شقة العراقيات

البارت الثامن

كل ما هو مر سيمر ✨🥀
.
.
.
سلسبيل.
كان يلمس يدي بطريقته الخاصة، يشعرني كما لو أنه يمسك قلبي! ♥️✨..
مرات الانسان شكد ماهو مشغول بس كلمة او رسالة تصنع يوم كامل مليئ بالحب والامتنان كل لحظة موجود بيها سيف الدين بحياتي اشكر رب العالمين عليها جنت انضف واني مبتسمة بالاحرى حلكي مشكوك من الابتسامة شايفين من يصيرلكم شي كلش حلو ولطيف بس تستحون تشاركو ويا الناس وتقررون تحتفظون بي لنفسك وكل شوية تذكرو وتبتسمون رسالة بيها كلمات تخبل تشبه سيف دافية وراقية"احبج ،ولو مشغولة عني القارئة الشغوفة احيانا اتمنى اني كتاب كي تبقين امامي متبسمرة بدون راء ،ترا هاي كل قوتي بالعربي الفصيح اجيت اريد اخذ اقتباسات وفتت على الفيس وقنوات التلي وشفت فديوهات بعدين كلت اكتبلها الي بكلبي اكيد راح تقدرة لان طالع من نص آفادي مشتاقلللججج يانذلة متكولين خطيبي مشتاقلي افوت احجي ويا يابه اني راضي تصرعين راسي بالقصة او الرواية الي دتقريها وظلي احجي على البطل لان عار بس تعالي حاجيني وشوفي شراح اسوي بالبطل العار انزل عليه مسبة وفشار حيل حيل ضجتي منه اندل بيته واروح ادكهم بس تعالي نتخابر وراها شتريدين اني حاظر وبرسم الخدمة لام خدود ".
-هههههههههههههه فدوة لكلبك ،اوي شكد حبيت هاي الرسالة هسه احطها بنص قلبي وافادي على كولتك..حبيبي اعذرني انت تدري خالة شوية متمرضة واني عندي امتحانات حتى ريحتي صارت عفنة مسبحت واتصور حالتي شكد مأساوية من ورا الامتحانات.
-لا عيب على الامتحانات تسوي بيج هيج افتحي الباب وشوفي شنو دزيت الج.
يمة احس قلبي راح يوكف رحت ركض نبهت خالة متحجي على وجود همس ورجعت على هموسة اتاكدت من نومتها سديت الباب ورتبت روحي كدام المراية وفتحت الباب وانصدم ماكو احد غير بس بوكس هدايا جبير وجياسة يمة فديتة للمتفهم احسن شي سواة ما اجة ولو مشتاقتلة بس عادي من اروح للكلية اخابرة يجيني هسه الوضع شوية صعب تذكرت البوكس والجياسة وطيارة رحت فتحتها واشوف بوكس هدايا مليان نساتل وحلويات ومكتوب عليها *تزعلج الامتحانات اصالحج اني لا جذب الاكل*
والجياسة ورق عنب ولفات شاورما اني خاف اعشق سيف الدين لا هسه اموت علية ركض رحت صورتها انستغرام اكو خاصية جديدة اسمها *ستوري* اصور وانزل خابصة الدنيا بيها ورجعت خابرتة .
-سيف الدين هاي شنو يخبل ذوقك.
-ام كرش مشتاقلج.
-اني هم وربي ؛بس مشغولة عشرتالاف تعرف العيشة صعبة على مارشميلو مثلي حجيتها واني اتنعوص
-اني اعشقج بس لتعيديها لان عيب بنتي هاي السوالف.
-شنو العيب.؟
-ان تشبهين نفسج بمارشيملو لان انتي دبة مال عسل
-سييييف دبة عسل شنو ترا زعلت
-تذكرين هاي دبة العسل الغالية الي بيها انواع المكسرات
-اي اي اي الي فضحتنا كدام خالي وتكول خدعوني وخدعوني مسدودة وبس صورة وتالي طلعت مفاتحها عدل
-نجبي لج لعد والله انتي دبه طرشي واحمر معفن ومطيب
-زين انت شنو.؟
-اي بالله شنو اني.؟
-انت حبيب عيوني .
-وانتي عيني وماكو اغلى من العين.
-يمتى حبيتني.
-اخخخخ.
-هلكد تحبني.
-دسكتي ام كرش وواثقة بابا انتلت نرعصت بالكهرباء وتكول تحبني.!
-عليك النبي.
-والله شبيج صدك نرعصت بالكهرباء شوفي حبيبتي هيه هاي نهاية هذا السؤال ابوس كرشج عوفي.
-ترا والله راح ازعل لعد منو يركض وراية اكلي هذا واكلي ذاك علمود تسمنين.
-اي غير من تسمنين اتفحين تصيرين يابو خدود تفاحة.
-لا اني هسه افتهمت هاي خطة مأسونية تسمني وانت اظل تروح للجم علمود تطلع احلى مني بالعرس بس ماحزرت عيوني تظل احلا من عيونك.
-يروحي روحي اكلي هاي هرمونات الجوع والدراسة ماثرة عليج بعد شوية راح تكولين حاطلي مسمن.
-تسلملي حبيب عيوني.
-الف عافية، بس قبل متروحين سؤال ينخر بعظمي.؟
-لا كل شي ولا عظمك اسال الساحة كلها الك.
-اني لو الاكل.
-لا حبيبي اكيد انت.
-راح اصعبها اني لو بيتزا مارغريتا وبطل كولا.
-لا انت طبعا.
-اني لو اثنين بيتزا مارغيريتا حجم عائلي وكولا وبتيية.
-انت يبعد روحي.
-هاي الاخيرة اريد اشوف غلاتي اني لو ٣ بيتزا مارغريتا وبتيتة حجم عائلي وكولا حجم عائلي وجيس مارشميلو.
-انت طبعا بدون تفكير هاي كلها منو يدفعها اني مثلا.!
انت لو سال ورا متدفع انت لو البيتزا العادية مو مارغريتا جان كتلك البيتزا بس اني ما احب الفرضيات احب تدفع يلا تشوف غلاتك المهم هسه بيباي حبيب عيوني اشوفك ورا الاكل.
-ام كرش متصيرلج جارة ولا عندج قطرة رومانسية روحي بيباي.
سديتة واني ميتة ضحك وركض رحت حطيت لخالة حصة وكعدت اكل واصور لحظات رومانسية جميلة بيني وبين الاكل..
خلصت كمت لميت المواعين وبالي يم همس اريد اروح اشوفها واخابر احمد لان الممرضة ما اجت لي هسه رحت عليها جانت ساكتة وملامحها باهتة يمكن لان اني تعودت عليها بايام سوريا صح غجانت علاقتنا فاترة بس هي اربع وعشرين ساعة على متحضرة حتى وهي نايمة جان همام يكول شكد ما اني حلو وافتخر بنفسي مرات بس احس نفسي وصخ يمها جنا نضحك وهي تبادلة نظرات كلها حب ورضى وتظل ساكتة تخجل وتنصي راسها جان فضولي يدفعني اشوف شنو لغة الحوار الي بينهم يعني همام شخص اجتماعي بامتياز وهي شخص انطوائي مغرور لابعد حد وللأمانة الاشخاص الي حوالينها جانو يخلوها بهذا اسلوبها النرجسي لان اي شي اسوي همس هو انجاز بتيية تقلاة سوت تنقلب الدنيا حتى ريناد الله يرحمها جانت تحبها وتشجعها على الخطأ الي هي بي..
شوية ورجعت من ذاكرتي من خابرت الممرضة واعتذرت لان اليوم متكدر تجي عندي ولا تكدر ادز احد اضطريت اني اروح ابدل الها اخذت هدوم جديدة وعطر ودهون وحفاظات كبار السن وعلى كيفي قلبتها جانت ساكتة وصفنت بوجهي عبالك تذكرتني اني ابتسمت وهي ابتسمت ابتسامتها الشهيرة صفرة *مجاملة*لمدة ثواني بس وتحول المزاج واختفت اي ملامح للضحك ونزلت دموع من عيونها عبالك كزاز ويجرح خدودها واول مرة يجرني العطف عليها جريت راسها لحظني وكلت:ابجي اعتبريني ريناد واشكيلها.
ظلت تبجي بهدوء وراها بشوية ذكرتها بموقف على امل تتغير نفسيتها تذكرين من جنا بسوريا وجنتي لابسة بوت احمر واني غرت منج ورحت لبست البوت مال عامل النظافة مال عمارة جان لونة اخضر وظل يلحكني الطلي*الخروف*وانتو ظليتو تضحكون علية وراها راضيتيني انتي وهمام من رجعنا ضليتو تغنون وتحاولون وياية جان اخذتيني توكليني شاورما وفتنا لمحل الصديق بدمشق اوف اشتهيت الشاورما السورية متجاوبت وياية بس سكتت صح مو هذا المطلوب بس اقلها تسكت متبجي علمود اكمل تبديل على السريع..
.
.
.
زهراء
- ‏لن أنسى تلك الأحداث والمواقف التي جبرتني على أن أعيش اليوم على غير طباعي اللينة، لن أنسى كيف تعلمت أن أقسو.
طبعا هنا الفاتحة تختلف كليا عن الاردن وحتى بغداد متصير بهذا الشكل صح اني صارلي سنين عايشة بالاردن بس اتصورهالعادة خاصه باهل صلاح الدين ينصبون فواتحهم بشكل متفرق يعني النسوان بالبيت والزلم خيمة يم باب البيت او مكان يتاجر وبيت عمي اخذو مكان للإيجار وقبل ميروحون يدفنو يعلنون بالجوامع كلها ان الساعة الفلانية راح يندفن فلان ابن فلان اقارب فلان وعلى هل اساس الناس تتجمع صوت الجوامع من تعلن عن مكان سلام قشعر بدني واني اسمع شي مؤذي روحياً الية تمنيت لو سامعة ابداً هاي التكبيرات الي دل على وجود ميت وهذا الميت سلام الله يرحمه.
وراها بفترة طبكت سيارة ونزل منها سليم بس من شافني بالشارع ركض باتجاهي وكبع بيه بصوت ناصي:وين مولية خاتون.
-مرايحة لمكان عمتي طردتني من البيت.
بهت وجهة وحاول يداريها بعصبية وهو يكول:امشي للبيت ولا عدكم ذرة حياء ولا ادب بس بيجن الجواب.
-ما اسمحلك تحجي علية اذا اكو احد ماعندة حياء على كولتك فهي امك مع احترامي الي حتى حساب محسبت لابنها بعدة حتى منذفن اطك علج وتتمضحك.
اهل الملاهي كلتها بصوت مسموع متعمدة وفتت من يمة علمود اعبر للبيت صح نفذت الي ابالي بس جنت ميتة قهرلأبعد حد طول.
ايام الفاتحة اعتزلت عن البيت كضيتها بغرفتي بيوم الثالث ابوية دز خبر بيد زوجتة ان يوم السابع يجي ياخذني هم وانزاح عن قلبي.
جنت افكر شنو الحجة الي راح اكولها علمود اظل للسابع مو حباً بس اريد من هنا اطلع هنا اسرع بين ميلاحظون عدم وجودي خاصة اني راح اطلع من السبعة الصبح اوصل حوالي العشرة لاربيل اما إذا حالفنا الحظ اوصل بالتسعة ونص الباص يطلع بال١١ونصً لتركيا ومن هناك اسافر لغير دولة التفكير المنطقي يكول اطلع من هنا لان بين ما اطلع بين ما يفتقدوني وكت طويل خاصة حسب الي افتهمتة السابع اصير خبصة لان بيومها تنتهي الفاتحة يعني اخر يوم واني اصلا محد يتفقدني غير مرات نادرة 
خططت لكلشي ليش وشلون ومنين اطلع مبقيت ولا حركة للصدفة والقدر كل مرة اتركها عسى ولعل هالمرة لا اني مراح افقد سلام مرتين..
.
.
.
ميار.
‏مو محتاجين كلام حلو ، محتاجين قلوب نظيفه .♥️
اطلعي كالها حسن بعصبية وهو يصك على سنونة اتأفافت وطلعت من يمة بيني وبين نفسي جنت كلش مشتاقة لابوية حبيبي الاول وحافظ اسراري بس اكابر على جرحي بس من شفتة كدامي نسيت كلشي وحطيتة ورا ظهري وحضنتة بكل قوتي اتمنى يحطني بنص قلبة وعقلة ويحفظني من العالم الخارجي الي صاير عبارة عن غابة القوي ياكل الضعيف.
عاتبته:لو ما عفتني مجان وصلنا لهاي المرحلة.
-اوف يا ميورة اوف دومج انتي منتصرة علية.
-لان هالمرة الحق وياية اترجاك خليني اروح وابلغ عن نفسي تقاريري تثبت ونروح للمستشفى نثبت ان الى دقيقة وصول الاسعاف وهو عايش وبهيج ماعدهم شي عندي قضية اختطاف.
-انتي تحبيني.؟
-طبعا اني معندي غيرك حبيبي انت رجعت لحضنة.
-راح اطلب منج طلب واتمنى تحققين امنية حبيبج.؟
-شنو وعد كل شي اسوي الك.
-اتزوجي حسن.
-ليش.؟
-اسمعي مني زواج شكلي فترة بسيطة بس يطلعلج جواز.
-وليش تريد تبعدني عنك.
-بنتي اي انسان راح يفتهم ان انتي مذبحتي علاء.
-اي صح لان دزيت على الاسعاف وتاكدت قبل ما اطلع ان بي نفس والضربة متذبح لان صح ضربتة بالكرتة بس ضربتة بالجهة العدلة مو بالحافة.
-زين اتذكري تفاصيل اريد شي يثبت ان هو الي اخذج غصب عدا التقارير الطبية.
-الشقة ببغداد تثبت لان بيها كامرات جان ياخذني غصب ويركض بيه ركض واكثر من مرة ضربني.
-زين وبعد.؟..مثلا صورة او فيديو او كامرات تصور.
-اكو المحل مال كباب تذكرة.؟
-اي اي اتذكره هذا عندة كامرات صح هسه ادز احد علية يروح يشوفة.
رجع كمل :زين هسه لتضيعين الموضوع علية حبيبتي تزوجي علمود اسبوع وتسافرين.
-بكيفك بس اذا معجبني الوضع اني اتصرف.
-واني واثق بيج انت فرحتي وبنيتي.
نهيت المحادثة ويا ابوية واني بالي بعيد زين ليش حسن مو عمار خصيصاً عمار ضابط وحسن محامي ظليت محتارة وبضروف اقل ما يقال عنها سريعة عقدنا بهذا الليل وابوية الباجر يثتب الزواج بالمحكمة عبالك حلم طويل شكلي مراح اكعد من هالحلم الا ان اتاكد من قبر علاء .
.
.
.
همس.
- ‏أن يكون لِي شخصٌ، يتقبل خوفي الدائم ويعرف كيف يجعلني أطمئن، شخصًا كل ما أعرفه عنه أنه مفهومي للأمان.."
عبالك رؤية سريعة او غفوة لحظات شفت اطفال على درج طويل يريدون يتصورون واكو طفل يخبل خدودة حمر وكبار وعندة سن واحد واكف على شعرة حضني واني بستة بقوة انتبهت على ايد جدو وهو يحطلي اكل صحي ..بمناسبة هاي الحركة احياناً شكد الاحظ نفسي شخص فاقد الحنان حركة صغيرة من اي شخص حنين واتعلق بي مباشرة باوعت لعيونة وابتسمت ونزلت راسي واني بداخلي احساس بالحب والامتنان.
-اكلي يابة كاعدة يم جدي علمود حصة الاسد.
-هميم اسكت احسلك عساس مشفتك من اكلت لفتين كباب ولفة فلافل.
-جدو ملاحظ قلبت علية من جتي الآنسة .
-هاي عزيزتي وانت تعرف.
-هو السؤال هنا اني عزيز منو.؟
- انت عزيز احمد وخالك.
-حسدتونا اني واحمد وهو يفضل همس وريناد علية.
-سمعت اسمي.
-ههههههههه ابن حلال استاذ احمد.
خلصنا اكل بين شقاهم وضحكهم واني ساكتة صح ما اشارك بس مبتسمة طول الوكت.
حاولت اساعدهم بالمواعين بس مقبلو خصيصا عمليتي خاف تضرر ورا شوية سمعت صوت احد يغني اغنية لعادل مختار جانت امي دائما تسمعها علميني شلون انسى ..فهميني شلون انسى
انسى الضحكة والهمسة ..حبج بقلبي لي هسه علميني علميني
اخذني الفضول وهذا نادراً ما يصير وياية ان اتبع فضولي بس هالمرة مشيت وراه جان ابوية ديغني واول مرة ادري صوتة هلكد حلو عبالك عادل مختار ديغني جان كاعد وناطيني ظهرة ويغني الحديقة جبيرة وهو مستغل الهدوء ورا ما الكل نام او راح لشغلة تقربت منة برغم ارجف من الخوف وكعدت شوية بعيد عنة وظلينا ساكتين وهو يتنقل بين اغاني عادل مختار واسماعيل الفروه جي صوتة يخبل وحنين بعدين ندار علية وسألني:تعرفين شي عن آله الجمال.؟
-قصدك اليونانين.!
-اي اكو واحد بيهم اسمه نركسوس جان اية من الجمال تعرفين شلون مات.؟
اخذني الفضول يحجي بطريقة هادئة وتاخذ العقل وتخليك تتحمس علمود تكمل المحادثة
-شلون مات.؟
-فد يوم شاف نفسة بالمي وعشق نفسه وظل كاعد بمكانة الى ان مات .
-عزة صدك.
-اي والله صدك.،هذا مرض نفسي اسمة النرجسية المصابين بي يحبون نفسهم لدرجة العشق والهيام .
-اهاا يعني الاسم ماخوذ منه.
-اي هو هاي الفكرة تعرفين بشنو يتميزون هاي الفئة بالمجتمع
-شلون .؟
-هذولي يتميزون بالغرور ،التعالي،الشعور بالاهمية،محاولة كسب على حساب الاخرين،وهي مشكلة اجتماعية او ثقافية البعض يظن ان كل النرجسي سيء
-ليش اكو زينين بيهم.
-طبعا اكو نرجسية صحية.
-شلون اصير هاي مفتهمت.
- تمثل حالة واقعية لتقدير الذات دون الانقطاع عن الحياة العاطفية المشتركة يعني يحسون بالاخرين.
-زين النوع الثاني شلون يصير.؟
-النرجسية السيئة هو انعدام الاحساس بالاخرين ،السخرية منهم ،يحسب انه الاجمل والناس اقل منهم جمالا ولذالك هو يبيح لنفسه استغلال الاخرين .
-زين شلون تعرف نفسك نرجسي.؟
-ميعرفون بنفسهم.
-زين احنا شلون نعرف هذا الشخص نرجسي.
-النرجسي عندة اضطراب شخصية ،انحراف اخلاقي يحسب ان وجودة بحياتج اكبر فوزالج  هو تفضل عليج حتى اهانته الج هو شي لازم تكونين ممتنة الة .
-زين علاج لهيج حالات اكو .؟
-هو اكو علاج بس ممكن قبلها هو يتخلص منج.
-شلون يتخلص مني يعني.!
-خوش سؤال اسمعي هو يتخلص منج باقسى الطرق الي موجودة بايدة.
-واذا مكدر يتخلص مني.؟
-يقلب الحقائق كلها عليج وراها يبدي يحاول يذب كل اللوم عليج ويبدي  لعبتة المفضلة يعشق لعب دور الضحية بسبب دماغة وحبة للسيطرة،التحكم،الانانية،ولوم الاخرين تلقائيًا .
-ليش يلوم الناس .؟
-لان هو شخصية ضعيفة وهشة داخليًا وعندة  كبرياء وغرور واحساس دفين بخجل وعار شوية شوية يحول كل هالمشاعر الج.
-يعني كل هالصفات وميحس بنقص.
- ابد بالعكس تماما ميحس باي انتقاص او خجل خصيصاً من يقترف الخطأ او يسيىء الج او لغيرج .
-زين اني اعرف المواجهة احياناً تكون مفيدة صح لو غلط.؟
-لا بالعكس ميتقبل اي مواجهة من اي نوع مثل الشقة او النقد البناء او تحملي المسؤلية.
-والحل .؟
-هيج شخصيات مؤذيين لانفسهم ولازواجهم وحتى لاطفالهم مو مهم اهم شي هو وشعورة بالكمال.
-خطية اطفالهم بهيج حالة.
-تعرفين ليش حجيتلج هذا الموضوع بالذات.
-لان حسب علمي انت دكتور وتعرف اني عندي حب اطلاع رهيب.
-لا الصراحة اريد اكول الج سر جبير بس قبلها توعديني ماكو انفعال ولا عصبية.
-وعد .
-لان امج جانت نرجسية.
-وليش هذا الاتهام لا ماما طبيعية.
-اسمعي مني بنتي مكملت الج الموضوع امج نرجسية وتعرف ان هي نرجسية .
-انت هسه كلت ميعرفون.
-هاي مو كل الحالات اكو البعض منهم يخفي نرجسيتة بحيث يعامل الاغراب باسلوب حلو والاقربون منه بسوء.
-وشلون تعرف هي من هذا النوع.؟
-ابسط مثال عدم تعاطفه وياج انتي بنتها استخدمتج واستغلتج بابشع الطرق.
-شلون يعني ترا اني اكو اشياء ما اتذكرها.
-اعرف بنتي.
-زين شلون استخدمتني.؟
-مثلا من انهاريتي ودخلتي بغيبوية سكر استخدمت الموضوع ضدي
بالحقيقة هي اول وحدة نبهت على الموضوع.
-شحجت لان كالت روح جيب اليه غراض للمدرسة بدال ما تروح لعزيمة مادري عرس ابن اخوك.
-شوفي هذا الي دتحجي هذا غلط الحقيقة ان انتي نقذتني اخوج قيس وعفتي الصغيرة.
-قيس والصغيرة منو.؟
-قيس اخوج من زوجتي الاولى  المرحومة جان اقرب واحد الج بين اخوتج
-اني الي اعرفة واحد بالخارج والثاني كاعد يمكن بديالى اسمه يمكن قاسم.
-لا حبيبتي انتي عندج اربع اخوة من زوجتي الاولى المرحومة سلوان،احمد ،قيس ،وليث وامج جابتج بس انتي للدنيا وزوجتي الثالثة جابت بنية وماتت وافترقنا.
-ليش ماتت،شكد عمرها من ماتت يمتى صار هذا الشي متت قهر يعني طفلة ماتت.؟
-صار حريق بالبيت وهي جانت صغيرة عمرها يمكن شهرين انتي جنتي جوة بالبيت من احترك البيت والكل حاول ينقذج بس انتي هالصغرج وطلعتي تسحلين بقيس بوكتها شكد ما جان الموقف مخيف شكد ما ضحكنا قيس طويل وسمين وانتي العكس ضعيفة كلش وقصيرة وهو مغمى علية وانتي تسحلين بي ونقذتي
بتردد كلتله:والطفلة.؟
-اوف اوف ماتت محد انتبه امها جانت مغمى عليها وامج تدري بيها جوة بس فضلت السكوت علمود محد ينقذها.
وراها صارت الهوسة الي وكعتي بيها جنتي تعبانة وسكرج منخفظ وتريدين احد ينتبه علينا وللاسف امج طلعتني من طوري مثل كل مرة ذبت كل اللوم علية لدرجة فقدت وضربتها وانتي رحتي ضحية محد انتبه عليج وانتي تنازعين وتبجين وتضربين بروحج محد انتبه الا عيطت قيس من اغمى عليج.
-ليش كلشي ما اتذكر من هاي الاحداث.؟
- احيانا الانسان يفقد الذاكرة بس بخصوص احداث معينة
-يعني شلون .؟
-تكون الاحداث المفقودة هي احداث صادمة اوالمسببة للشدة مثل الاطفال الي يتعرضون للعنف او سوء معاملة على سبيل المثال عندج ذكريات سيئة بالمصعد تنسيها بس متحبين تصعدين بالمصاعد الذاكرة التفارقية اكثر شيوعاً بالنساء بالمقارنة بالرجال والاشخاص الي عانو او شهدو احداث مؤلمة عادة مثل الاعتداء باشكاله جسدي او لفظي ،الحروب،الإبادة الجماعية،الكوارث الطبيعية،او وفاة احد افراد الاسرة .
-زين اني ابد ما احس اني عندي فقدان ذاكرة.؟
-اغلب المرضى ميعرفون ان همه فاقدين للذاكرة.
-لعد شلون يعرفون.؟
-بعد فترة من يواجهون المواقف والامكان القديمة وتبدي تظهر الذكريات اكو ناس ميتذكرون ابد واكو ناس وراها بدقايق او ساعات ايام او عقود حسب الشخص والموقف.
-صح اني قبل شوية حسيت بلمحة جنت اني وكومة اطفال نريد نطك صورة وجان اكو يمي طفل كلش حلو بستة وحضنتة قوي .
-اي هذا قيس تعالي وياية اشوفج الصورة.
كمت ويا ورحنا بالممرات جانت فوك الدرج اكو صور كلها لاطفال يخبلون بس ولا واحد عرفت حتى نفسي بس الطفل عرفته اشر الية وعرفني عليهم وصح الي تذكرتة قبل شوية جانت اكو صورة اني لازمة قيس وبايستة بوجهة قوي والصورة الوراها متحاضنين قوي عبالك بزازين اوي فدوة شكد حلوين اجاني فضول اسال ليش مشايفه قيس ابد بالوكت الحالي حتى اخوتي البقية محد موجود بس اني للاسف استحيت واتشكرتة وانسحبت واني افكر ليش ابد محد ذكر اليه الموضوع وبوضع امي واني راح اظل هنا لو ارجع اعيش وياها قررت افكر بجدية ب..
.
.
.
هذا حسابي بالانستا:nrs.998
كل الي ذكرتة صحيح وتكدرون تتاكدون منه بالبحوث العلمية
منو اكثر قصة اثرت بيكم.؟
اعتذر على الاغلاط والسحكات.

.