ام فاضل
ام علاوي ماترحين للمدرسة مال فاطمة باجر
عدهم اجتماع اولياء الامور وهذي صرعت راسي
وانه مابيه
( ام علي مرت جاسم )
اي عمة باجر اروح
خلصنه شغلنه وعشانه وكلت انام من وكت حتى الصبح اروح للاجتماع
هم أسال عن روقة وهم أسأل عن فاطمة
كعدت الصبح
لبست عباتي وطلعت
وصلت للمدرسه حدود الساعه تسعه الاجتماع ساعه عشرة
كلت ويه روحي
خل ادخل للصف قبل الاجتماع وشوف البنات
اول توجهت الصف فاطمة
قريت اسم الشعبه
( الثاني ب )
دخلت
شفت فاطمة كاعدة عالرحلة
وعبدالله كاعد بصفها محاوطها بايدة
وحاظنها من چتافها ويباوع الوجها وهوة مبتسم
كتله هااا عبدالله جيت
كالي
اي جيت علمود فاطمة
كتله لعد حروح اني الروقه أسأل عليها
كالي لا ابقي اني رايح الصف حسين
وكف وبين طوله الفارع
لابس نفس ملابسه الطلع بيهن
قمصلته السودة وبنطرونه الاسود والقميص اسود
طلع من الرحلة وفات من يمي وكال
ديرو بالكم عليها
وطلع
باوعت وراه من وصل للباب الصف التفت خفيف علينه وراح
فزيت
باوعت حوالين نفسي
بعدني بفراشي
بعدني ما رايحة للاجتماع
نزلت شفت عمتي كاعدة وشاعله الصوبه وصافنه على باب الكراج
صبحت عليها
صباح الخير
باوعتلي وجاوبتني
صباح الخير
كتلهة طلعو للمدارس
كالت اي طلعو ترحين الهم اليوم
كتلها
راحلهم عبدالله قبلي
تفاجأة عمتي من جوابي ودمعت عينها
كتلها شفته بالصف وكاعد يم فاطمة
كالت وهية تباوع للباب
يتراوالي يفتح الباب ويدخل
مدري ليش اليوم خياله يفتر علية
كتلها يمكن حاسس عمة وكلبه عالمة
يوصي بيها اليوم يكول ديرو بالكم عليها
لا ما خليهم اذا مو زواج زين ما خليهم
مو بكيفهم هية بتي اني
مو من تالي جوي يردون يقررون
حسين
جدي بفراشة نايم
واني لا زلت احتمي بظله
من ادرس وكتب الواجب اكعد يمة كأنه بعدة يباوع الي من اكتب ويكلي حسن خطك
من اريد انام فراشي لازال بجانبه
من عدي ضيق اكعد يمة وحجيله
هوة صح بس يدير بعينه
بس وجودة كفايه
تمنيته موجود
ماجان فاطمة تستجري تسوي هيج
جانت تخاف منه
خايف من كلمة
خايف من موقف
خايف لا بيوم ينعاد الصار علية
خايف من اختي لا ينطبق كلام عليها اسمعه يتردد
( منو امها )
اخذها عمي فاضل وراح بقت عدهم فترة
صراحة استقر البيت جانت هارجتنه بهوستها
وبيبي ما تتحمل تصرفاتها وثنينهن گابات
عمي جاسم من سمع بالصار راد يروح عليها وما خلنه عماتي
فجأة عمي قرر يزوجها
بيبي كلتله بعدهي زغيرة كلشي ماتفهم ودبر
كال الهة مو تردين تخلصين من مسؤليتها وتعقل اذا ازوجت بعد تركز وتهدة وتستقر
بيبي شاورت عماتي بالموضوع وهنة رفضن زواج فاطمة وبهذا العمر
لكن
عمي كان مصر
اني ادير بعيني هنا وهناك وباوع قراراتهم بحياتنا
داخل نفسي اكول
المفروض هية تقرر
والمفروض هية تكون مسؤلة
أنت تقرأ
الجنة ليست لها
Romantizmالجنه تحت اقدام الامهات وضعها الله سبحانه جزاء للتي تستحقها فهل يا ترى ستكونين ممن يستحقونها فأن كان لكي فيها نصيب فنصيبي منكِ سيطردكِ منها قريباً بقلم قمر الزمان 💋💋
