🤍حــــلـــم فـــتـــاة🤍
هادي انا....حياتي موضرة عايشة وسط أحلام ماشي غا حلم واحد.....و اول حلم عندي هو نخرج مي من الفقر...ماما خديجة عانات و قاسات باش تعيشني و ماتخليني مخصوصة من والو...خدمات اي خدمة تقد طيح ليكم ف بالكم ضربات شطبات الزناقي هزات صنادق الخضرة ف سوق نقات ل بنادم خنزو تا عيات باعت الخبز باعت الحوايج فالبال.....و فنظركم شنو يخلي ام تدير هادشي كامل ... اب سامح ف عائلتو ......سامح فيهم باش يمشي يعيش حياتو حاشا واش يكون اب اصلا ...... عشت وسط خوف من جارنا السكايري لي يقد ف أي لحظة يفرع علينا الباب و يصفيها لينا بلا مايوعا ب داكشي لي كايدير ....... كاع هادشي و عمرنا تخلينا على بعضياتنا انا و مي خديجة جامي سمحنا ف بعضياتنا ولداتني كبراتني كساتني قراتني عمرني حسيت ب راسي مخصوصة..... عندنا بعضياتنا هي عندها انا و انا عندي هي ...... وارتاها ف كلشي زين و حتى الفورمة...هي لي باقي ماخرجش فيها الشيب ب حكم انها تزوجات و ولداتني و هي باقا صغيرة و حاليا انا عندي 16 و هي فالتلاتينات......عندنا نفس الملامح شعري كحل وطويل و عيني زورق و بشرتي بيضة طولتي متوسطة و فورمتي رقيقة شوية في طور النمو.....ماما نفسي ف كولشي تا هي كاتهلا ف راسها و فيا تانا......
خديجة:ياااقووووتت وااااا ياااقوت ......هاكيي ابنييتي جيبيي ليا الخميرة(كاتطل عليها من الشرجم لي صغييير و الكادر كولو مقشر)
ياقوت:(هزات راسها)لوووحييي ا ماما لووحي
خديجة:(لاحت ليها عشرة دراهم)خودي تاع مية وعشرين
ياقوت:واااخااااا
مشات للحانوت لي كان بعيد بزاااف على دار غادا بين دروبا المضيقين تا كاتحس بشي يد جراتها دخلاتها و سدات الباب و حطات يديها على فمها......خرجات عينيها الكبار و دغيا تجمعو ليها دموع ف عينيها سدرهاا كايطلع و ينزل ..... شافت ملامح الشاب لي قدامها شعرو مخربق و لحيتو تا هي زعر و عينيه خوضر طاغية عليهم الحمورية كايتنفس و كاتخرج من فمو ويحة دالجوانات تقلب الميت.....كايدوي ب صوت تقيييل و عينيه على عينيها....
هو:(اتمشي اتشوفي ليا واش زريقة كاين فالحومة(دوا بصوت غليض بزاف و فيه واحد البحة ف شكل)
بدات كاترمش عينيها ماعرفاتش شكون هاد زرييقة علامن كايهضر....فهمها بلي ماعرفاتش شكون هاد زريقة.....
هو:(تنهد)هفف طلي شوفي واش كاين شي بوليسي تما.....بلا ماتعيقي
سدات عينيها و حلاتهم و حركات راسها ب اه
طلات و لقات واحد لبوليسي شارف رجعات بالزربة و نطقات ب صوتها رقيق و نظراتها البريئة
ياقوت:اه كاين
خنزر و دخلها معاه للدار لي كانت طبلة كولها جوانات و حشيش و معجون......لمخاد مقلوبيين و كلشي مرون .....هي تخلعات و بدات مقنتة حدا الباب ......دخل للكوزينة جبد قرعة دالما....كان طويل و كتافو عامرين لابس شورط و سوفيطمة لاصقة عليه مخلية ليزابدو يبانو مستفين ......
هو:قيس ..... من عائلة غنية للزلط و ضريب المعجون و البلية و المعاشرة مع البزنازة قد صبعي صغير هههه حياة غير عادلة و نتي ؟....باينة فيك صغيرة امممم نعطيك سطاش العام خمس سنين دالحبس .....ماتهافيش ماغانديرش علاش باش ندوز عكاشة ....... شنو سميتك؟
ياقوت:سميتي ياقوت
هو:اسم على مسمى .....
يتبع
أنت تقرأ
حلم فتاة|بالدارجة المغربية
Actionفتاة متخلى عنها هي مها من طرف باباهم و حبها لمهووس و مريض نفسي قصة مليييئة بالأحداث المشوقة😍😍
