل
نتمشة اني وزوجي متوجهة من بيت اهلي طالعين نروح البيت عيالي
تلاكينه ويه جاسم بالشارع
سلم علينه يضحك كال هااا رايحين
كتله اليوم الضحكة شاكة الوجه
كال جنت بموعد مال علاقة حب
ضحكت يا يابه كتله هاي انته شكد قديم
شنو علاقة حب شنو موعد هسة اطورت الاسامي واسمه موعد غرامي مع الحب مع الكبل
كتله ونته مرتك تدري بيك طالع موعد غرامي
جاسم ترة مرتك تنجلط والله وك هية مال مواعيد
شوكت حبيتها شوكت تواعدت خرب ببليسك ارجع الوعيك خويه لا اطير المشيتين
هههههه شو هذا عافني وراح ولا مهتم
زوجي كلي هذا اخوج يحجي صدك لو يشاقه
كتله بيانه يحجي صدك
متسمعه يكول موعد علاقه حب ههههههه
كلي
وهذا صدك يحبها
لا يابه شيحبها هوة غير يموت اذا مرته عافت البيت
بس ذيج الخبله مجاي تعرف تصرف بس تعرف تهوس علينه
لو تسويلهة زعلة وتعوفه صدك يتراجع عن قرارة
هية كل ظنها اذا عافتله البيت وزعلت عد اهلها راح ياخذ راحته وينفذ
على اساس لازمته هسة
وهوة ديشوفها معايفته
عباله ترضخ بالاخير
ومحد واكع بيها غيرنا
كلي وانتو ليش قابل دتشجعو
لا والله محد راضي بس شسويله راسه يابس عباله هذا زواج المصلحة بي فائدة الة والعائلته ميعرف هذا دمار مو زواج
عمر زواج المصالح ما عمرله بيت
وهاي مرته تگرك فوك راسنه درمة موتتنة شبيدنه احنه ما سويناه
تدري ابويه هددة اذا جاب هاي البنيه الي ناوي عليهة زواج
كله بس تزوجها ابلغ عليك ( ...... )
وما فاد بي
ورا اسبوع من رجعتي من اهلي خابرتني مرة جاسم ترعد
شوفو صرفه لاخوكم
يابه شسويله شبيدنه عليج
حجينا وياه مافاد
نصحناه مافاد
الحل بيدج انتي
تكلي شسوي يعني شسوي
زعلي
عوفيله البيت
اهجري وذبي علي جهاله اسبوع وجربي
انتي كاعدة كباله وتكولين شوفولي حل
والله روحي الاهلج وكلنه وياج انساندج
ومحد راح يلومج اصلاً اني اكلج عوفي وروحي الاهلج
سمعت كلامي وراحت الاهلهة وعايفه جهالهة على جاسم محتار بيهم
اول يومين جاسم يدز مراسيل
اذا مترجعين ازوج وطلكج
وذيج مناك تكمز
يطلكني هية هاي شورتكم عوفي وتالي اطلك
هههههه يابه بس صبري ميعوفج والله
ورة اربع ايام جاسم رايح الابوهة والاب طاردة
وراجع جاسم لاعب لعب
وبقت الزعلة مال مرت جاسم اسبوعين
بس خطيه اولادهم اكلوها ظلو ما بين امهم وابوهم
امي تعبت منه ومن جهالة كالت اله لو تروح ترجع مرتك وتترك هاي المادري منين جبتهة
لو تاخذ جهالك وتطلع ترة موتتني
رايح متوسل بيها ترجع ما قابله لو تترك موضوع الزواج لو ماكو رجعه
محاول يقنعها
انتي وحد وهية وحد
ماكو فائدة
يابه راح نحصل بيت ونلتم بي
وهم مافاد
حاول يغريها بكل الطرق مافاد
وحنه مستمرين نشجع بيها عالقطيعه
الى ان استسلم جاسم
وقرر يترك موضوع الزواج
ورجع مرته
أنت تقرأ
الجنة ليست لها
Romanceالجنه تحت اقدام الامهات وضعها الله سبحانه جزاء للتي تستحقها فهل يا ترى ستكونين ممن يستحقونها فأن كان لكي فيها نصيب فنصيبي منكِ سيطردكِ منها قريباً بقلم قمر الزمان 💋💋
