حسين
كاعد بالصف
درس شاغر المعلم على اساس عدنه امتحان تاريخ وما اجة غايب
كيفنه احنه الولد بس اني نقهرت لان هواي البارحة قريت
دخل علينه المعاون
كلنه گمنه قيام
الاستاذ كال
اولادنة وطلابنه منو ابو شهيد خل يرفع ايده حته نسجل اسمة
حته نوزع الهم ملابس ومنح وهدايا
اني ساكت كل ظني الي ابوهم شهداء بالحرب
صديقي كلي
انته ابوك مو شهيد
كتله اي
كال ليش مترفع ايدك
كتله ابويه قتلو الارهاب
كلي اي نفس الشي
اني بقيت ساكت
صديقي رفع ايده
والاستاذ كله تعال ابني انطينه اسمك
كال لا استاذ بس حسين ابو شهيد
صاحني المعاون ورحت يمة اني وشكم طالب ويايه من الصف مو هوايه عددنه
كل واحد سجل اسمة وشلون ابو شهيد
وصل سرايا نطيت اسمي بالكامل
حسين عبدالله
كلي ابوك شلون استشهد كتله قتلو الارهاب
سجلو اسمي وكال
عدك اخوة او خوات
جاوبته
نعم استاذ عندي اخت وحدة
كال باجر تجي امك تستلم عنك وعن اختك جايه ملابس هدايا حته تاخذ قياسكم وكوللهة مبلغ مالي تستلمة مقدار 50 الف
؟؟؟؟؟؟؟
استاذ اني امي هم ميتة
شنو يعني انته يتيم الام والاب
نعم استاذ ابويه وامي
شلون والدتك توفت
بحادث سيارة
؟؟؟؟؟؟؟؟؟؟؟؟؟؟؟؟؟
بيبي بيبي
هااا حسين بيبي تعال اني بالغرفة
بيبي باجر تجين ويايه بالمدرسه راح يوزعون هدايا لاولاد الشهداء
سألوني تجي امك كتلهم امي ميته
ليش بيبي هيج كلت
لعد جذب امي ماتت من زمان
هديل
خابرت امي اسالهة على قياس حسين بالبنطرون
العيد قرب
ماقبلت كالت عدة هواي جدد ما ملبوسات بعدهن بجيسهن
وفاطمة قياسها اني اعرفة هية ضعيفه كلش
جبتلهة فستان حلو عجبني لونه وردي تلبس جواه بنطرون
الفستان مو طويل ثلاث ارباع
وبلوز ال حسوني
حتى الفطرة مال شهر رمضان المعارف والجوارين يطوهة الي اخذهن الهم
امي تصرفهن عليهم شيحتاجون يعرفون عندي ايتام اخوية
وكل فترة تطيني امي مبلغ تجمعه الهم من عطايا الناس للايتام
وراتب الرعاية
والي يخمس يعرف عدنه بالبيت ايتام
اخذهن منهة اروح للصايغ اشتري ذهب
كل فترة اشتري حاجة
لبسناها تراجي وكلادة حلوة الفاطمة
وزنهن ثكيل وتكمة اخذهن الهة
بس ما تحويهن التراجي لازم تكطعهن رغم اجيبهن صب وثكيلات
بس هالبنت بيهة مرض تخرب تراچيهة
وكل فترة ابدل الهة ترچية
أنت تقرأ
الجنة ليست لها
Romantizmالجنه تحت اقدام الامهات وضعها الله سبحانه جزاء للتي تستحقها فهل يا ترى ستكونين ممن يستحقونها فأن كان لكي فيها نصيب فنصيبي منكِ سيطردكِ منها قريباً بقلم قمر الزمان 💋💋
