البارت33 من #رجال_لاتعرف_الحب بقلمي #الكاتبة_شهناز_الخزعلي #Jaymin
وراها رحت لغرفتي وعفت سلمى ويه امي ، و تينه مخبوصه شتلبس باجر اول يوم دوام الها ...
تينه:باوعي هذا اللون يوالم مو؟
زينب:اي ....شفتي هالعكربه جوة شجابها لا وفوكاها تسئل عن خالو مصطفى ....
تينه انتجيت على الكنتور وتخوصرت كتلها"
٤
_ليش ماعرفتي.....علاء طلع ل امريكا يريد يستقر هناك وعاف اخته وامه اله يومين باع بيته وطلع ماتشوفين سلمى معيوفه على حله شعرها ...
زينب:والله عندج معلومات والج خلك ....وانتي بأجر الج اول يوم جامعه ....وخليها ببالج هي النظرة الاولى الي يشوفج بيها الدكاترة والطلاب تبقى نفس النظرة عليج طول٤سنوات....
تينه:نصيحه حلوة واكيد راح اخذ بيها بسس امشي ننزل...نشوف هال سوسه شنو ناوية .....
تيسير/الليل طويل لليفقد عزيز وماكو اعز من الضنه ...وإني فقدت الطفل ساعة غضب وإهمال....زوجتي جانت تهتم لحجي امها وهاي مشكله الاغلبيه في الوقت الحاضر والمستقبل واتحدى واحد يكول لا ... واغلب البيوت نهجمت بسبب هالشي خسرت وخسرتني راحه بالي وماكتفت تحارب وتلاحق حتى مرات تدز صديقاتها حتى يشتغلون ويايه بالصيدلية وهالشي جنت اكتشفه بنفسي الف وحده طمعت وحاولت ....بس جنت اكتشفها على اخر لحظه واخر شي قررنا انه اجر الصيدلية بس والدي مجان موافق على هالشي لحد ما اجت زينب وكلبت كل الموازين....شديد الرفض لوجودها وهي ٢٤ساعه تحت المراقبة
لان صابرين ...(*صابرين زوجتي السابقة) مخلت شي مسوته حتى ترجع ...
وبيوم...
خلي زينب تسردلكم هذا الموقف حتى تكدر توصله الكم بمشاعر حقيقية لان احنه الرجال موكلي نكدر نوصله ....
زينب/بعد ما راحت سلمى هذاك اليوم ضلت اخلاص تحسب ....هاي شبيها جاية وداكه املس .....شتريد وهواي سئلت عن مصطفى...اني لازم احذرة .....لالا مالي دخل
ثاني يوم بعيدا عن افكار اخلاص وسلمى وتينه ...رتبتها وعطرتها وطلعت جنها مكيف عطلان ههه لاجذب تهبل وتجنن ....
طلعت للصيدلية وصلت الحجي جان جايب شاي بالترمز ...وراها تيسير اجه ...الحجي عجبه جرك ابو السمسم حار ومكسب اكو أفران قريب فالحجي راح ...تيسير جانت جاية وجبه جديدة من الادويه والمستلزمات الطبية دخل جوه بالمخزن ....
كعدت اشتغل حسب الأصول اجتي وحده قصيرة حنطاوية عيونها سود صغار لابسه بنطلون وقميص باوعت عليها جنها بستوكه هههه
_هلو
_اهلا
مدت راسها....كالت "موجود....؟
استغربت ....
باوعت علية ب استغراب كالت "
_شعجب ليهسه ممبطلج.. ؟
أنت تقرأ
رجال لاتعرف الحب(مكتمله)
ChickLitهي فاتنه ...هو رجل بلا رحمة،اي؟عاصفة جمعت الخريف والربيع معا ؟ أجتماعية،حقيقية،واقعية بقلمي #الكاتبة_شهناز_الخزعلي Jaymin
