Love Me Like You Do || Complete || ✅

ඉරිසියාකාර පාක් ජිමින්

මං එක හුස්මට ලෑස්ති වෙලා පහලට දිව්වා.. මං යද්දි හ්‍යොං පාකින් ලොට් එකේ තව හැන්ඩ්සම් බෝයි කෙනෙක් එක්ක කා එකට හේත්තු වෙලා ලොකු කතාවක..

"දැං ඔය පස්ස කැඩිච්ච කඩියා වගේ දුවන් ආවෙ කාල එහෙමද?"

මාව දැක්ක ගමන් එයා ආයිමත් ඇස් නපුරු පාට කරන් කෑගැහුවම මං හුස්ම ඇද ඇදම නෑ කියන්න ඔලුව වැනුවා.. දුවලම මට හති..

"විනාඩි පහක් දෙන්නම් ඉක්මනට ගිහින් කාලා එනවා.. ඔක්කොම කන්න ඕනෙ මං ආවම බලනවා.."

මං හා කියන්න ඔලුව වනලා අනිත් අතට ආයිමත් රූම් එකට දිව්වා...

රාම්‍යොන් ටික එක කටට ගිලලා දාපු මං සැන්විච් ටික අතට අරන් කකාම ආයෙත් පහළට දිව්වා...

මං පරක්කුයි ද? මං පරක්කුයි ද? මගෙ ඔලුවෙ තිබුනෙම ඒක.. මං එනකොටත් එයා හෝන් එක උඩ නැඟගෙන මුළු පලාතම හෙල්ලෙන්න ඒක ඔබාගෙන හිටියෙ.

"තමුසෙ දේව මෙහෙයකට යන්නද ඕක ඇදගත්තෙ? අ..ශ්.. ඔය කට වටේ පිහගන්නවා.. තමුන් තප්පර විස්සක් පරක්කුයි... යන්න ඕනෙනම් ඉක්මනට නඟිනවා.."

මගෙ උඩ ඉදන් යටටම සැර බැල්මක් දාපු හ්‍යොං කා එක අස්සෙන් ඔලුව දාන් කෑගැහුවා.. එයා දාලා යයි කියලා බයටම මං ඉක්මනට කා එකට නැඟලා හරිබැරි ගැහිලා ඉදගෙන ලොකු හුස්මක් ගත්තා.. අ..ශ්.. මෙයානං මහ පුදුම හදිස්සිකාරයෙක්...

"ඔය සීට් බෙල්ට් දාගන්නවා. නැත්තන් පස්සෙ පසුතැවෙන්න වෙයි.."

කෝකටත් සූදානම් ශරීරෙ හොඳ නිසා මං ඉක්මනටම සීට් බෙල්ට් එකත් දාගත්තා...

"ටේ.. ත්‍රී මිනිට්ස්.."

හ්‍යොං එයාගෙ යාළුවගෙ කා එක දිහා බලලා කෑගහද්දි එයත් හෝන් එක ගහන ගමන් කා එක පාරට දැම්මෙ හ්‍යොං එක්කමයි...

එතනින් එහාට හුස්මක්වත් ගන්න වෙලාවක් ඉතුරු උනේ නෑ.. ඇස් පිල්ලමක් ගහලා ඇස් අරින පමාවටම අපි හිටියෙ ක්ලබ් එකක් ඉස්සරහා... ඒ ආපු වේගෙට කා එක හැප්පුනානං එහෙම කෙස්ගහක්වත් හොයාගන්න බැරිවෙන තරමට චප්ප වෙනවා..

"ඔතන ඉදගෙන බිත්තර තම්බනවද? බහිනවා ඉක්මනට.."

නොනවත්වා වේගෙන් ගැහෙන පපුවට අත තියාගෙන වෙච්ච දේ ගැන කල්පනා කර කර හිටිය මං හ්‍යොංගෙ කෑගැහිල්ලට සියවෙනි වතාවටත් ගැස්සුනා..