ابن الاجاويد

البارت 28 و 29

مساء الورد

🥀🥀🥀🥀

#قصةابن_الاجاويد

أسماء:

_28_

#ابن_الاجاويد (رد الدين )

#بقلمي_اسماء_ديمير

دمعت عيوني اريد اطلع منا وانهزم ماكو مكان واكف كبالي ، كال يدري شلال انتي شنو كبل لايشغلج وياه ..

ماحجيت مدمعه منهضمه حيل ، مد ايده عليه ..

دفعته حيل ، جيت اركض جرني ودفعني على حايط ..

وين وين يااابه توه يالله جاي نتعرف شبيج ..

وخر لا اعيط والله وداعت ابوي الم ناس عليج ..

ضحك باله عيطي ياول انتي مشبوهه تلمين ناس عليمن لج كح***

فكيت عيوني على وسعهن متفاجئه .. كبل بجيت وخر عفيه ..

لااا شو دفتشج خاف بايكه شي انتو ماشالله عايله معروف عنكم بكربلاء خماطه ..

دفعته بضعف ابجي الله يخليك وداعت ابوي وعلي ما امد ايدي انا ابد ..

لا ابد الا افتشج ، هو يضحك ويستفز بيه واني لزمتها دموع واتوسل لزم جسمي يتلمسه عرفته ديتحرش ..

دفعته حيل وعطت وخرر .. والله اصرخ ..

اصرخي باله ..

عرفت ماناوي يجيبها البر ولا يخاف هذاا .. خليت اديه كبال جسمي احمي روحي منه ، لفيت العبا بتك ايد ..

رجع ليوره يراقب بيه ، جتف اديه مبتسم ..

دخل امجد التفتنه ثنينه عليه ..

اني كبل جريت الكرسي كعدت عليه ودرت وجهي امسح بدموعي ..

خفت لايحجي ويفضحني هناا ويفضح الي هربت منه ومن سمعته ..

صاح ولك امجد ليش عايف المحل ..

يااهلا ابو لارا والله رحت اجيب جاي الي ولمينا ..

هلا بيك الف عافيه ..

تعال اشرب استكان هسه اجيب بعد واجي .. اجه ينطيني جاي مالتي ..

حجيت بحه مدنجه ماريد يشوف وجهي الف عافيه ماريد ..

لا ليش اخذي ولج ابو الهيل ..

حجيت كوه ماريد ..

على راحتج اخذهن وكعدو يم الباب يشربون جاي ويسولفون ..

كل شوي ارفع راسي عليه ، الكاه عين على امجد وعين عليه ..

ضليت طول الوكت لازمه كلبي لايحجي شي ، لاينطق ويكول مره اعتقلناها لان عمها خطف الرائد لهيب و مطلوب ، يبوو شعدد وشعدد من مصايب وفضايح ..

صفحتك سوده ياجعفر وصخمتنه وياك بهل سواد ، الله لايهنيك وين ماكاعد ، دمعتي بطرف عيني خايفه منه ، لمن اجه شلال احس خلص انتهيت من خوف ، كلت راح يكوله ، ويعاتبه شلون مشغلني عنده ..