ကျုပ်ကဆရာကြီး
ဘာသာပြန်စာရေးဆရာ - တင်အောင်ခိုင်
အခန်း ၂၀၄
(ထာဝရအသက်ရှင်ခြင်းကို ခင်ဗျားရှာဖွေနေတုန်းပဲလား)
တောအုပ်ထဲတွင် ကျန်ရှိခဲ့သော နတ်ဆိုးအနည်းငယ်မှာ သူတို့၏ ဘုရင်ကြီး ခေါ်ဆောင်သွားခြင်းခံရမှုအား ကြည့်ကာ အလွန် ထိန်လန့် နေကြသဖြင့် တုန်ရင် နေကြ၏။
ဘဝဆိုသည်မှာ လုံးဝခန့်မှန်း၍ မရသော အရာပင်တည်း။
လွန်ခဲ့သောအချိန်ခဏက အလွန်ပင် စွမ်းအားကြီးနေသော ဝက်မိစ္ဆာဘုရင်မှာ နောက်တစ်ခဏတွင်း အသတ်ခံရပြီး ခေါ်ဆောင်သွားခြင်းခံရမည်ဟု မည်သူက တွေးလိမ့်မည်နည်း။
၄င်းမှာ ဆရာကြီး၏ ဟင်းလျာထဲတွင် သက်ဆင်းရတော့မည်ဖြစ်ကာ အချိန်မရွေး ဟင်းတစ်ခွက် ဖြစ်သွားပေတော့မည်။
မိစ္ဆာငယ်များမှာ တုန်ရင်အေးစက်နေကြသည်။ အင်မော်တယ်ကမ္ဘာမှာ ကြောက်စရာအပြည့်နှင့်ပင်တည်း။
.........................
နောက်တစ်နေ့၏ မနက်ခင်းစောစော တစ်ခုတွင်
လျောင်မန်ကျိတစ်ယောက် ဝက်မိစ္ဆာဘုရင်၏ အလောင်းအား ကြွေလွင့် အင်မော်တယ် တောင်ခြေသို့ သယ်ဆောင်လာလျက် ချင်မင်ယွင်လည်း သူ၏ ဘေးတွင် ရှိနေသည်။
ချင်မင်ယွင် တွေးဆကာ မေးမြန်းလိုက်သည်။
ဆရာ ဆရာ မနားတော့ဘူးဆိုတာ သေချာလား
မလိုပါဘူး
လျောင်မန်ကျိမှာ ပင်ပန်းနေဟန်ရသော်လည်း သူ ပေါ့ပေါ့ပါးပါးပင် လက်ခါပြနေသည်။
ငါ အဲ့လောက်ထိ အားနည်းနေမယ်ဆိုရင် နင်တို့နဲ့အတူတူ ဝက်မိစ္ဆာဘုရင်ကိုတောင် တိုက်ခိုက်မနေတော့ဘူး....ဆရာကြီးစီကို သွားလည်ရဖို့က အရေးကြီးတယ်
သူတို့နှစ်ဦး တောင်ပေါ်သို့ လမ်းလျှောက် တက်ခဲ့ကြသည်။ သို့ရာတွင် သူတို့၏ မျက်နှာချင်းဆိုင်သို့ ကြည့်မိသွားသောအခါ သူတို့ တုန့်ဆိုင်းသွားကြသည်။
ပုံရိပ်နှစ်ခုမှာ သူတို့စီသို့ တဖြည်းဖြည်း လျှောက်လှမ်းလာနေ၏။
ချင်မင်ယွင် မျက်လုံးလေးများ ကျဉ်းမြောင်းသွားကာ ခပ်တိုးတိုး ပြောဆိုလာသည်။
ဆရာ အဲ့ဒီ့တစ်ယောက်က အနောက်အရပ်သို့ ခရီးသွားခြင်း ပုံပြင်ကို လိုက်ဟောပြောနေတဲ့ ကျောင်းတော်သား မဟုတ်လား... သူ့ကိုယ်သူ ဆရာကြီးရဲ့ တပည့်လို့ ပြောတဲ့တစ်ယောက်လေ
أنت تقرأ
ကျုပ်ကဆရာကြီး(1-ongoing)
مغامرة(Im Actually a Cultivation Bigshot) Action, Advanture, Fantasy, Comedy မူရင်းစာရေးဆရာ - Kinoshita Nakui ဘာသာပြန်စာရေးဆရာ - တင်အောင်ခိုင် Fb page name=Webnovel myanmar translation လီနင်းဖန် သည် သေမျိုးကမ္ဘာ မှ ကျင့်ကြံခြင်း ကမ္ဘာဆီသို့ ကူးပြောင်းရော...
