هديل
خابرت امي
بلكي اوصل وياها الحل
ليش يمة تقسين على فاطمة انتي تعرفيها كل الزين باهشة البنيه مو راكزة
جاوبتني
هديل سكتي متعرفين انتي شي تعالي عاشريها وشوفي
لا تشوفينها من تجن شلون تخنس
من ترحن تنكلب طنطل عليه
شرايدة منها انة
اكللهة مسحي البيت بيبي
تكلي اول البارحة مسحت طلابه
غسلي هدومج بيبي بالحمام لا تكوميهن
تكلي شعليج انتي بيه
سوي الاخوج عشة
ماتقبل تكلي هوة يسوي الروحة
تدرين حسين مو كلشي يحب اكل
فاكثر شي يحب البتيته
حتة البتيته ماتقبل تگلي الاخوها
يمة انه شنو اصير هذا ابوج المريض
لو اتابعهم لو اتابع البيت
لو فاطمة وحدها يرادلها كلب وحد
مرات الولد يگلي الروحة لان متقبل الاخوها تسوي
صراحة احتاريت بالامر
راسلت حسين حته اتاكد من كلامهن الثنين
وسالته صح بيبي تاذي فاطمة
كلي جذابه فاطمة
شالعه گلب بيبي
البارحة كالت الهة فرشي الفراشات حته انام وهية تصيح بوجه بيبي
شعليه اني ابتليت بيكم
حرت شلون اتعامل وياها
ماكو فائدة تحتاج واحد وياها تخاف منه ويتابعها آول بأول
اكولها كوليله الجاسم يمة لو خلي علاوي يضبها
تكلي مستحيل اخليهم يتولون عليها وفتح عليها باب وتصير وليه
حجيت ويه فاضل وكتله انته عمها خوفها خليها تخاف منك ترة شالعه كلب امي
والبنيه تحتاج الي تهابة
جانت تهاب جدها
وجدها هسة لا حول ولا قوة
وعدني يروح ويحجي وياها
كتله الحجي ميفيد لان ياما وياما حجينه
البنت تحتاج تهابك
فاضل نوعاً ما يتفاهم الا اذا خليناها بحلك جاسم ما تخلص فاطمة
وماريد نطلع عليها صيت على وكاحتها وياخذوها عليهة سمعه
وبيوم فتحت الحساب مثل كل اسبوع
انصدمت
فعلاً انصدمت
صديقتها تكلها ليش اراسلج بليل متجاوبيني
فاطمة مجاوبتها
بيبي متقبل ابقه فاتحة تلفوني متأخر تاخذة مني
ذيج تكلها
اشتريلج واحد ثاني احتياط
تكلها اميلي فلوس
وذيج اتكلها
اخذي من بيبيتج
فاطمة كايله
تطيني بيبي مصرفي يا دوب اشتري بيهن حلويات
اخذي منها بدون متدري مو تكولين عدنه راتب وهمة يستلمو
تعتبر فلوسكم معناه مدتبوكين
نذهلت من صديقة السوء
همزين ربي كشفتهن قبل لا نوكع بالاكبر منها
ماخابرت امي ولا حجيت بس اتصلت برهف وكتلها راقبيها
الى ان اجي واتصرف وياها
واني موعد روحتي بعدلة اسبوع
ورة يومين فتحت الحساب
والكة فاطمة تشرح للبنيه شلون كدرت تشتري تلفون ثاني
يعني نفذت واخذت من بيبيتها بدون متدري
لان امي ما مكتشفه النقص
لو مكتشفه جان حجت وكالت فلوس عدي نقص
والسؤال الي حيرني منو اشترا الها الجهاز
ولي زاد غرابه عليه
تراسل بعد الساعه 12
وامي تاخذ الجهاز من فاطمة الساعه 9
يعني فاطمة دتراسل من الجهاز الجديد
زين الحساب نفسة دتراسل منه
غبائها خلاها تفتح حسابها نفسة من الجهاز الجديد
يعني بالجهازين اكدر اراقبها
هم سكتت وصبرت ماردت الموضوع ياخذ ابعاد اكثر
وردت المة قبل لا ينكشف
واذا كتلها الامي
معناها راح تصيح الصيحة عليها وتنفضح لان امي مستحيل تصبر ما تحاسبهاالى ان نجي ونتصرف
والله شاهد ما ردتها توصل هالمواصيل
أنت تقرأ
الجنة ليست لها
Lãng mạnالجنه تحت اقدام الامهات وضعها الله سبحانه جزاء للتي تستحقها فهل يا ترى ستكونين ممن يستحقونها فأن كان لكي فيها نصيب فنصيبي منكِ سيطردكِ منها قريباً بقلم قمر الزمان 💋💋
