البارت24 من #رجال_لاتعرف_الحب بقلمي #الكاتبة_شهناز_الخزعلي #Jaymin
ضليت حاير شاسوي ادك الباب على زينب لو زحمه ...واخاف ماتفتح الباب....زين اني ليش ماتبي سوالف اهل قبل 😄حمام زاجل لالا موهيج نصير ياخذك الغباء فدمرة..لك اي اكتب رساله الجو الك ...
بس شلون زين هذيج حديقة وجايز ماتطلع زين شلون اجذبها ...اخاف تزوجت...او وضعها يختلف ....جبت ورقه كتبت شغله ولفيتها بحجرة ...عدلت ياخه قميصي مثل الأفلام ومشيت بكل هدوء ... عود مسيطر
طفرة مني ...مسيطر ايوا انا مسيطر ههههه معليكم خل نرجع للرواية
وصلت بيتهم دكيت الجرس ..مره ..مرتين ...ثلاثه ...
زينب/طلعو الاهل ...رجعت لفراشي بعد ماقفلت البيبان وراهم....غمضت عيوني ولزمت خلاص شعري المنسابه على اكتافي وضحكت تذكرت البارحه بالليل اخلاص اجت كالت اتمني.....استغربت من طلبها من كالت اتمني ....
غمضت عيوني وتمنيت امنيه شبه مستحيله وهي انه اشوف العيون الحضرة من جديد بس هالاغنيه بداخلي تمنيتها
اخلاص كالت احزري يا خد يمنى لو يسرى ههههه ضحكت ....
لزمت الخد اليسرى ....ضحكت اخلاص وكالت صح ....
يكولون من يومه رمش من رموش العين غل الخد معناه اتمني امنيه وبإذن الله تتحقق ...ضحكت ...غطيت روحي بالملحف ونمت ...ماكو ساعتين ودكت الباب ...بس شنو اني نايمه بغير عالم كمت حوه سحلت نفسي احس اذاني تصوفر ....طلعت وعفت باب المطبخ مفتوحه تمشيت بالطرمة واني اكول.... منو....منو بالباب ضليت واكفه مااحس اله راسي نركع بحجارة مدري وين طفرت همزين مافكست عيوني .....واني دالتقطها من الارض شفت بزون دخل للمطبخ تخبلت يبو عفتها ورحت كشكشت البزون وطلعته من البيت وقفلت باب المطبخ ورجعت لغرفتي الله ...نمت ...نسيت سالفه الورقه والضربه مال الحجارة ....
نصير/اي اعتقد قرتها للورقه...ابتعدت عن الباب ضليت واكف انتظرها تطلع الي فوك الربع ساعه واقف بمكاني .......بالاخير صاحبي اتصل واضطريت اروح ....
زينب/الوقت مشى اعتيادي رجعو اخلاص وتينه من الدوام وتغدينا ....ماكلت شي بس كلت حجيتلهم عن سالفه البزون ....وضليت ادرس اختي كيمياء بالمطبخ ....بالليل صفت سيارة يمنا.... اخلاص جاي تسوي عشى واني ادرس تينه والكط معدنوس .....
مديت راسي ...اخلاص فتحت الباب اني من عصبيتي عبيت معدنوس بداخل ملابس تينه ....
تينه:شبيج ههههه شكلو
زينب:السعلوة وابنها وبنتها اجوي .....
تينه:عزا العزاج زنيبه هاي اخاف سلمى
زينب:المصخمه .....
تينه:عزاا لا...لا واضح مراح اجاوب باجر بالامتحان....
سلمى/ودخلت لبيت اخلاص من جديد....حامد ماكو واذا ضل على هالحال ينحسب ميت ومحمد يستحق الورث ....هالشي رجع نغرس براسي بس ماحجيت ل محمد لان مايقبل ....
اني هم بوكت الفلوس تروح الكرامه ب١٠٠جلاق ....
دخلتلها ل اخلاص املس و وقت متاخر يتوجب علينا نبات اني وسجاوي....
اخلاص/رسوال الله محمد ...اللهم صلي على محمد وآل محمد.....
يوصينا ب اكرام الضيف ...رغم دخلتها ل سلمى تخمش القلب بس . بس ماكدر اطردها .....
ثاني يوم سلمى ضلت ويه زينب لان الباقين دوام راحو...اخلاص وصتها ل زينب كلش تاخذ حذر من سلمى .......
جاي تنتظر علاء يجي ياخذها ....زينب ابد ماخلت علاء يشوفها تريد تخلص من القيل والقال....
سلمى/سجاوي طلعت تلعب بالحديقة .....طلعت وراها...زينب جايه تحضر ريوك.....هممممم جريت نفس اويلي شلون بيت ....
دامشي.....رجلي عثرت بحجارة ..باوعت جوة حجر وملفوف ورق اني هنا طكطكت كلت خوش بس لاتهديد .....وشامرينه بس ليش احنه وين عدينا ل٢٠١٠تقريبا صحت زينب....
سلمى:اكلج تعالي هاي حجر ملفوف بورقه ....
زينب/اجيت وجهي يضرب الوان وعلامه استفهام ......خير
سلمى:اخاف تهديد ...
زينب هههه/لا لا ...اي هاي البارحه هيج وكت انشمرت بالكاع ونسيت اشيلها .. جيبيها بله ..
سلمى:ها ....اكلج ظهري واجعني جيبي هذاك الكرسي خل اكعد
زينب:حاضر
سلمى/فتحت الورقة...اي فتحتها وعن قصد خليت زينب تنشغل خلال ثواني والي صدمني من فتحت الورقه مكتوب بيها ....
(اذا انتي المقصوده اني المقصود اطلعي بره وشوفيني الي يومين بس هنا ..)
رفعت حاجبي.... هاي لزينب معقوله .. لالا ..اني هم شككت الورقه وضميتها بين هدومي ...اجت زينب
زينب:اي خاله وين الورقه.......
سلمى:ذبيتها هاي سوالف سجى ماتتصورين تموت على الأوراق مو هي تلعب حجره ورقه مقص ....
زينب:ها خير .....
دخلنا للبيت وتريكنا ضلت سلمى تلمحلي بخصوص فلوس وهيج شغلات وورث اني استغربت بس ماحجيت شيء ......ابويه مفقود بس لحد الان النا تقريب ٣ل٤سنوت مانعرف شنو وضعه مانطيتها ريك ...
سلمى:اكلج زينبه....ماكو احد منا منا
زينب:شتقصدين؟
سلمى:اي اقصد ممقرره تداومين ....
زينب:لاوين خلصت كليه باربي ياالله سهل امري والله تعيين ..
سلمى:امين عود ....
نصير/هو ليشةماكو جواب هذا اليوم الثاني...باجر لازم ارجع للرمادي ....داحجي بيني وبين نفسي ....زينب
صاحبي رفع عيونه عليه وكال"
_ها خير نصير رايد شي؟
نصير ابتسمت:لا ياخوي ....بس عندي شغله نص ساعه وارجعلك.....
_ميسر اخوي
بهالاثناء واجه علاء ب١٠الصبح.....__________يتبع
لاتنسوا التصويت اهمشي وارائكم......
تحمييييسس😃حتى بعد لاتكولولي نريد حلقة هدية هي صغيرة بس كوه كتبتها هسه😁ليله سعيدة
مع سلمى ودكايكها
أنت تقرأ
رجال لاتعرف الحب(مكتمله)
ChickLitهي فاتنه ...هو رجل بلا رحمة،اي؟عاصفة جمعت الخريف والربيع معا ؟ أجتماعية،حقيقية،واقعية بقلمي #الكاتبة_شهناز_الخزعلي Jaymin
