كنان (للكاتبه ساره ابراهيم)

البارت الثالث

قامت ملك من النوم بتعب وإرهاق من الحزن علي ولدها وظلم اعمامها لهم خرجت من الغرف ونزلت لتجد ولدتها تجلس مع اختها في جو مخيف اقتربت منهم ملك بتسؤل .في اي ياماما مالك انطقي يامي في اي مالكم متجمدين كدا
مي انفجرت في البكاء وهي تقول بصوت مرتعش .عمك عاصم كلمنا في التلفون وبيقول أننا لازم نسيب الفيلا وكل حاجه بتاعت بابا لان خلاص بقت بتاعتهم من بعد التنازل بتاعنا
ضحكت ملك بعلو صوتها ثم اردفت بسخرية ولوم لولدتها .اي رأيك يا رقيه هانم شوفتي اخرت الي يسمع كلامك ادينا اهو هنترمي في الشارع البيت بيت ابونا والغرب جاين يطردونا
رقيه بألم .ملك أنا عملت كدا عشان خاطر ابوكي كونتي عايزاني أسيبو لعمامك وكان مدفنش بسبب حبه فلوس
ملك بعصبيه .مين قال كدا كل ده كان تهديد لو كنا رفضنا عمرهم ماكان هيسيبو من غير دفن ده مهما كان اخوهم
مي بسخرية .فعلا اخوهم ملك انتي هبله هما لو بيحبو اخوهم كانو ظلمو عيالو ومراتو و كمان لا التنازل يا الدفن
ملك بتوهان .وبعدين هنروح فين
رقيه بدموع .اكيد شقه ستك الله يرحمها
لتشهق ملك بغرور .اي أنا اخرتها اقعد في الحاره الي امك كانت عايشه فيها
رقيه بعصبيه .مللللللك الي انتي بتتكلمي عليها دي تبقا ستك احترمي نفسك واتعلمي الادب
ملك بكبر .علي جثتي يا ماما مش هروح الحاره دى مي لتفض الخناق .ماما احسن حاجه نعملها نأجر شقه
رقيه بتريقه .اه حاضر عايزنها علي النيل ولا البحر انتو عايزين تجننوني احنا بقا حلتنا جنيه لما هنروح نسكن في شقه ايجار هانجيب حقها منين كل شهر حتي لو اشتغلنا هنبقا بنشتغل احنا التلاته عشان اجار شقه أنا قولت هنروح شقه ستكم وده اخر كلام عندى
ملك بكبر .روحي لوحدك انتي وبنتك أنا لا
قربت رقيه لملك ونزلت بكل قوتها بلقلم علي وشها
ملك بزهول وكسره .انتي بتضربيني ياماما انتي النهارده وعمي امبارح وكأنكم ماصدقتو أن بابا مات عشان كل واحد يضرب فيا حبه
ادمعت عين رقيه علي ابنتها فهي برغم طيبه قلبها إلا أنها بتعشق الطبقه المخملية وطبعها الغرور كل هذا من دلع ولدها
رقيه بندم وهي تحتضنها.انا اسفه بس انتو لازم تستحملو الفتره دى هي هتبقا صعبه عليكم بس معلش ثم أكملت معاكم فلوس قد اي في البيت عشان الفيزا بقت مش بتاعتنا
مي .أنا معايا 10000جنيه
ملك .أنا 15000
رقيه . الحمدالله انشاء الله الفلوس الي معانا يكفونا  وندور علي شغل برحتنا يلا كل وحده تلم شنطتها

عند كنان

مدت نورا أيدها بورقه الطلاق خدها منها كنان مش عارف يفرح أن الحيوان ده بعد عنها ولا يزعل علي اختو الي هتخلف منو طفل وهي منفصله عنو بص علي فرح وهي مصدومه ودموعها نازله جري عليها حضانها
كنان .مالك ياحبيبتي بتعيطي لي ده حيوان مايستاهلكيش انتي المفروض تفرحي انو طلقك وخلصتي منو
فرح بكسره .وابني ياكنان هربيه ازاى لوحدى
كنان بزعل .لوحدك امال أنا فين ده ابني أنا مش ابنك انتي ولو في يوم نقصو حاجه ابقي قولي علي اخوكي مرا
فرح بحب لكنان.قطع لساني ياحبيبي بس ا
ليقطعها كنان .هششش اسكتي وابنك هيبقا احسن واحد اوعدك ياقلب اخوكي
ليدخل يوسف عليهم بعد ما همس فتحت لي الباب
يوسف بخضه مالكم في اي
نورا بدموع .طه طلق فرح
يوسف بفرح .اي احلفي
ليقترب من نورا ويقبلها بحب وحماس تحت استغراب الجميع معاده كنان الي حافظ دماغ يوسف
.ياوش السعد انتي والله علي الخبر الحلو ده لجبلك احلي هديه
همس بزهول .يوسف ماما بتقولك فرح أطلقت مش رجعت لجوزها
يوسف بغضب .اسكتي انتي يامقصوفه الرقبه قال رجعت قال
بص لفرح بأبتسامه ليجد خدودها مثل حبات الفراوله من الاحراج .أما انتي بقا ياست البنات من النهارده لازم علي القليل نلبس دبل اه صح هروح اجيب الدبل واجي
مشي نحيت الباب ومن الفرحه الي يشوفو يقول إنه مجنون مش واحد عاقل ابدا  وفجأة وقف علي صوت فرح
فرح بعياط واحراج من كلام يوسف .ومين قالك اني موافقه
يوسف بعصبيه .نععععم ياااااختي
لتكمل فرح .مش معني اني أطلقت اني ارجعلك
يوسف بحزن .عارف اني غلط بس انتي عاقبتيني بأبشع عقاب
فرح .ده مش عقاب يايوسف ده الصح اني من طريق وانت من طريق كل الي بيجمعنا اننا متربين سوا
لقترب منها يوسف بغضب وهو يقول بصوت مخيف
شئتي ام ابيتي انتي ليا ليكمل بزعيق فاهمه
انتفضت فرح من صوتو وملامح وشو الي بتقول لو قالت عاكس كلامو هتموت في الحال
ليكمل هو بحب .عايزه تبعدي عن حبيبك الي عمرو ماشاف وحده غيرك نسيتي أيام ما كونتي بتجري علي حضني ولما مكونتيش بتنامي غير علي صوتي في الفون ثم أكمل بجرأه وهو يغمز لها فاكره البوسه الي ااا
لتقاطعو بصرخه وهي تقول. بس
وبتبص علي الناحيه التانيه بحرج التفت علي الي فرح بتبص عليه وهنا كانت صدمتو نعم قربه منها وبصتو في عينها نستو أن كنان ونورا وهمس معاهم في نفس الاوضه
يوسف بأحراج وهو علي نفس الوضع قريب من فرح لدرجه يعتبر حضنها  .احم طيب هروح أنا بقا اجيب الدبل
كنان بسخرية وغضب .لا وعلي اي اروح أنا اجيبهالك وانت خليك  حضنها كدا شويه
ابتعد يوسف .في اي ياجماعه ده حضن اخوي
نورا وقد فاقت من الصدمه.ينيلك انت وهي بقا انتو كونتو بتبوسو بعض من ورايا
يوسف ببرأه .أنا ابدا ده هي الي كانت بتبوسني انما أنا مؤدب
فرح بصت لي بزهول
خلعت نورا سلاح الأمهات من رجلها وانقضت علي يوسف وفرح بقا انتو يطلع منكم كل ده ياقلالات التربيه
يوسف وهو يحاول يهرب .مش دى تربيتك
لتجري ورا .مهو أنا فعلا مربتكش يازباله
كنان بسخرية لولدتو .قال مابتنامش غير علي صوتو اقتليه عندليب الدقي ده
يوسف بتعب من ضرب نورا والجرى .خلاص كفايا وبعدين اشمعنا أنا اضربيها هي حبه
نورا بجديه .نفسي اعمل كدا بس للاسف حامل
هنا افتكر يوسف أن معشوقتو داخل بطنها قطعه من رجل آخر ليحتل الغضب وجه ويقول بعصبيه .يانا ياهو
بص لفرح ليكمل .العيل ده ينزل النهارده
كنان بضيق.يوسف احنا قولنا اي امبارح
يوسف بجديه .قولنا نأجل الموضوع ده لحد مافرح تبقا كويسه واهي بقت كويسه يبقا النهارده ينزل
فرح بعصبيه .انت مجنون انت عايزني اموت ابني
يوسف بعصبيه اكتر .اعتبري اني انا مجنون كلامي مش هايتعاد وهينزل غصب عنك سامعه
نورا لتنهي الموضوع .يوسف تعالا عايزاك
ليذهب معاها بغضب
وليحتضن كنان فرح وبعد أن هدأت تركها مع همس و ذهب إلي ولدتو ويوسف
يوسف بغضب.مستحيل انها تفضل حامل منو ويبقا عندها ابن من راجل غيري
نورا بحب .ياحبيبي مين قال هيبقا ابنها هي ده هيبقى ابنك انت انت الي هتربيه ده انت بكرا تحبو اكتر من عيالك ذات نفسهم
كملت كلامها لما شافت ملامح يوسف بتلين لكلامها
وبعدين فرح لسه شايله من الي انت عملتو زمان كمان المره دى عايز تموت روح عشان توصلها طب انت عارف لو قولتلها انك عايز الولد ده النهارده قبل بكرا ونفسك تشوفو وتربيه معاها ساعتها هتفرح وممكن تسامحك علي العمله السوده الي انت عملتها زمان
يوسف بأقتناع تام .بجد يعني هتوافق أننا نرجع
نورا بتأيد لكلامها .طبعا
يوسف بغيره .بس انا
لتقاطعو نورا بسرعه .ماقولتلك هيبقا روحك كل ده عشان لسه ماشافتوش وبعدين متنساش اهم حاجه انك كدا هتغضب ربنا
ليستغفر يوسف ربه .حاضر بس الفرح يكون في اقرب وقت والنهارده نلبس دبل
لتكمل نورا .ازاى ياحبيبي خليها الاسبوع الجاي يعني هي نفسيتها وحشه نجي نقولها خطوبتك النهارده
يوسف بزعل .ماشي لما اشوف اخرتها معاها ليكمل وهو يغادر المنزل
كنان أنا مش رايح الشغل النهارده تعبان شويه
خرج وكنان لسه باصص لنورا بزهول من ساعه ما كانت بتكلم يوسف
لتقول نورا بخوف .مالك ياض واقف بصصلي كدا لي قطعتلي الخلف 
كنان بعدم تصديق .انتي ازاى قدرتي تخليه يغير كلامو ده انا امبارح قعدت نص اليوم بحاول أهديه ومكنش بيهدا انما انتي بكلمتين رجع في كلامو خالص
نورا بفخر امهات .كل الي مربي قرد عارف تنطيطو
كنان بخوف .ده انتي الواحد يخاف منك
ليكمل وهو بيبصلها باستغراب .أنا رايح الشغل
نورا بضحك .روح ياحبيبي متخافش العصفوره مش هتقولي علي البلاوي بتاعتك
كنان بضحك .علي اساس انها ماقلتش قبل كدا يعني
خرج كنان وهو مبتسم ولسه بيقفل الباب خبط في شخص لسه هايعتزر بس لما دقق في ملامحها حس روحو رجعت لي بعد سنين طويله

خلصت البارت يارب يعجبكم لا و لقيت تفاعل هنزل بارت تاني بليل ياقمرات 💜💜💜💜