عهد موفيس

ملحوظه قبل البدايه القصه مفيهاش اي حاجه حقيقيه سواء معلومات أو اشكال يمكن الاسامي تكون بعضها حقيقي مش كله و شكرا...
يقال إن الفرق بينا و بين العوالم الأخري و العوالم الموازيه ما هو إلا شعره إن اخترقت تغيرت الموازين و تدهورت الأوضاع......
"قبل البدايه"
انا سليم و دي غالبا المعلومه الوحيده اللي تهمكوا عني
اللي هي اسمي عشان حتي لو يهمكوا مفيش اكتر منه عايش لوحدي في حي متواضع كل حاجه املكها هي عمي (اللي تبقي من عيلتي) و صاحب واحد ليا اسمه حمزه عشان زي ما تقول كده انا مش عايز اختلط بحد حياتي روتينيه كل يوم اصحي انزل أقف في المحل اخلص و اقعد علي القهوه شويه مع حمزه نرغي و نشرب كوبايه الشاي المعتادة من ايد عم ثامر القهوجي اللي حرفيا يستاهل جايزه نوبل عليها و اطلع اكل لقمه و استعد لليوم اللي بعده في الاول كان مبيكسرش الروتين غير يوم الجمعه لما بروح لعمي في نفس الحي عشان أزوره بالنسبه لباقي اهلي اللي هما ابويا و امي و اختي فا اتوفوا من سنين في حادثه عربيه و المفروض اليوم ده كنت اكون معاهم بس يشاء السميع العليم اني افضل اني اروح اقعد مع عمي اليوم ده علي ما يرجعه و بالنسبه لعيله امي فا حرفيا معرفش فيها حد بسبب المشاكل و هما غالبا نسيوا اسمي من زمان
و في يوم نازل كعادتي أقف في المحل و لقيت شخص غريب حسيته ظهر من العدم لابس بدله شيك جدا و جي عليا و بيقولي انت سليم صح و بيسأل بطريقه شخص عارف اصلا يعني إجابتي مش هتفيد في حاجه قولتله صح و لقيت حاجه وقعت ببص ورايا برجع تاني ملقتوش مع العلم ان كل ده حصل في لحظه حرفيا و عدا اليوم و جت الساعه 10 فا قفلت و رنيت علي حمزه جالي و طلعنا علي القهوه و قعدنا نحكي و لقيته بيسألني علي عمي و بيقولي هو كويس بس طريقته في السؤال مريبه قولتله في اي يا حمزه قالي مفيش بس... بس اي يا بني عمي حصله حاجه لو عندك حاجه و مش عارف تجيبها ازاي أو مش عارف تقولها قولها علطول قالي فيه راجل غريب طلع لعمك انهارده قولتله شكله شيك كده قالي كان لابس بدله حوااار قولتله و نزل قالي لحد ما كنت جايلك لا قولتله تمام هروح لعمي اطمن عليه و قومت رايح عليه علطول قبل ما اخش سمعت زي خناقه كده هو بيزعق فا فضولي خلاني اكون عايز اعرف هما بيقولوا اي وقفت اسمع و لاقيت الراجل اللي بيتكلم مع عمي سكت و كمل كلام بس في ثانيه حرفيا كأنه حس بيا او حاجه تانيه مش فاهم و لاقيته بيقول لعمي... ده الحفيد السابع يا حامد هو اللي عليه الدور و انا و انت عارفين ده من ساعه ما اتولد و طبعا أنا في اللحظه دي فهمت الكلام عليا يا جدع و كمل و قال لازم الطقوس تتم يا اما هتتعرض لمحاكمه انا و انت عارفين انك ولا انت ولا نسلك كله ادها و اظن انت عارف انك حتي لو عملت دور الشجاع و قولت تضحي عشانه عارف و متأكد أننا هنعمل اللي احنا عايزينه و عقابك هيكون لمجرد انك خالفت رغبتنا و العهد اللي بينا و لقيت عمي ساكت مفيش رد منه قاله هعتبرك وافقت علي حاجه انت مش مخير فيها اصلا و لقيت الصوت هدي
فا انا فهمت ان الكلام عليا بس حرفيا دماغي و تفكيري اتشلوا مش عارف اعمل اي اخشله و أواجهه و احاول افهم ولا اروح و نشوف اخرتها اي بس مش دلوقتي فا بصراحه قولت اروح عشان الموضوع اكبر من ان عقلي يستوعبه ياتري اي قصه العهد ده و يعني اي الحفيد السابع و هو اللي عليه الاختيار طب اييييي وصلت البيت و مكانش ليا نفس اكل و لقيت حمزه رن عليا كتير بس مش فاهم ازاي مسمعتش التلفون و حرفيا زي ما بيحصل في الأفلام دخلت من باب الشقه و بفتح النور لقيت الراجل الغريب ده قاعد في الصاله طبعا المفروض في موقف زي ده ان قلبي يقع و اتخض و كده بس حصل العكس خالص انا حاسس بألفه ناحيه الشخص ده كأني اعرفه أو شوفته قبل كده انا نفسي مستغرب من احساسي و من شجاعتي في موقف غريب زي ده هوصفلك شكله بالظبط عشان تعيش معايا الموقف هو بشرته فاتحه و شعره اسود مش طويل ولا قصير لابس بدله سوده كلها و واقف و باصصلي و لاقيته بيقولي ازيك يا سليم فا انا مش عارف اتكلم انا باصصله بس قالي انا مش هلومك علي انك متعرفنيش أو انك مثلا كنت بتصنت علينا و انا بتكلم مع عمك لان كل ده طبيعي و جه الوقت اللي لازم تعرف فيه حقيقه مصيرك و لاقيته قرب عليا و حصل حاجه غريبه جدا لاقيته حرك كتفه و فتح جناحات سودا جداا و انا في اللحظه دي اي دااااااااه مش عارف انبهر ولا اخاف ولا اي بس حرفيا المنظر غريب جدا و قام مسكني من كتفي و قالي غمض عينك و في نفس اللحظه اللي قالي نفذت بدون نقاش و انا حرفيا كأن حد اللي بيعمل كل حاجه مكاني و حسيت ان احنا حرفيا اترفعنا عالي جدا و فضلنا طايرين لحد ما بعد دقيقه لقيته نزل و رجلي لمست الارض و انا مفتحتش عيني بس مش عشان مستني أمره انا مفتحتش عشان معرفش هشوف اي تاني قالي فتح عينك متترعبش كدا احنا لسه علي أول الطريق لاقيت أننا واقفين قدام كهف و لاقيته بيقولي حاليا فرصتك انك تسأل انت داخل علي اي و انا اقرر اي اللي تعرفه و اي اللي نسيبه للظروف تعرفهولك بصتله و انا مش عارف انطق بس انا عايز افهم فا قولتله انت مين؟؟ و اي العهد؟؟ و يعني اي انا الحفيد السابع و اللي عليا الاختيار؟؟ و غير انت مين انت اي؟؟ و اي المكان اللي جبتنا فيه ده؟؟و احنا مقبلين علي اي حاليا؟؟ و لي انا مش مخير؟؟
قالي انا اكتر كائن الكتب اتكلمت عنه بيصفوني بالمتمرد أو المتكبر و حاجات كتير و العهد ده موضوع حصل بيني و بين جدك الكبير كان بينص علي أنه هياخد قوه و نفوذ رهيب جدا في عالمنا و عالمكم و هيكون عنده علم كبير جدا لدرجه متتخيلهاش و ده مقابل حاجات مش لازم تعرفها لانها مش هتفيدك في حاجه و زائد المقابل ده هو اجابه السؤال اللي بعده إن جدك الكبير أتعهد علي ان هيكون السابع واحد مننا يتعلم كل تعاليمنا و كمان يقدر لو وصل لمرحله معينه يكون زينا و بقدرات تفوق قبائل كامله و ده مش كلامي لوحدي ده كلام النبوئه اللي برضو مش لازم تعرفها و هنسيبها لوقتها و بالنسبه ل انا اي فا انا اكبر كيان في العالم اللي انت مقبل عليه و المكان ده هتعرف دلوقتي و اللي مقبلين عليه هتعرفوا برضو و اكيد بالعقل كده انت مش مخير عشان ده عهد و تنفيذه واجب عليا و عليك غصب عنك و عني
فولتله طب اناديك ب اي او اسمك اي قالي انا ليا أسماء كتير بس تقدر تقولي موفيس
فيه جزء انت متعرفوش قولتله اي قالي انا هاخد مكان قرينك هكون جواك و انت تقدر تستدعيني و هديك قدرات كتير و هتعرفها مع الوقت و في اللحظه اللي هتستدعيني فيها هخرج و انا نسخه طبق الاصل منك و ده انت مش مخير فيه ولا انا برضو قولتله طب انا ذنبي اي في حاجه عملها جدي ذنبي اي في حاجه مكنش ليا قرار فيها اصلا و في الوقت ده قالي انت مثلا عايز تقعد لمين عمك اللي كان عارف نهايتك و كدب عليك طول حياتك ولا حمزه اللي انا و انت عارفين اللي هو بيشدوا و ممكن يبيعك لو كيفه فرض عليه كده ولا هترجع لروتينك اللي انت نفسك عايز تغيره طول حياتك.....هو بصراحه اقنعني بس يمكن تكون دي البدايه الجديده بجد فا بصتله و انا عيني كلها حزن و انا جوايا حماس علي يأس علي كذا احساس في بعض و هزتله دماغي بمعني تمام و قولتله اي الخطوه الجايه قالي تعالي و اتجهنا ناحيه الكهف و اول ما دخلنا كأن الباب تلاشي اوصفهالكوا ازاي كأنوا كان متواجد بس عشان ندخل و بعدها اختفي و بعدها وصلنا عند حفره شكلها عميق جدا و هي سواد حرفيا لاقيته بصلي و قالي اكسر خوفك قولتله اعمل اي قالي نط قولتله ازاي يعني اي اللي انت بتقوله ده قالي متخافش مش هتموت و ثق فيا قولتله اثق فيك ازاي و انت اكتر واحد بتخدع في التاريخ حرفيا قالي انا هنا غير بره انت من اول دلوقتي علي مشارف انك تكون واحد مننا و انا لازم التزم بالعهد فا مش هعرف اخدعك و قالي مش هيحصل اي حاجه اكسر خوفك و نط يلا و لاقيت عينه قلبت دم حرفيا لونه احمر اوي و كأن جواها نار و قالي بصوت خشن نط يلا فا لاقيت ان مقداميش غير اني انط و نطيت بعد تردد طبعا و انا بقع اخدت حوالي خمس ثواني و لاقيت حاجه مسكتني و انا مش شايف وسط الضلمه دي و لاقيت نور ظهر في الحفره و حرفيا انا كان ناقصلي متر و ابقي علي الارض و لاقيت اللي مسكني موفيس و نزلني و قالي انت كده قتلت خوفك بس لسه الطريق طويل اوي ممكن تقعد آلاف السنين معانا و فوق في العالم بتاعك هتكون قعدت كام شهر مش اكتر و ده تفسير انك لو قعدت هتعيش ده كله قولتله انا مش عايز كل ده انا اه مش راضي بحياتي بس مش معني كده اني اقبل بحياه انا معرفش عنها حاجه قالي اولا ده مش بأختيارك و جدك اللي انت عمرك ما شوفته هو اللي عمل فيك كده و ثانيا صدقني انت اول ما هتخرج من هنا هتبقي واحد تاني شخص انت لو شوفته هتتمني تكون زيه و هتعوض نفسك عن كل حاجه شوفتها في حياتك و هتعيش حياه احسن من اللي انت عايزها دلوقتي الف مره و اكتر كمان باصتله بصه يأس بسبب كلامه علي اني مجبر و مشيت معاه في الممر اللي ظهر بعد ما وصلنا لقاع الحفره و فضلنا ماشيين بس فيه حاجه غريبه كل حاجه بتنور حوالينا اول ما نعدي عليها يعني احنا قدامنا سواد و بيوضح اول ما نوصله و في الاخر ظهر باب لاقيت موفيس قعد يقول كلام غريب في سره مش سامع منه اي حاجه و الباب اتفتح و لاقيت حاجه زي ممرات كتير جدا و قالي اهلا بيك في عالمنا و انا مش فاهم قالي كل ممر من دول بيوديك علي مجموعه منا بيدرسوا علم معين بس اللي اقدر اقولهولك انك من وسط كل دول انت ليك ممرات معينه اللي مسموحلك تدخل فيها لان صدقني الممرات القليله اللي انت هتدخلها احسن كتير من الممرات الكتيره التانيه و ده اكيد من الجانب العلمي و دي الحاجه الوحيده اللي تهمك و مدتك معانا هنا انت اللي بتحددها علي حسب سرعه تعليمك
  قولتله تمام اي اللي المفروض يحصل دلوقتي
المفروض تبدء في انك تتعلم
اتعلم اي؟
انك تكون اقوي بشري في جنسك و هتفهم معني ده بعدين و اول حاجه لازم تعرفها اسم سليم ده تنساه انت من اللحظه اللي هتبدء فيها تعليمك هيكون اسمك "ناقل" 
لي يعني لازم يتغير اسمي؟
مردش عليا و قالي تعالي معايا و دخلنا ممر و قالي ده هيبقي اول يوم ليك يا ناقل معانا
(قولتله و انا فيا كميه تناكه غير مبررة) ده علي اساس اني عايز حاجه من دي لاقيت نفس اللي حصل قبل ما انط بيحصل تاني بس المره دي فيه حاجه زياده اتنرفز جدا و بدء وشه كأنه بيشيط و كان قدامي حرفيا منظر ميستحملوش اي حد و لقيت ظهر وش دموي حرفيا عينه جمره نار و نفسه و هو مقرب عليا كان سخن جدا و  بصوته االلي يعتبر اخشن صوت ممكن تسمعه في حياتك قالي
لولا إن جدك وقع معانا العهد كان زمانك قاعد في شغلك و كان زمانك هتروح علي البيت و اليوم كل يوم يتكرر كأنك عايش في حلقه مقفوله كان زمانك شخص انت نفسك كنت بتعاني عشان تغيره و يوم ما تجيلك الفرصه انك تغيره بتقابلها بكبرياء و تعالي مع ان دي فرصه اكبر السحره في التاريخ موصلوش لربعها حتي و هي فرصه انك تعرف كل قدراتك و أسرارك الخفيه اللي محدش في جنسك كله يعرف فيها حاجه و حتي لو عرف يستحيل يعرف يحرر قوته دي من غيرنا !
قولتله موافق اتعلم كل حاجه
مش بإيدك ترفض أو توافق انا بس بوعيك و بفهمك اللي انت مقبل عليه و اديك شوفت جزء ميجيش واحد علي مليون من قلبتي و قام شايلني ولا كأني عروسه لعبه في أيده و قام راميني في الممر
"البدايه"
قومت وقفت و انا حرفيا مش عارف أفسر اي اللي جوايا ده هل هو رعب او خوف عادي او مجرد تشويق للي انا مقبل عليه
فضلت ماشي في الممر حوالي دقيقه بس كان علي الحيطان حاجات غريبه و حروف كنت كل ما ابص عليها تثبت في دماغي شكلها غصب عني كأن في حاجه بتجبرني علي ده و لقيت باب ظهر بس كان باب عادي غير اللي ظهر قبل كده و انا مع موفيس فتحته و دخلت لقيت راجل عجوز قاعد علي مكتب بيكتب في حاجه و لقيته بصلي و قالي
اتأخرت كتير يا ناقل مستنيينك من كتير بس كان المعاد لسه مجاش قولتله انا هتعلم اي؟؟
قالي انت هتتعلم قدراتك الخفيه و قدرات الإنسان اللي هو نفسه ميعرفش عنها حاجه يعني مثلا عمليه الاسقاط النجمي اللي هي انفصال الجسد الاشعاعي عن الجسد المادي و بلغتكم خروج الروح من الجسم تخيل كائن قادر يتحكم في روحه و ممكن يخرج بيها من جسمه ممكن يعمل اي تاني قولتله معتقدش أننا لو نقدر نعمل حاجه مكناش عرفناها
و مره واحده لقيته بيتكلم بس من ورايا بلف ابص لقيته واقف بيدور علي حاجه و برجع ابص علي المكتب لقيته قاعد و طبعا كان باين علي ملامح وشي اللي كانت كافيه أنها تسأله اي ده
قالي متستغربش انت هتكون قادر تعمل اكتر من كده كمان اول ما تخرج من الباب اللي انت دخلت منه ده اول حاجه انت لازم تعرفها عني اني آدمي و كان ليا اسم في عالمي السابق بس دلوقتي الساحر و الحكيم الأقدم في التاريخ و هخليك في قدر علمي ده و اكتر و أقوي مني بس في شبابك مش في عجزك زيي كده بصتله و انا كان بدأت حاجه جوايا تحب اللي انا هتعلمه و تتحمسله باصلي و قالي كويس انك عديت اول خطوه بالسرعه دي قولتله خطوه اي؟
قالي انك تحب اللي انت بتتعلمه فا بصراحه المره دي مستغربتش هو عمل اكتر من كده و انا لسه شايفه من خمس دقايق
لقيته بصلي و قالي انا عارف انك كنت نبغه زمانك يا ناقل بس الظروف اطردتك انك متخشش الجامعه فا هسألك سؤال اي الطريقه اللي ممكن الإنسان يطير بيها قولتله لو عنده جناحات قالي غيرها اي هي الطريقه العلميه اللي ممكن تطير بيها قولتله كنا بنقدر نقاوم الجاذبية الأرضية لقيته بيقولي اشرحلي اكتر فا جت في دماغي علطول نظريه القطب الموجبين أو القطبين السالبين لو قربناهم من بعض في المغناطيس لقيتهم ظهروا علي ترابيزه قدامي في لحظتها و قالي اتفضل قومت قايله لما بنقرب القطب الموجب من الموجب اللي زيه أو السالب من السالب اللي زيه  في المغناطيس بيتنافروا يعني بيبعدوا عن بعض فا بالتالي الإنسان لو هيطير يبقي لازم يوصل لقطب زي القطب المتحكم في الجاذبيه الارضيه و ده اللي هيوصله للطوفان أو الطيران يعني قالي صح ذكي انت برضو يا ناقل و بعدها لقيته بيقولي زي كده و كان حرفيا بيرتفع عن الأرض بالتدريج و في اللحظه دي أدركت إن اللي هتعلمه هنا هيخلي مفيش اي قانون من قوانين الطبيعه تمشي عليا غير الموت طبعا و لقيته في لمح البصر راح لآخر القاعه و ارتفع اكتر عند مكتبه عاليه و جاب كتاب و رجعلي بيه و لقيته قرأ منه بسرعه جدا جدا و لقيته قالي ساعتها انا كده قدامي خمس دقايق بس عشان اعرف اكلمك من غير ما حد يسمعنا
بص انت لازم طالما دخلت العالم ده تخرج منه بأكبر استفاده عشان غالبا كفه الخساير هتكون غالبه و اوعا تثق في حد حتي انا و بالاخص موفيس اوعا يا ناقل و بعدها لقيته رجع علي مكتبه و كل حاجه رجعت طبيعيه زي الاول
بس كان فيه حاجه غريبه انا حاسس كأني بطلع بره جسمي و لقيت الساحر ده بيبتسم و يقولي اديه وصل قولتله هو مين و انا مش فاهم حاجه لقيت نسخه انفصلت عني طبق الأصل مني بس لابسه شيك و اكيد انا ترجمت علطول ان ده موفيس قالي اهلا بيك يا ناقل في العالم بتاعي العالم اللي انتو من بدايه نسلكوا اتسببته في اني احكمه حتي لو دي مش ارادتي بس هي دي النصيحه اللي جي اديهالك إن اي حاجه انت شايفها وحشه أو غريبه في الاول فا ده عشان انت متعرفهاش إنما اول ما تعرفها و تتمكن منها هتحس بالمعني الحقيقي لجمله فريد من نوعه و انا كل ده باصصله و فاتح بقي شبرين بسبب اللي حصل تخيل معايا كده نسخه منك تنفصل عن جسمك في هيئه بخار و تبدء تتشكل و تبقي جسم مادي أو ملموس يعني فرق بينك و بينه أنه لابس بدله متحلمش بيها بس
قالي ناقل....ركز معايا و انا بكلمك عشان كل كلمه من اللي انا بقولهالك علطول صدقني هتنفعك جدا بعدين و اول ما بعدين يجي هتفهم ده كويس و زي ما خرج من جسمي دخل تاني
لقيت الساحر أو الحكيم ده اللي عرفت بعدين ان اسمه حارث بيفتح كتاب و قالي ده اول حاجه انت هتتعلمها و قام حاطط أيده علي دماغي فا انا مكنتش فاهم هو بيعمل اي بس بعد دقيقه شال أيده و قام فاتح الكتاب و كان مكتوب باللغه الغريبه اللي كانت علي حيطان الممر و قام لافف الكتاب ناحيتي و قال أقرأ فا قولتله اني مبفهمش في اللغه دي قالي بص في الكتاب بس فا بصيت لقيت الكلام اللي مكتوب كأنه بيترجم في دماغي لكلام عربي و كان مكتوب ( يا من فتحت ذلك الكتاب يجب عليك التأكد بأنك المختار انت الذي سيحكم و ستصبح قوته تفوق قوه الساحر الأقدم و قريبه من قوه ابليس ( موفيس يعني) و سيصبح لك ملك لم تحلم به و شأن في جميع العوالم ) قومت باصص ل حارث و قولتله انا مش فاهم حاجه اي موضوع الملك و القوه و اي الكلام الغريب ده و ازاي انا قادر افهم اللغه دي قالي انا بقدر انقلك بعض المهارات البسيطه زي اللغات بدون تعب زي ما انت شوفت لكن المهارات اللي انت هتتعلمها لازم تتعب عشان توصلها و اول حاجه انت هتتعلمها هي تعدد الاجسام و قام فاتح الكتاب و كان فيه صوره لشخص بيخرج منه كيان نسخه طبق الاصل منه و الكلام اللي كان مكتوب أنه هيبقي قادر يتحكم فيها كأنها نفسه الاولي بالظبط و ممكن ينسخ نفسه لنسخ كتير و يتحكم فيهم في نفس الوقت و كل ده علي حسب قوه إدراكه و ذكائه و قالي دي اول حاجه هتتعلمها و قام قعد يقلب في الصفحات و في لحظه لقيت الدنيا بتتشكل حوالينا لاوضه صغيره و فيها كميه عطاره رهيبه و قالي اقعد في الارض و مسك دماغي و قعد يقول كلام في سره انا مش سامع منه حاجه بعدها قالي نام علي ضهرك و افرد جسمك كله بحيث تبقي مسترخي عملت زي ما قول و لقيته قام مطلع ازازه من العدم حرفيا كل حاجه بيحتاجها لو مش موجوده بتتشكل جمبه و تبقي حاجه ماديه و قام ماسك الازازه دي و لقيته سائل احمر اي ده !
ده دم منطقتش طبعا و لقيته بيرسم حواليا دايره بيه و قام قايل (من حاكم الجحيم موفيس الي جميع الاجداد الاوائل نأمركم بالحضور و تنقيه روح الآدمي الضعيف ليرتقي من نسله الي مسوي اعلي من كل من في الجن و الانس لقيت حل حاجه في الاوضه بتتهز الا هو ثابت مكانه و نسيت اقولكم و هو بيرسم الدايره همسلي و قال مهما حصل اوعا تفقد تركيزك و غمض عينك و حاول تتفاعل مع كل كلمه بتتقال و ترتقي بروحك فا بالتالي وسط الهز و الدوشه العاليه جدا اللي في المكان سواء شبابيك و ابواب الاوضه عماله تتفتح و تتقفل و صوت صفير عمال يرتفع في وداني و كل ده سكت مع جمله "لقد حضرنا" بعدها فتحت عيني  و لقيت كذا كيان ظهروا من ورا حارث طبعا قومت و اتعدلت و ملحوظه انا مكنتش لابس حاجه من فوق و هتفهمه حالا ليه بقول كده كانوا تلاته الاول اتقدم و لقيته بينحني قدامي و بيقولي انا الحباب خادمك المخلص و خادم العرش و قام قالي اسمح لي ان ارتقي بجسدك مولاي فا انا هزيت دماغي بموافق و انا نفسي مش عارف انا جايب كميه البرود ده منين و قام لف لفتين حواليا و قام واقف ورايا و قام حاطط أيده علي ضهري و قال انا الحباب كبير خدمه ناقل و المخلص لموفيس و للعرش و للنبوئه اامر بأن يرتقي ذلك الجسد الآدمي لما هو افضل و ما هو ارقي من مجرد انسان فليصبح الكائن الاقوي في المملكة و في عالم الانس و الجن! و لقيت ضهري بيحصل فيه حاجه غريبه كأني قادر اتحكم تحكم كلي في عضلاته و جه الحباب عند وشي تاني بس المره دي مكانش ظاهر بصوره انسان كان اللي قدامي حرفيا مسخ عباره عن وش الجلد مسلوخ من عليه و عضم الجمجمة باين و قام حاطط أيده علي وشي و قال نفس الكلام تاني فا لاقيت اني برضو قادر اتحكم تحكم كلي في عضلات وشي و جسمي كله حرفيا مهما كانت عضله صغيره قادر اتحكم فيها و لقيت نفسي و انا مسلوب الاراده برجع خطوتين ورا و بحرك كتفي بضهري مع بعض و حصل اللي متوقعتش أنه يحصل ابدا !
لقيت جناحات اسود من الليل خارجه من ضهري و طبعا الاوضه كانت صغيره بالمقارنة بطولهم لدرجه اني كنت ضاممهم عليا بعدها لقيت نفسي عايز ابص في المرايه و برضو بحركه لا اراديه مني حركت ايدي و ظهرت المرايا من العدم و بدأت في اني اتحكم في عضلات وشي و قدرت فعلا اني احوله لوش المسخ اللي كان قدامي (الحباب) و ارجعه لطبيعته تاني و بعدها لقيت الحباب بيرجع خطوتين لورا و بيقول في خدمتك دائما و ابدا مولاي و اختفي كل حاجه و قدرت اني ارجع اجنحتي ضهري تاني انا عقلي حرفيا هيتشل ازاي المكان ده قادر يخترق كل القوانين الطبيعيه اللي احنا عارفينها ازاي و لقيت حارث باصصلي و باين عليه الفرحه و قالي كده اول مرحله انتهت مرحله الحباب و هي الارتقاء بجسمك إنما المرحله الجايه اصعب و هي الارتقاء بعقلك و روحك الطريق لسه طويل يا ناقل بس صدقني نهايته هتكون احسن من اي حاجه اتمنتها في حياتك...
قومت وقفت و انا مزهول حرفيا من كميه القوه اللي انا فيها و باصص ل حارث و بقوله يعني انا قدراتي عامله ازاي دلوقتي قالي اعلي مما تتخيل لكن لسه الطريق طويل و استحاله تكون ناقل اللي احنا عارفينه و بندرس فيه بقالنا سنين بين يوم و ليله قولتله بتدرسه فيا ازاي قالي هو انت لسه متعرفش حاجه عن النبوءه قولتله لا قالي انا بقالي اكتر من الف سنه بدرس في نبوءه مكتوبه علي جلد كائن انا لحد دلوقتي معرفش اي هو كان جابها في يوم موفيس و قالي حاول تفهم اللي فيها عشان هتنفعك في انك تكون فاهم بعدين كانت نصها علي ان هييجي يوم و نضطر أننا نلجئ ل ساحر بس مش اي ساحر ده اقوي ساحر عرفه التاريخ و اللي اكيد جدك و بعدها هنعلمه كل حاجه و نديله السلطه المحدوده بالنسبالنا لكن الكافيه أنها تدمر عالمكم كله لو حب و بعد ما يخلص تعليم ده كله هيبطل أنه يطيع الأوامر و هيطالبه ابليس أو موفيس يعني أنه يتنازل عن كل الهبات اللي أخدها و اتعلمها مننا بس في مقابل هو اللي هيحدده أو زي ما بتقوله عندكوا مكافأه نهايه خدمه و المفروض انها واجبه التنفيذ مهما كانت و طلب جدك انهم يعملوا العهد اللي انت عارفه و المفروض ان باقي النبوءه بيتوقف عليك و حتي لو احنا افترضنا نظريات لمستقبلك فا مفيش غيرك هيحدده قولتله تمام اي اللي جي قالي انهارده هترتاح يا ناقل لحد ما نقرر هتكمل جلساتك امتي قولتله تمام و رجعت المكان للوضع الطبيعي و بالمناسبه الاكل هنا طبيعي جدا لا و كمان اي حاجه انا عايزها بتيجي يعني مباكلش جلد تعابين و رجول معيز زي ما انت متخيل فا قعدت اكل بعدها قومت استكشف شويه في المكتبه بتاعه حارث بدل الزهق ده...غالبا الفايده الوحيده من اجنحتي حاليا اني بجيب الكتب في الأماكن العاليه مش اكتر بعدها جبت كتاب كان محطوط في مكان وسط الكتب مخليه مميز كده كأنه محطوط اصلا عشان أقرأه رجعت مكاني و جبت مكتب و قعدت اقرأ جلده الكتاب كانت معموله من جلد حيوان ولا لا
ده جلد بني آدم!
مخدتش في بالي و فتحته علي اول صفحه ضهرها اللي هو المفروض مقدمه الكتاب كان ابيض أما وشها كان مكتوب عليه ساعه الصفر اول ما قرأت الاسم ده حسيت اني دايخ و هقع علي الارض و كأن الواقع أو المكان اللي حواليا بيتلاشى فضلت مصدوم و واقع مكاني مش قادر اتحرك لحد ما فقدت الوعي..
صحيت بعدها ب ثواني و كنت لابس لبس غريب جدا
اي ده انا فين و اي الناس دي كلها
اي ده!
دي ساحه حرب و اللي انا واقف وسطه ده جيش بس كلهم ماسك اسلحه الا انا مش معايا حاجه لحد ما لاقيت واحد واقف في مقدمه الجيش و كذا واحد رافعينه عن الارض و بيتكلم ب لغه غريبه بس انا قادر افهمها كان معني الكلام بيقول..
انهارده هو يوم الحسم و الساعه دي هي ساعه الصفر!
تاريخ أمتنا و الامم اللي جيا بيبدأ دلوقتي!
هنقتلهم لحد اخر حن أو بن فيهم!
اي ده ثانيه! دي الحرب اللي بين الجن و الحن و البن اول من سكنوا الأرض!
الحن و البن و ناس بتقول أن معاهم مخلوقات اسمها الخن هنا اول من عاشوا و سكنوا الأرض هما السكان الأصليين ليها بس بدأوا يخربوا فيها و يسفكوا الدماء و يعملوا جرايم العقل البشري صعب يتخيلها فا في اللحظه دي كان أول ظهور للجن بعد ما ربنا خلقهم و خلاهم يحاربوا الكائنات دي و يكونوا تاني مخلوقات سكنت الأرض!
كمل الراجل كلام و انا مزهول من الموقف اللي انا فيه و قال..
دلوقتي هنستولي علي الارض و هنحكمها و هنتخلص منهم كلهم!
و قام لافف و مدي اشاره الحرب اللي هي كانت أنه ماسك رمح و رماه رميه قويه و بعيده جدا وقع في قلب جندي من جيش الحن و كانت دي حرفيا الشراره اللي ولعت في المعركه كلهم بدأوا يجروا في اتجاه بعض في همجيه و بدون نظام و انا واقف مكاني طبعا لو قعدت اوصفلكم في بشاعه شكل الجن مش هخلص كلام ما بالك بالحن و البن اللي هما اسوء انا كل ده واقف مزهول مش عارف اعمل اي بس كان فيه صوت في دماغي بدء يتكلم مره واحده كان بيقول
انت حاليا واقف وسط حرب و غالبا ده الاختبار الحقيقي ل قدراتك لو مدخلتش دلوقتي هتخسر كتير.
و هتجيب العار للقبيله و المخلوقات اللي انت بقيت منتمي ليهم
و قعد يكرر كلامه ده كتير لدرجه لا تحتمل و سكت بس غالبا كان بدأ يفوت الأوان جيش الحن قتل اعداد كبيرة من صفوف الجن بدأوا يخسروا حرفيا في اللحظه دي كان لازم ادخل
(في الجزء ده من القصه حاول تبقي جواها حرفيا و تركز في كل تفصيله فيها كأنك انت ناقل و في الموقف ده)