رجال لاتعرف الحب(مكتمله)

البارت35

الحلقة 35 من القصة الحقيقية #رجال_لاتعرف_الحب بقلمي #الكاتبة_شهناز_ال #JAMIN

كلت بيني وبين نفسي همزين محجيت الهم شيء لفيت راسي ونمت ثاني يوم كعدت زينب تحاول تشاقينيوتوخر الغضب الي تملكيني البارحة ... بدلت خليت حمرة طوخ ...لزمت ايدي زينب كالت"

_هاي شنوو؟ امسحيها خلي شي فاتح وهادئ بناتي مصارلج يومين من داومتي واعتقد كتلج ياخذون نظرة على الاقل خل يفوت مدة وراها شتسوين سوي ..

_شوفي اترجاج خليج بحالج وإني عمري١٨سنه مو صغيرة وبعدين هذا مو قانون ١٨سنه سن البلوغ صح لولا يعني اني حرة واعرف الصح من الغلط وخلي نصائحج الج يادكتورة زينب ...

_اوكفي بلة ؟يامثقف ذب بحلكج سالفه البنت او الشاب من يصير١٨سنه اله حق التصرف بحياته مثل مايريد ؟ماكو هيج شي بالعكس كل متكبرين تزيد مسؤلياتج اتجاة نفسج واتجاه الناس الي يحاوطونج....و هاي السمعتيه من ناس فشله لزكت بمخج وما الها اي صحه هالكلمة اصحي....البلوغ معناه انه تفكرين صح وتختارين صح ....وتكونين انسانه ناجحه بحياتج والتعبير عن رايج بمصداقية لج انتي الي يسمع هاي الكلام منج يكول هاي ....

_يكول هاي متحررة ومثقفه وواعيه

_لا غلطانه يكول هاي اتريد تطلع عن طور اهلها لو اهلها مضيقين عليها اصحي تينه تره احنه وحدنا هنا مالنا احد هاي اخلاص وبس الي لحد الان ساعدتنا وكفت ويانه ....

_هففف كأبتيني اجه الخط خل اروح ...

طلعت وإني مغتاضه جنت لابسه سوار كلش حلو فضه بي فصوص زرك ومحبس هم وبنطلون كابوي وهذاك الترتيب الحلو...جنت بهذاك اليوم كلش انيقة ...كلبي يدك ...سرمد راح يحجي ويايه بعد ما كشرت بوجهه البارحه ..؟طول الطريق ضليت افكر وصلت للدوام وبدت المحاضرات و سرمد ما اجه ضليت كاعدة وحدي افكر عود ليش هيج من يوم واحد من كعده وحده صار يعنيلي شيء وصرت افكر بي ويجي على بالي ...

زينب/ابتدى يومي بالصيدلية ...أليوم تيسير غير شكل جاي للصيدلية يدندن بينه وبين نفسه وكاشخ اخر كشخه ...وعطرة كد ماطيب يمرد الكلب ...هههههه اقصد يجذب الكلب ...

خليت كلشي طبيعي وهذا الي لازم يصير...جنت بوسط شرودي المتواصل ...وكف شمر دفتر ...فتحت عيوني ...

تيسير:هنا انتي غلطانه بفرز الأدوية مرة ثانيه انتبهي ...

زينب/ماحاولت اجاوبه اساسا بس اخذت الدفتر بين ايدي بتكاسل ... كل الي ببالي عطرة ...

اجه الحجي ....جان ديسولف بالتليفون ....

كل الي سمعته يكول "هلا بجيتك ننتظرك باجر ماعندنا شي ...

اني هم غلست...باوعت للساعه ١الظهر ضليت افكر اوح استراحه لولا ...ماردت ارجع للبيت ف بقيت ....

منو هذا الي راح يجي باجر وهالكد هو مهم ...؟

تينه/ بعد ماخلصنا محاضرات جنت كاعدة جان تجي زميلتي فرح ....كعدت يمي .....