الدكتورة أسيرة الزعيم 🔫👩‍⚕️

الحلقة47

قلبو بدا يخبط كي راحتلها الضحكة من وجهها مي تمتم سمعها تعيط باعلى صوتها evet (نعم) مافاقش على روحو غير كي سمع التصفاق و المحارق جبدلها خاتم :

لبسهولها و ناض باسها في رأسها : هيا شدها من يدها و داها قعدها فوق الطابلة و قعد معاها شافت فيه بنظرة تاع "راك منيتك!" ضحك معاها و جا المأذون شافت فيه و في الراجل حتى شافتو قعد و بدأ يهدر
المأذون: انت الآنسة جوري *** بدون اي ضغط من أحد و بارادتك الكاملة هل تقبلين السيد ماكس***زوجا لكي؟
شافت فيه جوري و قالت : نعم ..نعممم
صفق الحضور و عاود هدر : انت السيد ماكس ***هل تقبل الآنسة جوري ***زوجةلك ؟
ماكس: نعممم
المأذون: و انا بكامل الصلاحية التي منحتني إياها البلدية اعانكم زوجا و زوجة ..
مضاو على كلش و كان الشهود سام و لامية بما انهم كان علابالهم بعينهم ماكس كشهود مدلها المأذون الدفتر العائلي تاعها و راح
ميار و لامية لي كانت الفرحة مش ساعيتهم انهم يشوفوو جوري الابنة و صديقة العمر فرحانة و تعيش أسعد يومها حكيم لي الدمعة طاحتلو شافتو جوري راحت عنقاتو و هي تهدر معاه: طول حياتك كنتلي الظهر و السند لي جامي تهز، عمري ولا حسيت اني غريبة طول حياتك معززني و معيشني احسن معيشة و عمري ولا راح نوفيلك حقك ...بفضلك راني هنا اليوم، بفضلك وليت أشهر دكتورة بفضلك و بفضل حبك ليا لي راني هنا يا احسن اب في عالم...نحبك
حكيم زير عليها و دموعو يطيحو شافتو جوري هكاك حبت تلين الوضع : بصح ماشي وقت الدموع خدمتك مازال مدرتهاش
شاف فيها بمعنى واش من خدمة
جوري و هي تشور بيدها جهة ماكس: راك تشوف هداك لي ولا زعما راجلي هدااااك شكون يوصيه عليا ؟ اااه نسيت اه نخطيكم ضيعو ضحكت معاه عنقها من كتفها و راح جهة ماكس و الجماعة تاعهم
لحقو عندهم و حمحم حكيم و الكل انتبه له : ماكس وليدي و جوري بنتي مبروك عليكم أن شاء الله ربي يدوم فرحتكم و يكسر ما بيناتكم قلة عسل ...دار عند ماكس و حط يدو على كتفو و قالو : ماكس وليدي...جوري راهي بنتي راهي العوينة لي نشوف فيها راني مديتهالك و راني واثق منك و انك راح تحميها مطلبت منك حتى حاجة غير انك  تحطها تاج فوق راسك و تخاف ربي فيها لانو حياتي قاع و انا معاها ؛ دوك ادا كتب ربي و دا امانتو راهي دين في رقبتك تتحاسب عليه راني سلمتهالك بيديا يا وليدي....و دار عند جوري   و انت يا بنتي و يا احلى بنت بالاكي على راجلك و اسمعيلو الكلام لانو انا و يماك ماراحش ندومولك راح تلقاي غير راجلك صدقوني راح تلقاو غير بعضكم.
ماكس: متخافش عمي نقسملك اني راح نحطها تاج فوق راسي و داخل عينيا مادامني حي نسمة متقيسهاش كونك هاني .
جوري: بابا طوال العمر أن شاء الله و راح نكونلو خير الزوجة نوعدك وعد شرف
عنقهم بين زوج  و راح مع لامية و خلاوهم وحدهم
جوري شافت في ماكس و ضحكت : شفت ؟
ماكس بضحكة: وي شفت .
دارو عند سام و ميار لي لقاوهم مافاهمين والو
ميار : واش شفتو ؟؟
سام: فهمونا رانا حابين نشوفو حنا تانيك
جوري: طول عمري عندي الزهر عليك اتخطبتي قبلي و تزوجت قبلك هاهاها
ماكس: و انت طول عمرك نحس راني مزوج قبلك
سام: و الله غير طفرتها انت مي معليش مابقاليش
كملو يضحكو حتى لحقت الليل جوايه 9 تاع ليل راحو الناس و قعدو غير هوما
سام: هيا هداك هو نروحو الناس قاع راحت
حكيم: نولو كيما جينا ؟
سام : عيب عليك عمي و العرسان ؟
لامية: وي يروحو وحدهم بالاك حبو يروحو لكاش بلاصة و ضحكت مع ماكس
راحو قاع و قعدت جوري مع ماكس
ماكس: ايه و دوك يا مدام هيا عندي ليك مفاجأة .
غمضلها عينيهاو جرها من يدها
جوري: تاااني اواه راني خايفة تخلاص عليا نوم
ضحك معاها و لحقو لواحد لبلاصة حتى  حست روحها تمشي
ماكس: حلي عينك
فتحت عينيها حتى تشوف روحها في وسط البحر في يخت بالضواوي بيوضة و حمورا و نبولات معلقين، شافت فيه راحت تجري و عنقاتو اما هو ضحك ضجكة رنانة و غرس راسو في شعرها
جوري: نحبك
ماكس: نموت عليك يا روحي
حطت رأسها على صدرو: وقتاش خممت لهاد الشي قاع
ماكس: من النهار الأول شفتك و زادت عزيمتي كي حبطنا لهنا
جوري: مي راني خايفة
عقد حاجبو : من واش !
جوري: من لي جاي .. نخاف لوكان يجي نهار و تبعد عليا بسبة الخدمة تاعك
ماكس: نوعدك اني راح نقعد معاك حياتي قاع و نمد عمري على جالك
جوري: ماكس
ماكس: عينين و روح ماكس
جوري: عندي طلب
ماكس: غالي و الطلب رخيس
جوري: توعدني انك تحبس الخدمة تاعك هادي كونك زعيم.
شاف فيها مليح  و كانو النظرة تاعو تبدلت نظرتو ولات نظرة حادة فيها كل معاني الغضب وجه نظرو  البحر بشرود و هدر : الحكاية مش حكاية زعيم الحكاية انتقام .
جوري: انتقام! من واش تنتاقم و لمن!!!
ماكس: مش الوقت دوك كي يلحق الوقت المناسب نهدرو
جوري: اما نت....
قاطعها بعياط و حدة : قلنا ماشي دوك يعني ماشي دوك متفهميش انت ولا واش !!! شاف فيها تجاوزها و راح دخل للداخل
اما هي فغاضتها عمرها انو في ليلة عرسها لي لازم تكون ليلة العمر بالنسبة ليهم دارلها هكذا تنهدت و قعدت حطت رأسها تشوف في البحر و هي سارحا تخمم في حياتها كيفاش راح تولي زعما ماكس يجي نهار و يتخلى عليها!! ولا الاهم راح يبقا هو هو ولا راح يتبدل! شافت في الخاتم تاعها و ضحكت بفرحة ، حتى حست بحاجة تحطت على كتفها دارت شافتو هو حط عليها فيستاتو جوري: مانيش بردانة
ماكس: بصح  راكي زعفانة مني
سكتت و هو كمل : حبيبي اليوم بالنسبة ليا احسن يوم محبيتش نفتح الدفاتر القديمة مي نوعدك اني نحكيلك
جوري بضحكة: اوكي
ماكس و هو يدنا ليها بخبث: امممم دوك راكي مرتي قدام الناس برك واش رايك تكوني مرتي قدام الناس و قدام ربي اه !
شعل وجه جوري من الحشمة ضحك عليها ماكس و قاللها: راح نشد روحي يا دكتورتي الصغيرة مالغري بسيف مي نشد روحي عليك اما على دوايا فمستحيل تي حتى نتوما و تامرو المرضى تاعكم بالدوا المناسب و انا مريض بيك و دوايا عندك لأنك دائي و دوائي يا دكتورتي.
راحت تهدر مي مقدرتش لانو و ببساطة مسمحلهاش لانو كان أمتلك شفايفها بقبلة شغوفة طلعتهم لسابع سما خلاتهم يبحرو و يقطعو كل المسافات باش يلحقو لشاطئ حبهم الخاص بهم ....
اما بالنسبة  لميار و لامية كانت الفرحة ماخدة مجراها انهم يشوفوو جوري فرحانة حتى سام مكانش اقل منهم فرحة لانو منهار دخلت جوري حياة ماكس تبدل 180 درجة على الشيء لي كان فيه ولاتلو الضحكة لي فقدها عندو شحال بمجرد رجوع جوري ولا ماكس القديم و الفضل لدكتورتو الصغيرة....
فيا ترى ماذا يخبئ لهم القدر!