SINFUL AFFINITY (completed)

PT. 6

Sa tanghaling iyon ay magkasamang nagpunta ng mall si Elaine at si Hanz. Ang freedom at saya na ninanais niya ay nabara hanggang assume nalang sa utak niya. Papaalis pa lang sila ng bahay ay gusto niyang murahin si Hanz, dahil hindi siya nito tinantanan. Makulit at mapilit pa din. Kahit sabihin niyang ayaw niya itong pasamahin ay magpupumilit pa din ito sa kanya. Kadalasan ay ma blackmail pa siya ng mokong para lang pasamahin niya ito.

Kakapark pa lang ng kotse ay nagmamadaling lumabas si Elain at padabog na sinara ang pintuan ng kotse ni Hanz at nauna nang pumasok sa basement entrance ng mall. Nakakainis! Bakit ba ayaw niya akong hayaan nalang?! Sigaw niya sa isipan niya. Na sinabayan niya nalang ng pag-irap.

"Good morning ma'am," bati ng guwardiya na tinanguan niya lang at dire-diretso na pumasok ng mall kahit hindi tumitingin ng maayos sa daanan. Hanggang sa hindi niya sinasadyang makabangga ng tao. May dala itong box at mukhang papa-exit na.

"I'm sorry, I'm very sorry!" agad niyang paghingi ng tawad at tinulongan ito sa pagpupulot ng mga can goods na binili nito.

Busy siya sa pagpupulot, habang ang lalaki din ay tinutulongan ang sarili. "Ito oh, papaano 'yan sira na 'yung lagayan..." Napapatamimi si Elaine nang matuklasan ang mukha ng lalaki. Napaka-guwapo nito, ang kulaw bughaw nitong nga mata ay nanghi-hipnotismo. Sa mata pa lang ay mapapangalanan mong may lahing foreigner ang lalaki. Ang ilong nito ay matangos at tila claw tumatanglaw sa mga mata ng mga babaeng kagaya niya na madaling makakita ng guwapo, ang labi nito ay may kakapalan ngunit mapula at nababagay lang sa hubog ng mukha nito. Pati adams apple ay naakit siya, napapalunok siya. Hanggang sa jaw line nitong maganda ang pagka-sculpt pa-kuwadrado.

Hindi niya pansin na nakatingin na din pala ang lalaki sa kanya, napakurap-kurap siya at binitawan na Ang cans na hawak din ng lalaki. "Sorry..." Sabay niyang paghingi ng tawad. The guy chuckled.

"It's okay, actually it was my fault." Anito at binilisan na nila ang pagpupulot. Nang matapos ay tumayo na sila, "By the way, you're gorgeous," napangiti si Elaine sa naging komplemento nito sa kanya. Naappreciate niya dahil hindi lang siya ang naguwapohan dito, pati rin pala ang lalaki ay nagagandahan sa kanya.

Sa ganoong akto ay naabutan sila ni Hanz, nakatayo lang ito sa likod ng dalaga at mataman na pinagmasdan ang lalaki at si Elaine na nag-uusap. Hindi din siya napansin ng mga ito dahil mukha namang masaya itong nag-uusap. His jaw clenched.

"Salamat, ikaw din... Guwapo" professional ding sabi ni Elaine na may kasamang matamis na ngiti.

"I'm Jordan, you are?" Inisang hawak lang nito ang box na nabutas at iniabot sa kanya ang isang kamay nito para makipag-kamay.

"Elaine--" aabotin niya sana ang kamay nito nang may naunang makakuha nun at mahigpit itong hinawakan.

"My girlfriend's off limits bro, and sorry for the trouble she had cause," laglag ang panga at namimilog ang mga mata ni Elaine na tinitingnan ang lalaking humihila sa kanya ngayon, papalayo kay Jordan na nakilala niya kanina. Ano ba ang problema nito at bigla nalang nitong sinabi na girlfriend siya nito? Baliw na ba ito?

Marahas na iniyugyog niya ang kamay niya para sana bawiin mula sa binata nang higpitan pa nito lalo ang pagkakahawak sa kanya, dahilan para makaramdam siya ng sakit. "Ano ba, Hanz? Nasasaktan ako!" reklamo niya, ngunit hindi man lang siya nito pinakikinggan. Ano ba ang nagawa niya para magalit ito bigla? And worst, saktan pa siya. "Bitawan mo sabi ako!" Sigaw niya na ikinalingon halos lahat ng tao na naroroon.

"Pwede ba, Elaine? Act like your age! Hindi ka na bata!" napatigil sila saglit at nagtitigan silang dalawa, ngunit ang mga kamay nila ay nanatiling konektado.

Napaamaang siya, "Wow! Ako pa talaga ang sinabihan mo niyan, eh noh? Samantalang ikaw itong nagagalit bigla! Act like your age? Ikaw dapat maghunos-diri sa mga sinasabi mo! Ano bang problema mo?" Sarcasms was visible to her, hindi nakasagot si Hanz kaagad, napatigil sila saglit sa harap ng isang boutique at picture booth pero kalaunan ay hindi pa rin siya nito kinibo at hinila na naman siya ulit. Para siyang bagay na tatangayin kahit saan nito gusto. This time, hindi na mahigpit ang pagkakahawak nito. Siya naman itong nagpatangay lang.