الجنة ليست لها

الجزء الثامن عشر

جدوووووو
هااا حسوني
اكل وياك
اي جيب خاشوكة وتعال

جدو
هاااا حبيب جدك
فاطمة تضربني
هسة اطيح حظها

جدوو راح أكتب واجب القراءة
جيب كتابك هنا يمي ولا تنزل عن الخط
ونتبه للدفتر الطرف مال الورقه لا تخلي ايدك عليها حته لا تنطوي الورقه ويصير منظرها مو حلووو

جدو شجاي تقرة
جريدة
وشسوي بالقلم
احل كلمات متقاطعه
شلون تعرف جدو
عندي معلومات قاريهن وحافظهن

جدووو اروح وياك
يالله بسرعه البس حذائك وتعال

تعااال حسين جيب ماعون انته وفاطمة
اخليلكم حلاوة
اكلك لا توكلهم حلاه قبل الغدة
لا لا هوة سبع يتغدة وياكل حلاوته
مو جديدي
اي جدو

جدو
ليش تلبس مناظر
ماشوف زين جدي
ونته ليش مشوف
كبرت بعد جدك ونضري ضعف

جدو وخر ايدك
تعال يالله اكعد
جدووو شنو بس حسين تكعدة بحضنك
تعالي انتي كعدي هنااا
ليش مو على رجلك مثل حسوني
حتة لا تتعاركون
كعدي بصفي حبابه

فاطمة فاطمة كعدي جدي روحي للحمام بولي
ماعدي جدو
ميخالف حته ما تضايقين بليل وتسويهة بفراشج البنات الصبح يضحكن عليج

جدو اطيت الحسوني وما اطيتني
حسوني صغير ما يصبر بس انتي جبيرة تصبرين
هاج هذا ربع روحي اشتري

غمض عينة ابوية ورتااااااح
خلص من المرض
خلص من الفراش النايم علي
جان يكول ربي اخذ امانتك وانه بعدني بحيلي
لا تخليني اوكع تحت رحمة عبادك

واني يا جدي منو اليه بعدك
حتة علاوي بجة علي بجي
كلنه فقدناه
خيمة البيت الجبيرة الحاويتنا كلنا
ماعرفت غيرك اب
ولا احتواني غيرك حضن
حتى ونته نايم جنت الي امان
جنت اشوفه بمكانه ارتاح
بس هوة الي جان ما مرتاح

ومصباح اليوم غمض عينه ورتاح

خيم الحزن على فقدان والينا
انتقلت وصايه حسين وفاطمة الامي
امي من بعد وفاة ابويه حست الامان النفسي الي داخلها راح
بيهة اطباع تغيرت وظهرت عليها اطباع جديدة

برحيل الاحبه
يرحل رونق الحياة

حسين
تضايقني بحرصها الزايد والمبالغ بي
تحول فراشي بصف فراش بيبي من بعد جدي
وغطانه واحد
حتى عماتي من يجن يكولولهة يمة بطانيه وحدة تبردين
تكولهم لا اني وحسين ندفه

السفينه من تبحر بنص البحر المسافرين ما يقلقون لان
اكو قبطان يقودها
ومن يصير عطل مباشر يعرف القبطان يصرف
لذلك دائماً السفينة بأمان
ما دام بيها قبطان
سفينة حياتي ابحرت من قبطان الى قبطان من بعد والدي وجدي
بيبي استلمت القيادة
والمساعدين الهة عماتي
اعترف
لولاهم ماكانت هناك لي حياة