الجنة ليست لها

الجزء التاسع عشر

منى
كاعدة بالمطبخ وعيني على باب الكراج
حسين واكف ويراوح بمكانه
لا يروح يم صديق ولا يختلط
وهادئ كلش صوت ما يطلع منه ونادر ما يحجي ويشارك
بس من يلتقي ويه اولادنه ينطلق
سألت البنات
هاي هوة هيج ساكت طول الوكت ماعدة اصدقاء

روقة
لا ليش عدة بالمدرسه والجوارين بس هوة هيج هادئ
ودوم يحب وحدة يكعد

صفنت على وكفته
نفس وكفة ابو
بس حسين ناعم مو خشن عكس ابو طويل جان الله يرحمة
هم ماخذ من شكلة وماخذ من امة شي بسيط

دخل من برة شافني كاعدة
كلي عمة
مشتهي تراب الملك
كتله سهلة بس مواد نحتاج
كلي كتبيلي شتحتاجين وجيبلج
سويتله قائمة وطلع فرحان راح يجيب المواد
جابهن واجة
طحنت البسكت وحضرت الكريمة
وهوة يروح ويجي عليه يباوع ويبتسم
حضرت الماعين وسفطتهن
نطيته اكبر ماعون بيهن وكتله خليهن بالفريز ساعه ازمان وطلعهة الف عافيه اكل

حسين مزاجي حتى بالاكل مايرغب طبخ مرت عمة ومرات بيبيته هم ميرغبه
اكثر شي يحب طبخنه عماته
وشنسوي اكل يكول طيب عكس مرت عمة ميحب طبخها ابد

ويحترم خالته صراحة حوراء دائماً تذكرهم وتجي وشنو تقدر علي تجيبه
رغم حالتهة جداً بسيطه لكن نفسها طيبة ويه اولاد اختها

حوراء ازوجت بعمر صغير جداً
لذلك كبرت ويه اطفالها
وشكد متكبر تبين بعدهي زغيرة لان ازوجت عن صغر

ورا ساعه طلع ماعونه حسين وكعد ياكل ويتلذذ
الف عافية
احياناً من اجيهم يكلي عمة وين ابداعاتج
لان اسويلهم اكلات يحب هيج شي
يحب غير التمن والمركة اكلات سريعه

كعد صافن
جيت كعدت بصفه
شبيك حسين ليش احسك مهموم

باوعلي ونضرة الاشتياق باينه بعينه

عمة محتاجة عندي هواي حجي اريد اكوله الة
هواي امور بحياتي تحتاج منه وكفه
ورأي ونصيحة

ليش تحس نفسك وحيد عمة كلنه ترة وياك منعوفك واذا الضروف خلتنه في يوم عاجزين
فلتصور راح تبقه وحيد
وبعدين تعرف شقصد

ادري عمة بس ؟؟؟؟

تريد تروح تشوفه

يا ريت

نروح اني وياك

تندلين عمة

شلون ما اندل وكدام عيني مرسوم الطريق

شوكت

خميس الجاي حظر نفسك
بس انته تجيني

اي اجي بس كوليلهة البيبي لان متقبل اطلع وحدي

تقبل لتخاف مدام ويايه
وشرط بس اني وياك نروح مناخذ احد
حته تحاجي براحتك

حسيت بي شكد محتاج ابو
الطفل كبر عبدالله ومحتاج اهل
محتاج اب او ام ويحس نفسه ضايع وحيد وكل الي حوالي مجاي يسدون النقص والفراغ الي يحس بي
امي محاوطته من كل الجهات وممخليته بعازة شي ابد
بس يبقه احساس الحرمان صعب يتعوض