كنان (للكاتبه ساره ابراهيم)

البارت السابع عشر

مي بصت لصاحب الصوت بسرعه لقت عمر قاعد وباين عليه علامات الندم
لتقول بجمود .بعد اذنك ابعد عني
عمر بحب .مقدرش ابعد لو اقدر مكونتش جيت واعتذرت صدقيني أنا من ساعه ما اتكلمت معاكي الفتره الي فاتت وانا شايل فكره الانتقام من دماغي
جه صوت يوسف من الخلف وهو يقول .انت مش كفايا الي عملتو ممكن تبعد عنها
عمر بهدوء .صدقني أنا مكونتش هعمل كدا والله انا شيلت الفكره من دماغي عشان حبيتها بجد مش بمثل
يوسف بجديه .برضو مش وقت الكلام ده لما نرجع هنشوف الموضوع ده ..إياك احنا كونا هنسيبك اصلا
عمر .اعمل الي انت عايزو اهم حاجه مي تسامحني
جه كنان لما شاف يوسف طول عند مي ليقول .في اي
اول ماشاف عمر قال بضيق .لو سمحت تعالي انت مكان يوسف ويوسف هيعد هنا ومش وقت اي كلام نطمن علي مي وبعد كدا افوق ليك
عمر قام بهدوء من مكانو ويوسف قعد جمب مي كان كنان بعدهم بكذا كرسي وعلي طرف آخر عمر
يوسف كان بيحاول يخرج مي من الخوف الي هي فيه عشان مرعوبه لدكتور يحدد معاد العمليه وفي نفس الوقت خايفه من وجود عمر
كانت بتضحك مع يوسف وبيتكالمو وعمر عينه عليها بتطلع شرار من الغضب
اما كنان مراقب الوضع واتأكد أن فعلا عمر عشق مي مش بيحبها وبس

عند ميرا كانت قاعده قدام التلفزيون ومازن كان في الشغل الباب خبط وفتحت
ميرا بسخرية .نعم
فرح بهدوء مخيف اقتربت من ميرا وقفلت الباب
ميرا بغضب.عايزه اي يافرح اتفضلي اطلعي برا
فرح ببرود .وان قولت لا مش هطلع
ميرا بنفاذ صبر .والله لولا أني عمله حساب ليوسف وكنان وماما نورا كونتي شوفتي مني وش تاني
فرح ببرود.طب ماتوريني الوش ده يا ميرا ولا اقول ياندا منتي بميت اسم زاى ما بميت وش
ميرا بنرفزه .فرح اطلعي برا
فرح وهي تحط أيدها علي بطنها .ده المفروض يبقا في بطني أنا مش بطنك انتي بس مش مهم عشان وجوده هيبقا لفتره قصيره وبس يعني اول عيل ليوسف لازم يبقا مني أنا
ميرا وهي ترجع لورا .انتي مجنونه اي الي بتقوليه ده الي بتتكلمي عنهم دول جوزى و ابني ومش هاتقدري تعملي حاجه
فرح ببرود.صوتك طلع الله يرحم لما خليتك تطفشي
ولا عشان المحروس اخوكي رجع لا وكمان متقدم لهمس بس ده بعده اختي الصغيره ماتجوزش قبلي وغير كدا لازم تتجوز راجل من عيله مش من ملجئ
ميرا بسخرية .وهو في وحده من عيله تلف علي راجل متجوز وجايا بكل بجاحه لمراته تهديدها
لا ده علي كدا بقا تربيه الملاجئ احسن مع أن همس متربيه اشمعنا انتي الي طالعه تربيه و....ه
فرح بصت بغيظ وهي تقول .وانا هوريكي التربيه الو....ه قريب اوى
فتحت الباب وخرجت وميرا بصت كتير علي بطنها خايفه من كلام فرح اتصلت علي مازن
ميرا بخوف .انت فين
مازن بهدوء.في الشغل لي في حاجه ولا اي
ميرا .لا بس بطمن عليك ياحبيبي
مازن بحب .ربنا يخليكي ليا ياقمرت اخوكي
ميرا بحب .ويخليك ليا يارب المهم متتاخرش عليا 
قفلت معاه وهي قلقانه

فاقت مي من النوم علي طرق الباب لتتذكر هي فين افتكرت انها في الفندق الي كنان حجز فيه بعد وصولهم المانيا
قامت فتحت
كنان بابتسامه. نامتي كويس
مي .اه بصراحه الفندق تحفه
كنان  .طيب مش يلا بينا بقا علي الدكتور ولا اي
مي بخوف .حاضر هلبس واجي
كنان .أنا و يوسف تحت خلصي براحتك وتعالي
هزت دماغها بنعم وبعد حوالي ساعه كانو عند الطبيب الي أكد أن لازم مي تعمل العمليه لأن كل وقت بيضيع مش في صالحها كل يوم قلبها بيسوء اكتر من الاول
كنان حدد معاد العمليه تاني يوم وخرجوا من عند الدكتور
في السياره
مي ببكاء .كنان انا خايفه مش عايزه اعمل العمليه
كنان بحنو .أنا مقدر خوفك بس اديكي سمعتي الدكتور قال اي يعني الحل مش انك متعمليش العمليه عشان كدا كدا في خطوره برضو من غيرها
مي .يبقا اموت من غير العمليه وقت ما ربنا يريد
يوسف بهدوء. مي انتي قولتي اي قولتي وقت ما ربنا يريد يعني ربنا الي بيكتب لينا كل حاجه يعني مثلا أنا اهو مش تعبان ما ممكن دلوقتي اموت و واحد تاني يبقا تعبان وعايش كل حاجه ربنا كتبها متخافيش من حاجه
مي بدموع .ونعمه بالله
يوسف .ممكن بقا ماتفكريش كتير عشان بليل هنيجي المستشفي تكوني قادره تعملي العمليه
كنان .زاى ما يوسف قالك سبيها علي ربنا
مي .حاضر

عند ملك كانت قاعده علي السرير من امبارح بتحاول تنام ومش عارفه وهو بعيد عنها قامت من السرير وفتحت الدولاب بتاعو اخدت تيشرت من بتاع كنان وقعدت وهي علي شفتيها ابتسامه حب لتقول .وحشتني اوى من امبارح
رن الفون بتاعها برقم دولي عرفت أن هو فتحت بسرعه وهي تقول
ملك بلهفه .وحشتني اوى لسه فاكر تتصل من امبارح
جلها صوت يوسف وهو يقول بسخرية .وحش لما يلهفك ياختي ليكي نفس تحبي واختك رايحه تعمل عمليا
ملك بأحراج .لا منا برضو زعلانه
يوسف .اه مهو واضح
ملك بضيق .يوسف هاجي أطبق في زمارت رقبتك وبعدين فين كنان
يوسف بتريقه .في جيبي
ملك بنفاذ صبر.وربنا لما تيجي لقتلك يابارد
يوسف بسخرية.هاتي عشره معاكي يمكن تقدري
ملك .اووووف فين كنان يازفت
يوسف ببرود .ملكيش دعوه المهم عايز صور العلاج بتاع مي الي كانت بتاخدو قبل ده الدكتور طالب يعرف اي علاج خدتو من ساعه ما تعبت
ملك .حاضر هبعتلك الصور ....المهم كنان فين
يوسف ببرود .سمعتي صوت القطر قبل كدا
ملك بأستغراب .مش فاهمه ا
قطعت كلامها وبصت للتلفون وهي تقول بغضب .والله لوريك يايوسف الكلب انت والزفت التاني الي مش هان عليه يكلمني
دخلت همس في اللحظه دى لتقول باستغراب.انتي مجنونه ياملك
ملك .لي بتقولي كدا
همس .يعني اختك ممكن تعمل عمليه وانتي بتتكلمي كدا ده انتي حتي مسألتيش الدكتور قال اي
ملك بأحراج.اصل يوسف قال إن الدكتور هيعمل العمليه
همس بحزن .يبقا المفروض تزعلي علي اختك او تقلقي عليها مش قاعده تتكلمي مع يوسف وحش
ملك بضيق.مهو الي لسانو طويل
همس .عشان مضايق علي مي وانتي بتسالي علي كنان ده انتي رايقه اوى
سكتت وقالت انا اسفه اني سمعت كلامك بس انا كونت جايا أعد معاكي وسمعت لما فتحت الباب .
ملك .ولا يهمك بس انا بحب مي اكيد  لأنها اختي بس انا عمرى ما اتعودت اشغل بالي بحد يعني مليش في جوه الزعل وكدا
همس بسخرية .يعني اهم حاجه نفسك وبس
ملك .نفسي وبعد كدا اي حد يعني لي انكد علي نفسي مهي هتعمل العمليه وهتبقا كويسه اكيد
همس بهدوء .عيدي حساباتك ياملك بطريقه دى هتبقي انانيه
سابتها ومشيت وملك عارفه انها غلطانه ازاى تبقا قاعده بلبرود ده واختها هتبقا بين الحياه والموت ده حتي لما كنان قالها انو استلف الفلوس ومضى علي وصل امانه كان كل همها كنان أنه ممكن يتحبس بدل ما تفرح أن قدر يتصرف عشان اختها تعمل العمليه وتبقا كويسه بس هي بصت لمصلحتها كالعاده انها متقدرش تعيش من غير كنان هي فعلا بتحب نفسها وبس

في الليل كانو داخلين المستشفي واول ما مي دخلت الغرفه بتاعتها لقت عمر قاعد علي السرير
لتقول بغضب .بتعمل اي هنا
عمر بحب.هفضل مع مراتي المستقبلية عشان هتعمل العمليه بكرا الصبح
مي لسه هترد ليقول كنان .مي بعد العمليه نتكلم في الموضوع ده ممكن اتفضالي ارتاحي
مي بسخرية .مش لو عرفت تكلمني تاني بعد العمليه
كنان بجمود عشان يمنع دموعو تنزل..انشاء الله هتبقي كويسه اتفألي بلخير
خرج يوسف بسرعه قبل ما الكل يشوف بكائه مي عرفها من فتره بسيطه بس اخدت مكانه كبيره في قلبه مش متخيل أن ممكن بكرا ماتبقاش موجوده قعد قصاد الغرفه يبكي بحرقه
خرج كنان لي فهو عارف صديقه جيدا
كنان بهدوء .هتبقا كويسه وكل ده لمصلحتها
يوسف بضيق .المفروض اننا بنسلمها للموت بأيدينا ونقول لمصلحتها
كنان .انت سمعت بنفسك الدكتور قال اي ان كدا أو كدا في خطر يبقا لازم نشوف الحل الاريح
وبعدين يلا عشان ندخل نعد معاها شويه بدل مهي هتجيب عمر من شعرو جوه
ابتسم وقام معاه وفعلا زاى ما كنان قال كانت بتبدا  مي انها تزعق مع عمر ليمنع يوسف وكنان ده بصعوبه

عند مازن كان طالع علي السلم بس لفت نظره حاجه غريبه وده خلاه يقف شويه لحد ما يعرف اي الي بيحصل

توقعات ياقمرات 💜