عبال ما ينزل الفصل الجديد أن شاء الله، حبيت اعمل مناقشة او دردشة شويه بخصوص القصة و اعرف آرائكم و توقعاتكم من ناحيه القصه او الي عنده أي سؤال بخصوص القصه يسأل وانا هجاوب عليه مباشرة
مبدأيا كده خلينا نركز شويه على الي يعتبروا بطلين القصه الأساسيين..
إيه رأيكم في العلاقه الغريبة الي بين (عمر) و (سارة) ؟ وهل انتوا شافيين ابعادها ممكن توصل لفين نظراً ان القصه شارفت على الانتهاء؟
تحديداً شخصية (سارة) وهل هي تستحق شخصية زي (عمر) في حياتها ولا لا؟
ولو أنتوا في مكان سارة و عايشين حياتها هتقدروا تفتحوا قلبكم بسهوله ولا هيكون في تحفظات؟
وايه رأيكم في تصرف (عمر) مع طليقته؟
بالنسبه بقى لـ تصرف (ندى) بخصوص إبن أدهم الي مكانتش تعرف عنه حاجة؟ هل هو ده التصرف الصح ولا كان ممكن يتاخد بأبعاد تانيه؟
و هتعملوا ايه لو اتحطيتوا في موقف زي ده في الحقيقه؟
(ليللي) و (احمد) تعتبر الي حد ما علاقه مسالمه ابعادها شبه واضحه ولكن تحس ان في حلقه ناقصه، تفتكروا ايه هي الحلقة الي ناقصه دي؟ و تتوقعوا احادثها هتكون عامله ازاي في خلال الفصول الي جايه؟
وبردو كنت عايزه اعرف إيه توقعاتكم للي جاي في أحداث القصه أو ايه نوع التطور في الأحداث الي ممكن يحصل يشقلب حال القصة؟
بالنسبه لـ ( داليا ) و ( محمد) والي قصتهم مبنيه على مشاهد متفرّقه بعيده عن بعض، هل انتوا قادرين تشوفوا و تميّزوا شخصياتهم خصوصاً شخصيه ( محمد) رقم قله المشاهد المعروضه ليهم؟
{ ملحوظة : قله المشاهد ليهم مقصوده لأنهم شخصيات ثانوية مبنيه على قصه حقيقية }
نيجي بقى على (بسنت) و (هيثم) تحديداً اخر فصل نزلته - في الفصل ٢٧ / ٢ - هل انتوا لو في موقف بسنت وحصل معاكوا كده يوم فرحكم هل هتسامحوا و تعدوا بسهوله الي حصل من هيثم ولا هيكون في موقف حازم لازم يتاخد، بالرجوع لأحداث الفصل تحديداً ، هل ممكن توقفي الفرح و تلغي كل حاجة بسبب تصرفه ده ولا هتكملي علشان هو كده كده الفرح موجود؟ لو انتي مكان بسنت كان ايه هيكون رده الفعل الصح من وجهه نظرك انتي ؟
تفتكروا شخص زي (كنان) ايه الي مخليه يستحمل إهانات و بهدله من (شاهندا) لمجرد انه بيحبها ولا في دافع تاني غير الحب مخليه مصمم عليها؟
شخصية (نورا) و خيالاتها و أحلام اليقظة الي عايشها فيها مع نفسها؟
تصرف (نهال) الأخير مع سارة وقت ضؤقها الشديد رغم عداوتهم؟
ننتقل لـ شخصيتين ثانويتين بردو، الي هم (ايمن) و (اماني) والي علاقتهم تعتبر مفيهاش مشاهد كتير بس تمت بسرعه كبيره و مظنش ان حد يتوقع أن كانت تبقى بالسرعه دي، فـ انتوا شايفين قرار (ايمن) المتسرع ده صح ولا هيندم بعدين؟
أبعاد شخصيات (مرام) و ( عامر)؟ و هل هتنتهي القصه و هيتعرفوا على بعض في الحقيقه ولا هتفضل مجهوله شخصياتهم لبعض؟
هل مشاهد (العائلة السورية) لطيف؟
وكفايه مش حابه اني أطول عليكوا اكتر من كده انا بس كنت حابه افتح دردشه خفيفه بينكم بخصوص القصه و شخصياتها و حابه اعرف آرائكم فيهم
و كنت حابه كمان اعرف توقعتكم لنهايه القصة هتكون عامله ازاي، مع اني عارفه ان محدش هيجيب النهايه صح لأني دايما بعمل نهايات غير متوقعه بالنسبالكم وانتوا متعودين مني على كده، بس بردو حابه اعرف ايه نظرتكم للنهايه؟
و كمان في bonus لشيء هيحصل مفاجأه في نهايه القصه أو بمعنى أصح آخر فصل في القصة في نهايته
فـ ترقبوا بإذن الله الفصل (٢٨) بتاريخ ٥ / ٢ الموافق يوم السبت من شهر فبراير وباقي الفصول أن شاء الله، و اشوفكم على خير حتى ذلك اليوم 🖤🖤
أنت تقرأ
Friends | فريندز
Humor# FRIENDS | الاصدقاء الصداقة اهم و احسن حاجة في الوجود منعرفش نعيش من غيرها و ليها معاني حياتيه كتير و مش اي حد يعرف يفرق بين الصداقه للحقيقة و المزيفة كله بقي بياخد نفس الشكل مؤخراً و الصداقة الحقيقة بقت نادرة الوجود و صعب تتلاقى في فريندز هنتعلم و...
