ဒဏ်ရာရှင်းစတမ်း

130 14 0

by ANNA_HanNwayOo

by ANNA_HanNwayOo

~ နန်းဒေဝီနွေ မေတ္တာသက်ဝင်မိခဲ့တဲ့ စောစဝ်က ဘယ်သူလဲ။
ဖြေ_ ဝတ္ထုထဲက ဇာတ်ကောင်တစ်ခုပါ

~ ဇာတ်ကောင်တစ်ခုအပေါ် စွဲလမ်းမှုက သည်လောက်အထိဖြစ်နိုင်ရဲ့လား။
ဖြေ_ စာရေးသူရဲ့ဖြစ်နိုင်ချေကိုအခြေခံပြီးရေးထားတဲ့အတွက် ဖြစ်နိုင်ပါတယ်။
ချစ်ခြင်းမေတ္တာဆိုတာ အတိုင်းအတာ အကန့်အသတ်မရှိတဲ့အတွက် ကမ္ဘာပေါ်မှာ
ချစ်ခြင်းမေတ္တာနဲ့ပတ်သတ်လာရင် အတိအကျဖော်ပြလို့မရတဲ့အကြောင်းအရင်းတွေဟာ
တစ်ပုံတစ်ခေါင်းကြီးရှိပါတယ် ။

~ ဝတီနဲ့ဒေဝီနွေက ဘယ်လိုဆက်ဆံရေးမျိုးလဲ။
ဖြေ_ တော်တော်များများက gl လို့ထင်ကြတယ် ။ဒါပေသိ gl မဟုတ်ပါဘူး ။
အထီးကျန်နေတဲ့ ဒေဝီနွေ့လောကထဲကို ဝင်ရောက်လာခဲ့တာဟာ မေဝတီဖြစ်သလို
ဒေဝီနွေနဲ့အနီးဆုံးမှာရှိနေတဲ့အတွက် ၊ သံယောဇဉ်ကြိုးလေးချည်ခဲ့တဲ့အတွက်၊
ဒေဝီနွေ့နောက်ဆုံးအချိန်ထိ သူရှေ့မှောက်မှာ ကွက်ကွက်ကွင်းကွင်းမြင်ခဲ့တာကြောင့်
မေဝတီက ဒီအဖြစ်အပျက်ကို တစ်သက်သာ စွဲကျန်သွားသလို ၊ ဒေဝီနွေ့အတွက်ပါ
ရင်နာစရာ သောကတစ်ခုအဖြစ်ဝတီ့ရင်ထဲ စွဲကျန်ရစ်နေခဲ့တာပါ ။ ဝတီ့အတွက်
ညီမလေးတစ်ယောက်လိုပါ။

~ နန်းဒေဝီနွေ သေဆုံးပြီး နောက်ပိုင်း ဘာတွေဖြစ်ခဲ့သလဲ ။
ဖြေ_ ဒေဝီနွေ့ရုပ်အလောင်းဟာ သေနတ်ဒဏ်ရာကြောင့် နှလုံးကပါ ထုတ်ချင်းပေါက်သွားတာပါ။
ဒီ့အတွက် သူ့ရုပ်အလောင်းကိုချက်ချင်းသဂြိုလ် လိုက်ရပါတယ်။
အန်တီမာလာကလည်း သမီးဖြစ်သူဆုံးပါးမှုကြောင့် စိတ်ဒဏ်ရာ အလုံးစုံနဲ့
အိပ်ယာထဲ လှဲနေရပါတော့တယ် ။

~ နောက်ဆုံးပိုင်းနဲ့ပတ်သတ်ပြီး ဖော်ပြစရာတစ်ချို့ကျန်ရှိနေသေးလား ။
ဖြေ_ ဆန္ဒထွက်မပြခင်မနက်က သူဒိုင်ယာရီတစ်ခုကိုရေးနေခဲ့ပါတယ် ။
ဒါဟာ ဒေဝီနွေ့ သေဆုံးမှုအတွက် နှလုံးဝေဒနာသည်ဖြစ်တဲ့ သူကိုယ်တိုင်ပဲကြိုတင်သိရှိနေခဲ့ပါတယ် ။
နောက်ဆုံးရေးခဲ့တဲ့ ဒိုင်ယာရီ စာမျက်နှာကို သက်သက်ခွဲတင်ပေးပါ့မယ် ။

~ ကျေးဇူးတင်လွှာ
- လိုက်ပါစီးမျောပေးတဲ့ စာဖတ်သူ တစ်ယောက်ချင်းစီကို ကျေးဇူးတင်ပါတယ် ။
အမှန်တိုင်းပြောရရင် ဒါရေးဖို့ကိုမရည်ရွယ်ခဲ့ပါဘူး ။ ဒါတွေအားလုံးကလည်း
မ linkar Thway ရဲ့ဇာတ်ကောင်အပေါ် ထားတဲ့ကျွန်တော့် ခံစားချက်တစ်စိတ်တစ်ပိုင်းသာဖြစ်ပါတယ် ။
တစ်နည်းအားဖြင့် နန်းဒေဝီနွေဟာ ကျွန်တော့်ကိုယ်ပွါးဇာတ်ကောင်းတစ်ခုဖြစ်ပြီး
ခံစားချက် ၊ အလွမ်း ၊ ချစ်ခြင်း တွေကို လုံးဝဥဿုံ ဒီဇာတ်လမ်းထဲမှာ ဇာတ်မြုပ်ထားခဲ့ပါတယ် ။
မ linkar ကိုလည်းမျှော်နေရင်း ကျွန်တော်လည်း ထိုအမျိုးသားကို လွမ်းရင်း
ဒေဝီနွေ့လိုပဲ နေ့စဉ်ရက်စက် ကုန်ဆုံးမိနေပါတယ် ။

စာကြွင်း- extra အနေနဲ့ရေးဖြစ်ရင်ထပ်ရေးပါမယ် ။

_ ဇန်နဝါရီ ၂၉ ၊၂၀၂၂
နေ့လည်၂နာရီ၊၃၁မိနစ်