بينمــا يُسقــي الـورد بالمــاء ، تُسقــي شوارعنــا بالدمــاء 🩸
رفع حواجبه بـ ملامح عابسه :بتحاربو بعض عادي ؟! كان تقتله ولا قتلك كيف بتكملو حياتكم عادي
بلع ريقه بـ تنهيدت عجز : كان تقابلنا في نفس الجبها نتصل انبهه مايجيش قدامي
وتلفتله مكمل كلامه...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
عِــشق فـي بِـلاد حُـروُبِهـــا لا تنتّٰــهي 7 { 🩸 شارع الدم 🩸} ...
قراءة ممتعة 💛 البــ 1ٰ ــارت
يــاليت لم نكبُــر ، ويـــاليت الطفُــوله لم ترحَــل 🍃
لما سكرت الـ 14 السنة حملت روحي مسؤوليات ، ممكن كنت نقدر نستغني عنها او نرفض نشيلها ، بدات انه بوي ربي يحفظه ماجبرنيش علي شيلها ، لكن ضعف معيشتنا ونقص احتياجاتنا لـ أحياناً توصل لـ الاحتياجات الاساسية خلتني نجبر روحي نشيلها ، ونبدل طريق الراحة وقعدت الحوش وعيش طفولة رايقه او بمعني اخر طريق الدراسه وبني الذات بطريقة أصح ، لـ طريق كسب لفلوس فيها ساهل وسريع ، لكن شاهد عليا ربي قبلها حاولت نكسب من عرق جبيني ، وحولت ، وحولت ، وحولت ، بس نفسي كانت اضعف من ان تزيد تحاول ، بدات ان اي خدمة نخدمها كسب لفلوس ماكانش يكفي مصاريفي الشخصية حتي ، ومحاولاتي وقفت في الخدمة من بعد شقي وتعب لما سكرت الـ 19 في الـ 2013 ...
نفخ نصر بـ تذمر : تي بطل ياراجل غبرتها علينا
لوح جواد العصا لـ كان يحرك بيها في التراب قدامه وتكي بظهره علي الكرسي وشبح لـ وحيد لمقعمز قدامة : سيبت خدمة عند بشير ضحك نصر : هههه اكيد ماخلصكش طول عمره يقعد قفاص الجحش
عقد جواد بين حواجبه بـ غضب رتسم علي ملامحة : الكـ كـلب غير يعرف بوي خايف يجي يعاودلة كـ كـان هدا ورب الكون نكون عاجنة طريحة ولد البطة
تعلت ضحكات نصر و وحيد لخدي انفاسه من بين ضحكاته : هههههه تي فوته تو نربيهولك ونطلعلك حقك من عيونه الكلب طلع نصر تنهيده من بين ضحكاته بـ مسحت يد علي صدره : ههههه تي اني ناويلة علي نوية بنت ستين كلب علي التشحوير لدارهولك
رفع جواد راسه لـ السماء بـ نفخة طلع بيها غضبة : فوتوه توا المهم نحصل خدمة تانيه
شبح وحيد لـ نصر لـ لحضات قبل مايرجع نظره لـ جواد : شن رايك تجي تخدم معانا اني ونصر رفع نصر حاجبه بـ هزت راس : وين يجي يخدم معانا
