"يقول أحد الحكماء : كلام الناس اشبه بالتراب إذا لم يطير بالهواء فهو يداس بالأقدام .. عش عفويتك فالألسنة لن تصمت ! "
____________
ابو حيدر: شصاير هنا ابو ذر خير
كرار : بويه هذا الزلمه جاي ودايس بيتنه
ويعاين ع عرضنه بتوالي اليل وفوك هذا يمد ايده عليه
مختار: وامد رجلي هم وحك علي لو ما ابوك انا دافنك هنا
ابو حيدر : فهموني شصاير شني هاذا الحجي ابو ذر
وشعندك يم الباب
مختار: ابو حيدر انت جبير لا تأخذ بحجي الزعاطيط خلي
البت تدخل واحنه نحجي
ابو حيدر : ادخلي للبيت
ود: دخلت بس جسمي كله يرجف لو ما لازمه نفسي جان
وكعت كدامهم الله لا يوفقك ياحقير تلكتني عمتي هيله
هيله: ود شبيج وشنو هذا العياط شبيج احجي
ليش تبجين
ود: عمه مسويت شي والله انهاريت بالبجي
بعد مكدرت اسيطر ع روحي روحي نسلبت مني
كلما اتذكر كلامه من يكول شغلج كله بليل اختنك
هيله: اسم الله دره جيبيلي مي ود ود حاجيني عمه
لا تسوين هيج بيه شمسويلج
بسرعه درره
دره: هاج خيه هاج رشي وجها اسم الله جنها مخروعه
ود: شربت شويه مي بلكي اسيطر وغسلة وجهي عمتي
بس عبرتي بكلبي وتبين ع عيوني مكدر اخفيها ابد
ابو حيدر: فهمني عاد احد بيكم يحجي
كرار: شني بويه تنتظر منه تبرير جاي اكلك
اتعنه لبيتنه تالي اليل حتى يشوف عرضنه
مختار: نرفزني حيل هل سكط والله اجيت اجرم
بي بس لزمة اعصابي خاطر ما تكبر السالفه لخاطرها
مو الخاطر احد
ابو حيدر انا الغلطان شفت جهاز خالاته البنات ونازلات
اجيت ادك الباب طلعتلي وسلمتها الجهاز وبس الاخ شافنه
سواها قضية شرف ابو حيدر انت تعرفنه احنه جيران من زمان
وماكو عتب عليه عبن هو جا تالي وكت وميعرف شني
اصول الجيران عدنه
كرار : شوفه بويه جاي يستزغر مني جدامك اليوم انا
ما اسكت ياجاتل يامجتول
مختار: عجبني هواي اضحك بزر البارحه جاي يحجي
حجي الديوان
ابو حيدر: بسك ولا كلمة مابقيت احترام لوجودي
وانت ابو ذر سالفتنه ماخلصت باجر انا طالبك بالديوان
مختار: وانا حاضر دام الحق وياي
ابو حيدر : الله كريم
مختار: عفتهم ومشيت
ذوله ناس همج استغفرالله
دخلت للبيت حتى ابني ما أخذته وياي دايخ
سطر راسي الكلب
أنت تقرأ
غضب المختار
General Fiction(للكاتبة سُكينة الشمريه) رجل يقع في الحب ويتزوج ولكن في منتصف الطريق يجد نفسه وحيدا مع ابنه الصغير وبسبب الخذلان لا يثق بالحب ولا بالنساء وفي يوما ما وفي بيت احد اصدقائه يجد الحب مرة أخرى ليقع في شباك حواء وبسبب حبها وايمانها به اصبح قلب الضابط الغ...
