الجنة ليست لها

الجزء الواحد والعشرون

عركة شكبرررها
بسبب حوراء عازمة اختها وجايبتلها اكل من برة
لان فرحانه بيها وعروس
وما دايرة بال العمتها
العماية
شلون مديرلي بال
فلشت الباب مال الغرفه عليهن
وطاردة اسراء وحالفه الف يمين متبقه عدهم
والبنيه ماباقي على زواجها شكم يوم
وخالاتي ظلن محتارات

رهف
اني اكول حوراء حقها
اختها وجايه من محافظه بعيدة وفرحانه بيها وعزمتها قبل زواجها

اخلاص
واني اكول مو حقها
لان تعرف عمتها شنو
المفروض تجنب المشاكل هذي الايام
الحد ماتعدي الزواجة على خير
ولو هية اساساً هذا الزواج غلط
شلون يقربون البانزين من النار
ودشوف عمتها تحومي عليهن تسد الباب وتخليها تفرفح شنو معناها

رهف
الله اكبر خوات وكاعدات سوة ميصير
وليش هية اصلاً تفتر عليهن متخليهن فرحانات بيناتهن

اخلاص
مو انتي غشيمة عن مرت خالج ومتعرفيها
حاطه روحها بكلشي وتريد الكل تحت طوعها وامرها
ويجي يوم والكل ينكلب ضدها من ورة تجبرها

وهسة شصار
خرب الزواج لو شنو

لا ما خرب
الولد مهدين امهم
وعلي كالمعتاد لازم حوراء ومجنزها كتل حته امة ترضه
والزواج بقه على موعده ماخرب
وخالاتي احتمال وحدة تروح وحدة تبقه

والله ماعرف اهلها شبيهم
ماكافي حوراء ولي شافته
هنوب اسراء اطوها الهم حته تكمل

عبالك البنات مشمرات يطون هنا وهناك
المصيبه يعرفون مرت خالي شنو وينطوهة بناتهم

ورة يومين اجو بيت خالي عزمونه على زواج
اسراء من علاء ابنهم

تم هذا الزواج

خالي ابو علي عندة ست بنات
او ولد خمسة
البنات مزوجات منهم خمسة وباقيه وحدة
والولد ثنين صارو مزوجين  وباقين ثلاثة

الحلو بالموضوع
علاء ورا زواجة بشهر
اخذ مرته وهج من المشاكل الي سببته امة ويه چناينها
هههههه وهنا بدت مرحله جديده بحياة حوراء المكرودة
يعني لا بوجود اختها ارتاحت ولا من راحت اختها ارتاحت

اخذتن ولدي مني
مقوله تاريخيه بعض الامهات تطلقها
وتاخذها وتفتر بيها بالبيوت عد الاقارب والمعارف
وكأن الزوجة خلقت حتى تكون عبده تحت امر عمتها
مالهم حق هية وزوجها يتنعمون بالهدوء والاستقرار
وحياة زوجيه جميله

مرت خالي حتى ترجع ابنها الاحضانها اقترحت عليهم اقتراح

راح تشتريلهم بيت وتسجل البيت باسمها
والبيت يكعد بي
علي وعلاء وينقسم طابقين مشتمل الفوك يكعد بي علاء لان بعدة ماعده اطفال
والطابق الارضي يكعد بي علي لان اطفاله ميكفيهم غرفه وحدة
ومنا من يوفون فلوس البيت الامهم تحوله باساميهم ثنينهم