#جبرني_الوقت⏳
#الحلقه_الأولي
بقلمي #نورهان Ñř Ŕóhã ✍
نحن ننتظر .. موعد. مع الآقدار. لتقدر لنا ما نريد.....
♡♡
الساعه10:15ص
فاطمه...بيسو بيسو هيا نوضي
ابتسام...واعيه امي
فاطمه..هيا وتي روحك خواتك واتيات باتك توا ايجي يركب علينا
ابتسام..عدو انتو انا مريضه
فاطمه..قبل ماترقدي م كان فيك شي خذيتي دواء السكر
ابتسام...اها خذيته معدتي تعبانه مش شور السكر خلاص عدي انتي والبنات
فاطمه..تقعدي بروحك
هناء...امي ااا بيسو كنها مش ماشيه ولاكيف
فاطمه..خاطري نمشو الأمي مع بعضنا ديما ضروري وحده تقعد يبدا الأسئله وين افلان وين علانه
هنيه..نونا نبي الكويش البيضاء وانتي خوذي الورديه
هناء..خوذي اللي تبيه ااااا كيف صار هههههه نقاش عائلي قعدنا مش منكم ولا كيف
فاطمه...علي كيفك تمشي تقعدي كل مشيه هكي انتي وطلعت
ابتسام...اووووف خاطري نمشي
هناء...مجدي قالك لا
ابتسام..اها
هناء..السبب
ابتسام...ع اساس يغار عليا من اعيال خوالي بذات من يوسف
هناء..ههههه كونهم ينغار منهم ينغار اطرررروف
ابتسام...هههههه وجككك نونا
هناء..هههههه ايوا اضحكي هيا بعدها امرايفه علي فرح بكل البنت قعدت بنت خوالي رسمي معش اتجينا
هنيه...بكلللل ياتؤامي
هناء..قولي
هنيه... شن رايك نمشو نحكو مع نسيبنا ع تلفونك بيسو
ابتسام...لالا مقفل
هناء..انشاءلله ماعطيتينا نحكو علي تلفونك اذا انجبرت انصفرلا يطلع علي السطاح
ابتسام..كذا ديرنها بلكي يقتنع من يوم ما يوسف سلم عليا في الشارع وهوا داير اكس عليهم
هناء..بالله عليك كنه ماينغار منه طرف يوسف غير مايبحت فينا
هنيه...ههههههه علي اساس يفرق بينا
ابتسام...ههههه كنت نبي نقولها خذيتيها من فمي باهي هيا ديرن جو قولنلا يامجدي بيسو زعلت امي وامي مضايقه خايفين علي بيسو يرتفع عليها السكر ديرن جوكن
هناء..ههههه شوري جو الهنود طلعت تلفونها من جيب الجاكه نرن عليه مرات نصفرله يطلع بصاص الحي يحضر لايف
ابتسام...مايهمنيش رني
هناء...تتصل ب مجدي
مجدي..الوو
هناء..خير بوعيون كحيله علي قول بيسو
مجدي..كنك هناء
هناء... خير بنسيبنا خير عاش من سمع صوتك
مجدي..بيسو يلاكي صاح
هناء...وراس تؤامي لا بعدت التلفون وغمزت ل هنيه توا نصيم هههه
مجدي...يلاك صاح
هناء...لاهذي تؤامي متعاركين علي كويش المهم
ابتسام...صبت حطت وذنها علي التلفون
مجدي..بيسو كنها مقفل
هناء..والله شن نحكيلك يامجدي امي فصلت عليها
مجدي..عمتي فاطمه
هناء..اكيد امالا من بتكون
مجدي..والله نجي كف يطيرك
ابتسام...بدون صوت مشي مشي معاه ايديرها جديات
هناء...وااك عليك مايتبصرش معاك بكل
مجدي..عطيها ليا
ابتسام...طلعت تجري مالدار بدون
صوت تشير ع الحمام
مجدي..الوووو
هناء..شن قلتي
ابتسام...ايديها علي وجها
هنيه....ههههههه مش معاك ستره بكل
مجدي..هيا اللي تحكي توا
هنيه...كرت منها التلفون خير بولد جيرانه خير بريحت الغوالي والحنينين شخبار عمتي سعده
مجدي...اكويسه يافرخه من انتي
هنيه...عيب بوجار انا تؤام هناء
مجدي..هنيه وين بيسو
هنيه..خشت للحمام
هناء...يامجدي امي مسحت بكرمتها الارض
مجدي....عليييييييش يافرخه احكي
هناء..شافت ل ابتسام يخاف عليك بسلامته
ابتسام..يدها علي فمها وجت تجري تسمع معاهن
هنيه...عشان نحنا نبو نمشو لحوش حني اكيد قلتلك
مجدي..اها قلتلها طلعي ام الموضوع من راسك
هناء..ليش
مجدي..ماتدخلنش انتنننن
هنيه..معناها ماعندكش ثقه فيها بعدها فالنهايه حوش حني ماحتي انتو تمشو لحوش حنكم
هناء..قوليله وين صيله الرحم
مجدي..نسمع فيك مش قاطعها
هناء.. ابتسام تبكي بعد هزبتها امي وانت عارف عندها السكر مرات يرتفع
مجدي..وينها توا وانتن جيتن علي الوتر الحساس
هناء..مازالت في الحمام
مجدي..هذا كله في الحمام
هنيه..ههههه لا يا تؤامي مش هكي اطلعت يا نسيبنا من بدري كانت تغسل في وجها من البكا مسكينه اعيونها ذبلو وامي خايفه يرتفع عليها السكر فجاءة ماتبيش تمشي وبالها عندها عرفت اهي جت
مجدي..فيش ترجن عطنها لي
ابتسام..طلعت تجري برا الدار
هناء..برغم ماتبيش تحكي معاك لأنك كسرت بخاطرها وزعلتها حرام فيها تلتم مع البنات غادي هداريز تقعد ماده وجها في الحوش بروحها حرام والله وجعتني خيتي مجدي..بطلي فلسفه وعطيها ليا خير مانجيكم
هناء..ههههه الا الجي بيسو بيييييسو
هنيه...تلبس في جاكتها بشويا علي ارقيبتك لايطقلك عرق ونوحلو فيك بعدين
هناء..ههههه بيسو
ابتسام...خشت م الدار كنك تعيطي
هناء..غمزتلها تحرك في حواجبها تبيك فرح فرررررررح اللي تبي تحكي معاك
ابتسام..صاح عطيها ليا
هناء...هاكي ياافريحه احكي مع بيسوو
مجدي..ههه فرخه البنت هذي
ابتسام..افريحه خير ياروحي امريفتلك بكل الووو افريحه
مجدي...ياريتني افريحه
ابتسام..اجودي
مجدي..اعيونه
ابتسام.اااا نونا
مجدي..فوتيها كنك مقفل يالروح
ابتسام..زعلانه
هناء..ينعلي نبي نصدق
ابتسام..اشوي ياروحي
مجدي..كنك
ابتسام..اتشيرلهن اطلعن
هنيه..كرامتك ممسوحه طبعا
ابتسام...هههه برا
هناء..هيا منها نشوفو شن ناقصنا
هنيه..يدك
هناء..مسكت في يد هنيه وصبت
هنيه..باتي وينه
هناء..ماشي لسوق الخضره
هنيه..اها
ابتسام..تبي تصكر الباب وراهن
هناء...رصيدي ياعيت بوعيون كِحيله
ابتسام..يدها علي فمها اششش
هنيه...صدقت وصكرت الباب وراهن
ابتسام..الووو
مجدي..صكري
ابتسام..فوتها توا اندزلها
مجدي..سلام وصكر وطول عاود
ابتسام...عادي اجودي
مجدي..ههههه لالامع الفرخه هذي مش عادي ياربي مانعرفهن من بعضهن
ابتسام..يكفي تعرفني انا
مجدي..دفي روحك يالروح
ابتسام..لابسه جو سمح برا
مجدي..لاقصدي في المزرعه عند حنك
ابتسام..تكذب عليا نمشي يعني
مجدي..شنننن نكذب
ابتسام...تكذب نمشي يعني قبل قلبت وجهك السمح نمشي اجودي
مجدي..مش ليا كلمه كذاب يالشدوق قلبته لأني انغار انا افهمي انتي ليا انا كل اشوي ح نكون معاك علي التلفون ياويلك يالروح نلقا الفرخ اللي يومتها سلمتي عليه تحكي معاه
ابتسام...حاضر اجودي اهم شي نمشي للمزرعه زعلت وزعلت امي معايا
مجدي..نغار عليك الروح انتي عارفتني عمري مامسكتك علي حيشان حناتك لكن بعد شفت ولد خالك كيف سلم عليك وعيونه فيك فقدت
ابتسام..حاضر
مجدي..يعني...
ابتسام...انحبك انا
مجدي..نموت فيك خلاص عدي وتي روحك دواك في الشنطه البسي وخوذي معاك دبشك كله طويل او واسع فكيني منا البس الضابط
ابتسام...حاضر
مجدي..انا قاعد برا في السياره توا نشوفك وانتي طالعه وحاجه علي وجك مافيش
ابتسام..خفيف اجودتي
مجدي...لااااا
ابتسام...حاضر به
مجدي..باي ياروحي
ابتسام..باي حبيبي
في الكوجينه....
هناء...امي شن دايره بنه فايحه
فاطمه..طنجره ابراك ولفه ومحشي
هنيه...البنه فااايحه
فاطمه..مازالت ماطيبته انطيبه غادي
هنيه...تبوس في ايدين امها اووجها يسلمن اليدين اللي ايديرن في الحاجات الفايحات السماح هذين
هناء..غير انتي اللي تبوسي
هنيه...بطلي غيره
هناء..عادي اهم شي جيت قبلك
هنيه...امييييي
فاطمه...هههههه حظكن جيتن تؤام ونسخه بعضكن
هناء..صاح امي كيف فرقتي بينا
فاطمه..هنيه فيها شامه في رقبتها انتي مافيكش
هنيه...ههههه
ابتسام...امي سروالي الرصاصي وينه
فاطمه..ماشيه غيرتي رائيك
ابتسام..تلبس في الساعه اها امرايفه علي حني وفرح بكلل وهواء المزرعه وبنات خوالي
هناء..حطيته في الشنطه امبدري وانتي تحكي ب تلفوني وتيتلك ادبشك وكله طووويل عشان تكمل المشيه بخير وسلامه ههه
ابتسام..ههههه بارده
فاطمه..قولي خير
هناء..مااصلا ياامي كان ماخذت حاجه طويله ادير مناحه
فاطمه..كل وحده تاخذ حاجتها بروحها
ابتسام..كيف ماقلتي امي نمشي انتأكد بروحي
فاطمه..تلفوني اللي يرن
هناء..تقريبا بس ليش واطي
فاطمه..والله ماني عارفه عبدالسلام امبدري ماسكه
هنيه..نمشي نجيبه
هناء...خطرها عبسي وينه
فاطمه..مشا لحنك امينه قال امراايف علي امينه
هناء..امتي يلم شملنا كل حن واخذا وحده
فاطمه..حنك امينه بعد جوزت عمامك وعماتك كلهم قعدت بروحها مسكت امينه
وحنك صالحه من فرح وهيا صغيره متعلقه فيها تعودت عليها خلاص
ابتسام...امدلعاتهن لاثنين
هنيه...باتي يرن
فاطمه..اكيد يقول اقريب منكم نعاود عليه
ابتسام..يرن
فاطمه..اها الوو
عمران..وتيات
فاطمه..اها
عمران..قريب منكم
فاطمه..امشي بشويش
عمران..انشاءالله
فاطمه..هيا بنات وتن ارواحن وخوذن الحافضات هذين قدام الباب
ابتسام شن فيهن ينعلي ياامي البنه اتجنن
هناء...مبطن وكفته وبيتزا وكِيروسان م الفجر وعيات انا وتؤامي ومخلل بذنجان ومسير وامي دارت طنجره محشي وبرااك بعد وعت
ابتسام...سلم ديركن
هناء..سلمك هيا انتأكدو مالرواشن قبل لانطلعو
هنيه..امي بخرت فاصوخ شن انديرلها المبخره
ابتسام..بخرتي المربوعه
هنيه..اها
ابتسام..حطيها في الكوجينه
هنيه...كيف ماقلتي
ابتسام..بنه الفاصوخ مع بنه الطعام جو رمضان
هناء...شكله رضا عليك هههه
ابتسام..ماتحقيش فيا رايقه
هناء...ههههه نووو كرامه
ابتسام...روحي
هناء..هيا به
ابتسام..لبستي سمحه
هناء..محترمه زياده عن الزوم
ابتسام...هههه خير مانقعد في الحوش بروحي
هناء..انعلي نا ياهوووو ماالمُطيع
ابتسام..ههههه
هنيه..صدقت بكل بكل
فاطمه..هيا بنات
ابتسام..كان قعدت معاكن مش ح نخلص من السانكن جيتك امي
هناء..شافت ل هنيه هههههههه
وجا باتي وطلعن البنات الحاجات في السياره وطلعت انا اعيوني مافرقنش حوش اللي مقابلني
هناء..تركب في حافظات من لورا
هنيه..بحتي نسيبنا في السياره
هناء..شافت وراها
هنيه..خبطتها علي راسها عبيطه انتي عيني عينك حكيت عليه
هناء..شيرتله
مجدي..رفع يده
ابتسام..شفتله وركبت في السياره
فاطمه..من لاقدام انسيتن شي
ابتسام..قلبها يبي يطلع من مكانه اااا لالا
فاطمه...به قعدين لعند السبت كان نسيات شي جيبنه
ابتسام..ههه اها باهي انغيرو حتي جو لالامش ناسيين شي
فاطمه..اها لنا قريب شهر مامشينا للمزرعه
هناء..فتحت الباب امي
فاطمه..كنك
هناء..نركب معاكم من لاقدام
فاطمه..مع خواتك توا اتجي هنيه نبي نركب حتي انا
هنيه..فتحت الباب وركبت تحكي بشويش نسيبنا راقيتله
ابتسام..حسيت حتي انا
هناء..هنيه نركب مع امي من لاقدام
هنيه...لالالا تعالي معانا
هناء...بارده
عمران..يصكر في باب الحوش وركب في السياره يالله عبدالسلام وينه يافاطمه
فاطمه..عدا لعمتي قال امرايف علي امينه
عمران..يسقم في الشنه علي المرايه ماقاليش ماشي
هناء..ريت المسافه ياباتي بينا شارعين بس
عمران...يقولي ماشي نوصله في طريقي وقت شين ياباتي يالله حرك السياره وطلع
ابتسام...اعيونها علي سياره مجدي نين اختفيو من الشارع
هناء..تلفونك
ابتسام..وجها علي الروشن
هنيه..هذي خارج التغطيه اخبطيها
هناء..بيسو
ابتسام..ها كنك
هناء..جاتك رساله
ابتسام..وينها
هناء..سمعت صوت في شنطتك
ابتسام..فتحت الشنطه وفعلا لقت رساله من مجدي(شن قتلك علي الضابط)....
هناء...شن فيها
ابتسام..شوفي
هنيه...شنو
ابتسام..صاح لبستي ضابطه
هناء...هذا يبي يركبلك حاله نفسيه والله اتجنن جاكتك تحت مالركبه قصده لأنا مفتوحه
ابتسام..مش عارفه
هنيه...ماترديش عليه
ابتسام..م دخلكش فتحت ع الرسائل..دزتله....(انت عارفها مش ضابطه تبي اتنكدها عليا وبس )....تم الاستلام
~~~~~~
نعرفكن علي عائلتنا
نحنا خمس بنات واخ واحد
الكبيره امينه 91عايشه عند حني امينه ام باتي ابتسام93 فرح95عايشه عند حني صالحه ام امي والتؤام هناء و هنيه96 واخر العنقود وحيدنا عبسي (عبدالسلام)2000
امي فاطمه وباتي عمران
حتتعرفو علي كل شخصيه من ابطالنا ف باقي الحلقات الجايهه⏳
~~~~~~
هناء...حاطه السماعات مصكره اعيونها
ابتسام...نونا
هنيه...خارج التغطيه
ابتسام..ردت راسها علي الروشن
هنيه..كنك
ابتسام...كلام مجدي صاح
هنيه...علي شنو
ابتسام...خلاص فوتي نبي انتأمل في الطبيعه
كنا ماشيين جيه المزارع كانت ال مسافه بينا وبين حوش حتي 30كيلو
كنت نستمتع في كل خطوه نخطوها لأنا المكان الوحيد اللي انتريح فيه نفسيااا ومعنويااا وجسديااا يكفي الطبيعه اللي ترد الروح
بعد المسافه كلها باتي بدا يهدي بالسياره خلاص نشوفو في حوش حني
فاطمه...ابراهيم زارع هندي
هنيه..حشا النعمه
عمران..كنه سمح انتي ياهنيه مايعجبك العجب
فاطمه...ههههه عكس هناء
عمران..يخساره ماتؤام
هنيه...حظ باباتي
فاطمه...وصلنا
ابتسام..فكيت السمعات حطيتهن في الشنطه
هناء..ماحسيت بالطريق
هنيه...من تامر حسني اللي حاطته
ابتسام..ههه انزلن انزلن
بدينا ننزلو
هناء..تعالي شيلي
ابتسام..نفستي اتعبت شيلن انتن
هناء..مش لدرجه واجد
هنيه..خليها نووو كرامه معاه
ابتسام..خاطني خشت من الباب الحاجر بنة الفاصوخ تلقينا من برا دفا الحوش الراحه الورد الطبيعي في كل مكان برغم كل شي بيسط بس راحه النفسيه تنشره بكنوز الدنيا
فرح...طلعت من باب الفاصل جيتووو
ابتسام..لالامازلنا لورا افتحت ايدها مريفتلك
فرح...ههههه ماتبطليش بيسو انتي جت خذتها بالاحضان امي وباتي وين.
ابتسام..برا خشيت اول وحده
فرح..لبست سباط وطلعت تستقبل فيهم
ابتسام..وقفي
فرح..شن فيه
ابتسام..من فيه جوا
فرح..انا وحني بس
ابتسام..طبست تسلح في كويشتها وخشت حنيييييي احنينتنا جينا نحنااا ينعلي نا اللي مررررايفه
حني صالحه...ههههه طلعت من الدار بالعكوز ياربي مرحبا هذا وين نور حوشي
ابتسام..حضنتها امرايفه عليك بكل احنينتي ااااا علي بنتي السمحه
حني صالحه...مرحبا ببنيتي
هناء..معلش يعني كلنا امريفين وخري اشوي
ابتسام..حبت علي يدها وراسها
حني صالحه..الله يربحك
كل مره جاي واحد يسلم علي حني صالحه
في دار حني كلنا قاعدين نهدرزو...
عمران..كيف حالك ياافريحه
فرح..جت جنبه امرايفه عليك بس
فاطمه..غير باتك
فرح..امييي والله كلكم
حني صالحه..يانعلي خيبتيني كان عديتي
فرح..تكفيني شوفتهم مش ح نسيبك احنينه
حني صالحه...ربي يفرحني بيك
كلهم..انشاءلله
بعد ضيفتنا فرح معاها التؤام بدت امي في الغداء وباتي روح بعد العصير طول
