"မား ဟိုဘက်အိမ်က လူသစ်တွေရောက်ပြီထင်တယ်"
"အင်းဟုတ်မယ် ကားတွေနဲ့ပစ္စည်းတွေတောင်ချနေတယ်ဆိုတော့"
ကျိုးမင်နဲ့သူ့မားက ထမင်းစားခန်းမှာ မနက်စာစားနေရင်း ပြတင်းပေါက်ကနေမြင်နေရသည့် ဘေးအိမ်ကလူသစ်တွေအကြောင်းပြောကာ မနက်စားဆက်စားကြသည်။
"မားနဲ့ကောက ကျွန်တော့်တောင်မစောင့်တော့ဘူး စားနေပြီလား"
ကျိုးပိုင်တစ်ယောက် ထမင်းစားခန်းထဲက မားဖြစ်သူနဲ့ကောကိုမကျေနပ်သလိုလေးပြော၏။ ကျိုးမင်နဲ့ကျိုးပိုင်သည် အမွှာညီအကိုတွေဖြစ်ပြီး ငယ်ငယ်လေးတည်းက ဖတဆိုးလေးတွေဖြစ်ခဲ့ကြသည်။ သို့သော်အရမ်းချမ်းသာသည်ကြောင့် နှစ်ယောက်လုံးကလည်းငပွေငရှုပ်လေးတွေဖြစ်သည်။
Ting Tong~
ဘဲလ်တီးသံကြားသည်မို့ ကျိုးမင်တံခါးသွားဖွင့်ပေးလိုက်သည်။
"မင်္ဂလာပါ။ ဟိုဘက်အိမ်ကို အသစ်ပြောင်းလာတဲ့နိုရာပါ။ ဒါကျွန်တော်ကိုယ်တိုင်လုပ်ထားတဲ့မုန့်ပါ။ အခုမှပြောင်းလာတာမို့ အကူညီလိုရင်ကူညီပေးပါဦးနော်"
တံခါးဖွင့်လိုက်တာနဲ့ မိတ်ဆက်ပြီး တရစပ်ပြောသွားတဲ့ကောင်လေးသည် သွက်သွက်လက်လက်နှင့်ချစ်ဖို့ကောင်းနေသည်။ ရှည်နေတဲ့အင်္ကျီကို ဗိုက်နားမှာထုံးထားပြီး ဘောင်းဘီတိုလေးနဲ့ထိုကောင်လေးက sexy ဆန်ဆန်လေးတောင်ဖြစ်နေသည်။
ဒါမျိုးက ကျိုးမင်တို့အကြိုက်...
"ဟုတ်ကဲ့ အကူညီလိုရင်ပြောပါ။ အချိန်မရွေးပါပဲ"
"ဒါဆို သွားဦးမယ်နော်"
လှည့်ထွက်သွားတာတောင် ကြည့်လို့ကောင်းနေပြီး ဖင်လုံးလုံးလေးကလည်း ဆွဲဆောင်မှုရှိလှသည်။
ကျိုးမင် လက်ထဲကမုန့်ဗူးလေးကိုကြည့်လိုက်တော့ ချော့ကလက်ကိတ်လေးဖြစ်သည်။ တစ်ချက်ပြုံးလိုက်ကာ အထဲပြန်ဝင်လိုက်၏။
ထမင်းစားခန်းထဲပြန်ဝင်လာတော့ မားကိုမတွေ့တော့ပေ။ မနက်စာစားနေတဲ့ ကျိုးပိုင်ကိုသာတွေ့တော့သည်။
