كنان (للكاتبه ساره ابراهيم)

البارت السادس

في صباح يوم جديد
فاقت ملك من النوم علي صوت خبط جامد علي الباب خرجت من الغرفه بسرعه وجدت ولدتها ومي بيخرجو من غرفهم مسرعين الي الباب فتحت رقيه الباب بسرعه لتصدم عندما وجدت اخوات جوزها أمامها
راقيه بخوف .في اي واي الي جابكم هنا
ملك بصوت عالي .يمكن جاين ياخدو الشقه دى كمان مننا
عاصم بغضب .احترمي نفسك يابت وانتي بتكلمي عمك الي اختشو ماتو صحيح
مي بزهول .امال انت عايش لي لو الي اختشو ماتو ناس بجحه صحيح
تقدم عاصم من مي ولسه هيرفع ايدو ويضربها اقتربت ملك من عاصم ومسكت ايدو بسرعه
ملك بغضب .ملكش حق تضربها لما تبقا عمنا بجد وضهرنا بعد ابونا ابقا اضربنا علي الاقل هانقول عمنا خايف علينا
جلال وهو يقترب .خلاص ياعاصم خلينا نقول الي جاين عشانو
راقيه بضيق .خير انشاء الله في مصيبه جديده ولا اي
جلال بأبتسامه سخريه .هترجعو تاني الفيلا
راقيه بتريقه .وده من امتا هي القيامه هتقوم ولا اي
جلال .لا بس هاتعيشو معنا
ملك بضيق .من غير لف ودوران عايزين اي مننا تاني
عاصم بجديه .عايزينك لمحمد ابن عمك وساعتها هاترجعو معنا الفيلا
ملك بصدمه .نعم أنا اتجوز محمد
جلال بفخر لي محمد الي واقف ورا .شوفت يا محمد بنت عمك مصدومه من فرحتها ازاى هي هتلاقي راجل ذيك فين
ملك بعصبيه .قصدك هلاقي ****** فين
تلقت صفعه من عاصم وقبل ما يكمل كانت الصفعه التانيه من محمد
قال عامر ابن عاصم .ده الي متوقع من بت ذيك متربتش
راقيه بزعيق اخرس أنا بناتي متربين احسن تربيه

*وهو حد يقدر يقول غير كدا ولا اي *
قالها كنان وهو يدخل وفي ضهرو يوسف ونورا
اول ما بص لملك علامات الغضب ظهرت علي وشو لما شاف الدم نازل من بوقها اقترب منها وقال بصوت جهوري .مين الي عمل فيكي كدا
ملك بصه بخوف منو ومابتتكلمش ليتحدث عنها عامر بعند رغم انه لم يفعل شئ .أنا الي عملت كدا اي الي يخصك انت
كنان بغضب . هي كلها تخصني والي يقرب منها اقتلو قالها وهو ماسك ايد عامر وبحركه مدروسه كسرها
ليتأوه عامر وهو يرى كف ايدو مكسور
كنان بصوت لا يقبل النقاش . امي خدي البنات تحت بص لراقيه بمعني وانتي كمان فنزلت معاهم
عاصم بغضب .انت اتجننت انت متعرفش احنا مين ولا اي أنا هدفعك التمن غالي
كنان وهو يقترب وعنيه في عين عاصم وده ارعب عاصم بس التزم بشجاعه المصتنعه
كنان بسخريه .عارف انتو مين عصابه علي بابا والاربعين حرامي والله أنا كونت جايلكم عشان الموضوع ده بس انتو طلعتو ناس بتعرف في الأصول وجيتو لحد عندي وانا مش هزعلكم
ثم غمز ليوسف ليفهم يوسف قصد كنان
يوسف بحماس .وحشتني المشاكل
كنان بلوم مصتنع .يوسف عيب دول مهما كان ضيوف ياراجل لازم نتصرف بأحترام
يوسف ببرأه .انت فهمت اي ياكنان أنا مش هعملهم حاجه دنا قصدي حد تاني
الكل واقف مزهول ومش فاهمين حاجه ام عاصم وعامر وجلال ومحمد الخوف امتلاكهم  وعارفين أن في مصيبه كنان ويوسف  بخططو ليها
وفي خلال خمس دقائق كانو الأربع مربوطين بحبال وعلامات الضرب مغطيه وشهم وجسمهم
يوسف بطيبه مصتنعه.لي تخلوني اعاملكم كدا منا قولتلكم بكل احترام اقعدو هنكتفكم
كنان بغضب .ودلوقتي جه الوقت الي ترجعو الحق لاصحابو
عاصم بغضب .مستحيل حتي لو هموت
كنان بعدم رحمه تمام يبقا البقاء لله في حياتك رفع مسدس بأتجاه عاصم ثم ضحك بشر وقال بس الاحسن ابنك يموت قدام عينك الاول
عاصم بضعف بعد ما عرف أن كنان ويوسف مابيهزروش الي يقدر يضرب الضرب ده كلو ويربط أربع رجاله اكيد عند جبروت يقتل
عاصم .خلاص هتنازل
كنان بضحك سخريه كدا تعجبني
نزل يوسف وبعد فتره قصيره رجع ومعاه اوراق ليتم التنازل
جلال بخوف .مش خلاص اتنزلنا فكنا بقا
يوسف بعتاب مزيف .عيب طب والله عيب تيجو لحد هنا وماتحضروش كتب كتاب بنت اخوكم
محمد بعصبيه . يعني اي هو عند وخلاص ملك بتاعتي ومحدش هايتجوزها غيري
يوسف وهو يلكمه ويبتعد لكنان ليكمل عليه
كنان بصوت جهوري .اخر مره تنطق اسمها فاااااهم
أومأ محمد بنعم وهو مرعوب
ثواني ودخل مؤذون الحته استقبلوا يوسف
ليقول بزهول.هو في اي ومين دول
يوسف بضيق .عم إبراهيم خليك في حالك ولا تحب تعد جنبهم
ابراهيم بتراجع .لا وعلي اي فين العروسه ومين الي هايتجوز
كنان بجديه .ثواني
طلع كنان علي السلم نده علي امو وقالها تجيب ملك
طلعو كلهم واول ما وصلو مسك ايد ملك يمنعها من الدخول وبعد ما دخلو كلهم سحبها وأخرج من جيبو سلاح أبيض لتتفزع ملك وهي بتبص لي بخوف
ملك .انت اتجننت اي ده