අම්මා...
අම්මා අපේ හැමදේකටම ළගින් ඉන්න, ශක්තියක් වෙන කෙනාලු. ඇත්තද? මට නම් බොරු! මොකද තේරෙන කාලෙක ඉඳන් අම්මා මාව රිද්දපු එක කරේ.... අතින් පයින් නොරිද්දුවත් මානසිකව මාව වැට්ටුවා! ගහපු අවස්ථාත් තිබ්බා.... ඒ පොඩි කාලේ! ඔයා මෙච්චර කල් අම්මාගෙන් එක ගුටියක්වත් කාලා නැත්නම් සතුටුවෙන්න! ඔයා හරි වාසනාවන්තයි! ඔයාට ඔයාව තේරුම් ගන්න අම්මෙක් ලැබිලා තියෙන්නේ... ඔයාට ගහන්න ඕන වුණත් ගැහුවොත් රිදෙයි කියලා බය ඇති! ඒකට මම නන් ඉස්සර ඉදන් ගුටි කනවා. යාළුවොත් එක්ක ඉද්දි මම අද ගුටි කෑවා කිව්වම ඉස්සර එයාලා පුදුම වෙනවා. ඇයි කියලා ඇහුවම කවදාවත් ගුටි කාලා නැල්ලු! මට නම් ඒක ඉස්සර සීනි බෝල කනවා වගේ වැඩක්! හහ්! හැබැයි දැන් රිදෙන විදියට වඩා ගුටි කන එක හොඳයි. ඉස්සර රිදුනේ අත් කකුල්.... දැන් රිදෙන්නේ හිත!
දැනුත් මේ හොදටම රිදිලයි ඉන්නේ... කවදාහරි දවසක මේක හම්බුනොත් කියවයිනේ....
තමන්ගේ අම්මම තමන්ව පහතට දාලා කතා කරන එක තරම් හිත් රිදවීමක් වෙන කොහේවත් නැතුව ඇති! විශ්වාස කරන්න පුළුවන්, අපිව තේරුම් ගන්න පුළුවන් එකම කෙනා අම්මලු...ඒක බොරුනේ?! මං ඕක කාලයක් විශ්වාස කරා.... හැමදේම ගිහින් අම්මට කිව්වා.... මෝඩ වැඩක් නම් එයා ඒක අත්තම්මලා, නැන්දලා, පුංචිලා ඔක්කොටම කිය කියා හිනා වුනා! මට වැරදුන තැනක් නම් හොදටම බැන්නා! මාව තේරුම් අරන් උදව් කරයි කියලා හිතුවට මට ඒක රිදුනා... හැම අම්මෙක්ම බයිනවා ඇති... ඒත්....
දකින දකින වෙලාවට බයිනවද? මං උදේ නැගිටින්නේ බැනුමකින්.... "පුතේ දැන් ඇති නිදාගත්තා" කිව්වොත් නැගිටින් නැතුව ඉදීද? හැබැයි කවදාවත් එහෙම වෙන් නෑනේ! උදෙන් පටන්ගත්ත එක දකින දකින වෙලාවට මතක් කර කර බයිනවා... රෑට තාත්තාට කියලා තවත් බයිනවා... නිදා ගන්නැතුව ඉද්දිත් බයිනවා!
මේවගේ වැඩකට නැති ළමයෙක් මොකටද කියලා අහනවා....
දවසක්....
මේ වගේ ළමයෙක් කොහොම අපේ පවුලට ආවද මන්දා මගේ ළමයෙක්ද කියලත් සැකයි.. කියලා අම්මට කියවුණා.... ඒකට... හිත රිදුණා! ටිකක් නෙවේ ගොඩක්! පිටතින් සැරයි වගේ හිටියට හිත ඇතුළින් මහා අසරණකමක් දැනුණා. හැමෝටම හොදින් ඉන්නත් මගේ හිත රිදවන්නත් කොහොමද එහෙම පුළුවන්? මං කවදාවත් "අම්මේ මට රිදෙනවා..." කියලා නෑ! කිව්වොත් තවත් බනී... ඒ නිසා ලිව්වා දුක තුනී වෙනකන් ලිව්වා! ඇඩුවා කදුළු හිදෙනකන් ඇඩුවා.... ඇඩුවමත් බයිනවා... කවදාවත් ඇයි කියලා ඇහුවේ නෑ!
YOU ARE READING
ගොළු හදවත ( one shot )
Short Storyකවදාවත් හිතක් රිද්දන්න එපා.... හදවතින් විඳින්නත් පුළුවන් විඳවන්නත් පුළුවන්.... හදවතට ඇති වුණු දාක.... ඒ හිත් අපිටත් නොකියා යන්නම යාවී... යලි නොයෙන්නම! මෙය වීව්ස් හා වෝට් ගැනීම පිණිස ලියන ලද කතාවක් නොවේ!
