الكاتبه شيخه ال تميم
أعز من روحي أحـِسـٌكْ
وانته اعز منـٌي
ياحسبة عمر ..خاويتها إمن إصبــاي
بـِطلـَتْ صـَفنتي .. وما بَطـٌلـٌتْ مني
أحــِس كًًُــَلبي الفـِضـِي..متعوب حد الويل
وأدعيـله الصَبُر.. عن لا يفشلني
جَسٌيت الليالي ابمرود الحلوات
وسنين العمر بالشيب جسنـٌــيٌ
اضحك للبجوا.. حد شرهة المنكـَود
وابجي ابكل مزنتي.. الطور المغني
عريان السيد خلف
.
.
عمر: شكد جانت علاقتي بأهلي مو زينه وجنت كلش بعيد عنهم لاسباب هواي جنت اتمنى لو اكدر اصلحهم واصحح ولو شي بسيط من اخطائهم بس هيهات الي عرفته عنهم كسر ضهري وبعدني هواي عنهم
مشيت وانه ساند فهد وصعدنه للسياره حتى نرجع هو جان بغير عالم جان مثل الطفل الي فاقد امه ساند راسه وساد عيونه وبس الدموع تنزل منها بهدوء وهو على نفس وضعه ما اشوف غير الدم ظل ينگط من خشمه
_ولك فهد خشممك ما تحس
_......
_اهز بيه اريده يفتح عيونه ماكو بس خشمه يصب دم وهو مو بالدنيا
فهد ارفع راسك ولك لا تسودني ..خليت الكلينكس على خشمه وأبوي واكف فوك راسي ويصيح عليه بس هو مو يمنه
ابو فهد_ولك بويه هاي حبه ضغط حطها بحلكه ضغطه مرتفع
_اخذت الحبه وحطيته بحلكه وايدي الثانيه تمسح بخشمه عشر دقايق يلا رجع الوعيه عيونه دم وجسمه بارد
_فهيد صير قوي خويه لا تضعف هيج الزم اشرب ماي واكل البسكت
_ما اريد اي شي عمر وخر مني اريد انام
_طول الطريق وهو نايم وبس يون من راسه وما ياخذ دوة وهاي جانت بدايه لمعاناة فهد ....
رانيا: اذا سألتوني شنو اصعب شي مر عليه ورى موت اهلي راح يكون الجواب
فقدان اختي وصديقتي وجزء من روحي
فقدان زينب كسرني كسره كلش جبيره هي جانت ابتسامتي بهذا الگبر شكد مرت علينه اوقات نكعد نبجي على ظيم كلبنه فجأة هذا البجي والحزن ينكلب شقه و تصنيف وتنهيها بجمله
(يمعوده هو منو راح يفيدنه بعدين)
ايام الفاتحه جانت عباره عن تمثيل الحزن على الناس بسس
امها وخواتها يبجن وحدهن والباقي بس كدام الناس تذ دمعتين وبعدين يكعدن يمي بالمطبخ دك سوالف و حش بالناس وياكلن
لا منهن فايده ولا منفعه خليهن بس يذبن حجي يسمن كلبي بي
مرات احس ذول الناس مو اهلي ولا بينه صلت دم
من حجيهم عليه
_اجت الدفانه ونزلو الشباب دخل فهد مباشرتا من السياره لغرفته جان لابس دشداشه سودة ووجها صاير نفس لون دشداشته من الحزن لاف الغتره على وجهه وعيونه دم والجكاره بيده دخل محني الظهر اشبه بجسم بلا روح
عمر: رانيااا ولج رانيا هنااا وين صافنه
_,ءء ها ها عمر الحمدلله على السلامه
أنت تقرأ
ارواح عاريه من الرحمه
ChickLitانا فتاه فقدت كل ما املك ولم يبقى لي في هذا الحياه سوة الجحيم والشعور بالاستياء مُستمر لا يَنفع معي اي شيء لا حديث مع احدهم ولا حتى كتابة ثم البكاء و نحيب الروح هي ما أشعر به قبل النوم و اثناء الاستيقاظ كَجرعات الدواء انها مستمره للأبد يالها من...
