رجال لاتعرف الحب(مكتمله)

البارت34

البارت34 من القصة الحقيقية #رجال_لاتعرف_الحب
بقلمي #الكاتبة_شهناز_الخزعلي  #Jaymin

نمت وراسي بي الف سوال يتراطم.....تينه ؟تفكر هواي ،سلمى جاي تخوط بصف استكان الشاي، تيسير وصابرين،باجر ضاملنا هواي شغلات والله يستر .....لفيت راسي ونمت ...

ثاني اليوم الصبح كعدت على صوت خط تينه طلعت للخط ....

تينه/احنه الي تجذبنا كلمه حب ...احنه الي نفوت للهاوبة بدون الانتباه للخساير الي راح نحصل عليها .. احنه الي نستمر بهالطريق الموجع ...احنه الي نبتلع جمر خسائرنا ببطئ ونتلذذ بي...

اليوم الثاني الي بالجامعه ...بالي شارد صافنه وصلت الأجواء تخبل بالتحديد الصبح الله شكد حلو وطيب الجو ....كعدت وحدي الهي نفسي واباوع ب الوان الدفتر الي ب ايدي بعدني ماكونت صداقات وبعده العدد مامكتمل ....جنت كاعدع بالقاعه بصف الشباك أشتميت عطر طيب رفعت عيوني دخل شاب طويل اويلي ...

_السلام عليكم..

رديت"

_وعليكم السلام ....

ضليت اشتم العطر ..اول مره انجذب لهيج موضوع مبين انيق ومبين حجاي ...(يعني يحجي هواي)...

...احم ..انتي طالبة هنا

_اي طالبة هنا ...

_شسمج...

_تينه ...

_وإني سرمد طالب وياكم ...اتمنالج عام جديد ...

_شكد مواليدك  شكلك كبير ...

_والله مواليدي ١٩٩٠ بس تأخرت بالدراسة

_ها اي الله يوفقك ...

الكل اجوي هالشخص اجتماعي ....

ضل يتعرف بالجماعة بدت المحاضرة الأولى اخذت تقريب ل ساعة اكو فترة استراحه أجه سرمد عليه جنت كاعدة ويه البنات

سرمد:ممكن احجي وياج ..

تينه/نحرجت من صديقاتي  .....كتلة ب ابتسامة هادئة ...ماشي .

استأذنت منهم وطلعنا من القاعة ..كعدنا على المصطبه قرب الكشك ...كعدت و سرمد راح جاب شاي ٢

سرمد:اليوم اول يوم الي دوام ....بس احس نفسي محتاج اتعرف بيج اكثر واكثر...

تينه:صراحه اول مره اعيش هيج تفاصيل يعني ماعرف شلون اتصرف و...

سرمد:لا...ممكن كل يوم نكعد هالكعدة واحنه زملاء لاتنسين هالشي ...

تينه:صح ...شربت شاي اجاة اتصال كام من يمي ...
مرت وحدة من الطالبات الي من دفعتنه اسمها فرح"

_هاي شنو بارحه داومتي واليوم كبلتي ؟

_ههه شدتحجين .....

عافتني ومشت ...اختنكت ...أجه سرمد كعد اني كمت من مكاني

سرمد:هاي وين رايحه

تينه:راح تبدي محاظرة عندي لازم اروح اسفه

سرمد:بيج شي ...

تينه:لا

سرمد:لعد خليج كاعدة ...

_______

زينب/طلعت للصيدلية وصلت هناك حبيت اتصرف كان ماكو شي صاير .....

دخل تيسير وراية
تيسير:صباح الخير 
زينب:صباح النور
تيسير:اليوم جبت ريوك خل نتريك سوة
زينب:سبقتك ...
تيسير:ليش احس انتي بالج اتجاهي مو صافي من ناحيتي
زينب:وليش يصفى ..انت رب عملي ....
تيسير:زين  ...اليوم هم وجبه ادويه جايه اريدج تساعديني...
زينب:صار ....

سلمى/بهذا اليوم قررت اروح لشغل مصطفى ....لبست وخليت هذاك العطر الي يسطر ودخلت لمحله جان كاعد شافني وجهه كام يضرب الوان كام وكف

سلمى:اشلونك مصطفى

مصطفى بحاله ذهول ... 

سلمى:مراح تكولي اتفضلي ...

مصطفى:اتفضلي...

سلمى:اني اريدك بشغله هي اريد ترتبلي بيتي المهجوم ..وتضوية...

مصطفى:شنو ؟

سلمى:اقصد ...اقصد عندك احد يعيد ترميم البيت وإني ماعندي غيرك الي فترة وعلاء رايح واجيت نخيت زلمه كدها وكدود ابن طيب مثلك

مصطفى:ولايهمج اشوفلج..وانتي خبر.

سلمى:يا بس شلون تنطيني خبر

مصطفى:يم اخلاص

سلمى:لالا...اقصد لا اخلاص خطية مشغولة اني اتفاهم وياك ....هذا رقمي وانت خابرني ...

مصطفى:ماشي ....

طلعت سلمى من يمي وهاي اول شرارة مرت بحياتي ....

الف فكرة اجتني سلمى بعد تقريب ٢٥سنه ليش؟وره ماكبرنا والشيب غزا راسنا وقلوبنا هيج تحي تطلب خدمه شسوي اخابر اخلاص ...لالا اخلاص انفعاليه يله يجوز تريد خدمه احنه ليش نصير دائما ناس متسرعة  
.........

مر اليوم الرهيب ينحسب على مصطفى وتينه  ويوم مليء بعلامات الاستفهام بالنسبه لزينب ...

زينب/رجعت للبيت ومزاجي متعكر .....هفففف
دخلت لكيت اخلاص جاي تخيط اووووف رجلي خيوط س٩بالليل هسه ....بس زينب تينه وين؟...صعدت للغرفة ماكو ....تينه وين....نزلت بسرعه ل اخلاص  .......

زينب:تينه وين ؟

أخلاص:والله داخيط وخي مدري شبيها مثل ضايجة وتحسب وتفكر اسئليها شبيها

زينب:من داومت لحد الان معاجبني وضعها انتي حاجيها وراقبيها شبيها مابيها....

هنا تينه جانت بالحديقة بس تمشي بهدوء باهته وراسها  يفكر بكلام صديقتها ...بس من تقربت من المطبخ صوت اخلاص وزينب عالي واتنرفزت ف دخلت على الخط بعصبيه كالت"

تينه:تراقبني ليش بله شنو شبيكم ماتثقون بيه يعني ضايجة شوية تسوون بيه هيج .....

عفتهم ومشيت ....دخلت الغرفه وزينب تحاول تهديني بيومها ما تعشيت نمت جوعانه على لحم بطني .. ..

كلت بيني وبين نفسي همزين محجيت الهم شيء لفيت راسي ونمت ثاني يوم__________يتبع

اسفه لقصر الحلقة لكن اليوم عندي ظروف وماحبيت  انقطع عنكم ...المهم هالحلقة بيها هواي استفهامات وهاي راح تكون انتقاليه .....بالنسبه للشخصيات المذكورة بالرواية تحياتي #الكاتبة_شهناز_الخزعلي  #Jaymin