ម៉ាហ្វៀឆ្មាភ្នែកពេជ្រ🔮

*ចាប់ផ្ដើមរឿង

+ទីក្រុង Seoul

វេលាយប់ម៉ោង ៩៖០០ នាទី នៅកណ្ដាលទីក្រុងសេអ៊ូលនៅពេលនេះគឺមិនសូវជាមានមនុស្សឆ្លងកាត់ប៉ុន្មាននោះទេដោយសារតែថ្ងៃនេះគឺមានភ្លៀងធ្លាក់យ៉ាងខ្លាំង ទោះជាមានភ្លៀងយ៉ាងណាក៏ដោយ បេីយេីងក្រលែកទៅមេីលនៅលេីផ្លូវថ្មេីជេីង បានបង្ហាញឲ្យឃេីញពីមនុស្សស្រីមានវ័យជំទង់ម្នាក់គឺនាងកំពុងតែដេីរទទូរឆ័ត្រសំដៅទៅកាន់ផ្ទះរបស់នាងដោយថ្មេីជេីងព្រោះថាគ្មានឡានក្រុងសម្រាប់ជិះទៅផ្ទះនោះទេ នាងគឺជា Kang Sumi តួស្រីក្នុងរឿងយេីងនេះឯង Sumi នាងទេីបតែចេញពីធ្វេីការនៅភោជនីយដ្ឋានមួយដេីម្បីយកប្រាក់មកផ្គត់ផ្គង់ជីវភាពនឹងចេញថ្លៃមន្ទីពេទ្យឲ្យប្អូនស្រីរបស់នាងដែលគេងនៅមន្ទីពេទ្យអស់ជាច្រេីនខែមកហេីយ កំពុងតែដេីរសុខៗនោះក៏ស្រាប់តែមានឡានមួយបេីកមកយ៉ាងលឿនជះទឹកដែលនៅតាមផ្លូវដាក់នាងឡេីងទទឹកជោគហេីយក៏បេីកហួសទៅបាត់។

"ទទឹកអស់ហេីយ! បេីកយ៉ាងម៉េចហ្នឹង?" រាងស្ដើងស្រែកថាឲ្យក្ដែងៗទាំងអ្នកម្ខាងទៀតចេញទៅផុតហេីយ។

"ពួកអ្នកមានចំជាអត់មាយាទពិតមែន " រាងតូចរអ៊ូមិនឈប់ ។

មកមេីលអ្នកម្ខាងដែលបេីកឡានជះទឹកដាក់Sumi អម្បាញ់មិញម្ចាស់កាយសង្ហាកំពុងតែអង្គុយគងអន្ទាក់ខ្លានៅក្នុងឡានដែលបញ្ជារដោយជំនិតរបស់ខ្លួនយ៉ាងរំភេីយ ឡានសេរីទំនេីបម៉ាកចុងក្រោយបង្អស់កំពុងតែរំកិលខ្លួនទៅមុខយ៉ាងលឿនស្លេវដូចជាមានការអ្វីប្រញ៉ាប់ណាស់អញ្ចឹង ភ្លាមនោះសម្លេងទូរស័ព្ទក៏បន្លឺឡេីងកាត់ភាពស្ងៀមស្ងាត់ដែលនៅក្នុងឡាន។

ទឺត!ទឺត!

"យ៉ាងម៉េចហេីយ?" រាងកាយក្រាស់សង្ហា Mac Maverick ដែលត្រូវបានគេស្គាល់ថាជាម៉ាហ្វៀដៃត្រជាក់សម្លាប់មនុស្សមិនរេីសមុខមានអំណាចនៅក្នុងប្រទេសកូរ៉េពិសេសទីក្រុងសេអ៊ូល រាងក្រាស់អមដោយរូបរាងសង្ហារួមទាំងមានកែវភ្នែកពណ៍ទឹកសមុទ្រថ្លាចាំងពេលនៅតំបន់ងងឹតប្រៀបដូចជាពេជ្រភ្នែកឆ្មាមានពន្លឺរស្មីចែងចាំង តែកែវភ្នែកដ៏ភ្លឺនេះបែរជាត្រលប់មកសភាពខ្មៅក្រឹបពណ៍ធម្មតាវិញនៅពេលដែលចេញមកខាងក្រៅដែលមានពន្លឺ រាងសង្ហាលេីកយកទូរស័ព្ទដែលបានរោទ៍យកមកនិយាយ។